Gujarati News

Gujarati News

News of Tuesday, 22nd September 2020

પોરબંદર જિલ્લામાં રેકડી અને કેબીનધારકોએ બંધ પાળ્યોઃ રાજકીય ઇશારે થતી હેરાનગતિ સામે રોષ

રેકડી કેબીન ધારકો ચોપાટી મેદાનમાં એકઠા થઇને વારાફરતી કલેકટર-નગરપાલિકા તથા એસ.પી.ને આવેદનપત્રો પાઠવ્યા

(હેમેન્દ્રકુમાર પારેખ દ્વારા) પોરબંદર તા.રર : જિલ્લામાં રાજકીય ઇશારે રેકડી અને કેબીન ધારકોને દબાણ હટાવ ઝુંબેશના નામે કરાતી હેરાનગતિ સામે જિલ્લાભરના  રેકડી અને કેબીન ધારકોએ આજે એક દિવસ બંધ પાળીને ચોપાટી મેદાન ખાતે એકઠા થઇને રોષ વ્યકત કરેલ અને ત્યાર પછી કલેકટર, નગરપાલિકા તથા એસ.પી.ને આવેદનપત્રો પાઠવ્યા હતાં.

જિલ્લામાં રેકડી અને કેબીન રાખીને કુટુંબનું ભરણપોષણ કરતા નાના ધંધાર્થીઓને દબાણ હટાવ ઝુંબેશમાં નિશાન બનાવીને રાજકીય સ્વાર્થથી તેના ઇશારે હેરાનગતિ કરવામાં આવતી હોવાની ફરિયાદો માટે કેટલાંક સમયથી ઉઠી છે. શહેરમાં ચાઇનીઝ બજારના નાના ધંધાર્થીઓને સફાઇના નામે પાલિકાની નોટીસ અપાય છે. ત્યારબાદ દબાણ હટાવવા નોટીસો આવી હેરાનગતિ કરાતાની ફરીયાદો ઉઠી છે. ચાઇનીઝ બજારની જગ્યા અંગે હાઇકોર્ટમાં દાદ માગવામાં આવી છે છતાં પાલિકા દ્વારા નાના ધંધાર્થીઓને હેરાનગતિ કરવાનું ચાલુ રહેલ છે.

શહેરમાં કલમ ૧૪૪  સમયાંતરેે લાગુ કરાય છે ત્યારે નાના ધંધાર્થીઓ હેરાન થઇ જાય છે. રેકડી અને કેબીન ધારકોએ પાળેલ બંધને વ્હોરા સમાજ, સલાટવાડા તથા નવી બજાર ખારવા સમાજે ટેકો જાહેર કરેલ છે. રેકડી કેબીન ધારકોને હેરાનગતિ દુર કરવા કલેકટર નગરપાલિકા અને એસપીને આવેદનપત્રો પાઠવવામાં આવ્યા હતાં.

(12:46 pm IST)
  • ૫ વર્ષમાં વડાપ્રધાને ૫૮ દેશોની મુલાકાત લીધી છે : રાજયસભામાં વિદેશ ખાતાએ જણાવ્યુ હતુ કે ૨૦૧૫ પછી અત્યાર સુધીમાં વડાપ્રધાન મોદીએ ૫૮ દેશોની મુલાકાત લીધી છે. access_time 3:13 pm IST

  • દેશમાં કોરોનાના કહેર વચ્ચે સતત પાંચમા દિવસે નવા કેસ કરતા રિકવર થનારની સંખ્યા વધી : રાત્રે 12 વાગ્યા સુધીમાં નવા 80,376 પોઝીટીવ કેસ સામે 87,081 દર્દીઓ સ્વસ્થ થયા : કોરોનાના કુલ કેસનો આંક 56,40,496 થયો: એક્ટીવ કેસ,ઘટીને 9,67,848 થયા : કુલ 45,81,820 લોકોએ કોરોનાને મ્હાત આપી :વધુ 1056 લોકોના મોત સાથે મૃત્યુઆંક 90,081 થયો access_time 12:55 am IST

  • સાબરકાંઠા જિલ્લામાં આજે કોરોનાના ૮ કોરોના પોઝિટિવ કેસ નોંધાયા:-હિંમતનગરમાં ચાર,ઇડરમાં બે,વડાલી અને તલોદમાં એક -એક કોરોના પોઝિટિવ કેસ :-જિલ્લામાં અત્યાર સુધીમાં ૯૨૩ પોઝિટિવ કેસ નોંધાયા access_time 7:23 pm IST