Gujarati News

Gujarati News

News of Tuesday, 22nd September 2020

શેત્રુંજી નદીમાં ન્હાવા ગયેલ ટીમાણાના ધાંધલીયા પરિવારનો માળો વિખાયો

પિતા પુત્ર બંને ડૂબવા લાગતા પુત્રને બચાવી શકયાઃ દીકરી પત્નિની નઝર સામેજ યુવક ગરકાવ

ભાવનગર, તા.૨૨: તળાજાના ટીમાણા ગામે રહેતા ખેડૂત પરિવાર ના માતા પિતા પોતાના બંને સંતાનો દીકરી દીકરાને લઈ નજીકમાં વહેતી શેત્રુંજી નદીમાં ન્હાવા અને કપડાં ધોવા ગયા હતા. આ સમયે પિતા અને પુત્ર બંને તણાવા અને ડૂબવા લાગતા સ્થાનિક તરવૈયા દ્વારા પુત્ર ને બચાવી શકયા હતા. યુવાન પિતા નું મોત થતા ધાંધલીયા પરિવારનો માળો વિખાયો હતો.

'કયા ભરોસા હે ઇસ ઝીંદગીકા' આ શબ્દો ને ચરિતાર્થ કરતી દુઃખદ ઘટના તળાજાના ટીમાણા ગામે બનવા પામી હતી.ટીમાણા ગામના ખેતીકામ કરી ગુજરાન ચલાવતા ધાંધલીયા પરિવારના મુકેશ લાભશંકરભાઈ ઉવ.૩૫, પત્નિ દક્ષાબેન, દીકરો દીક્ષિત ઉ.વ.૧૦ અને દીકરી ઉર્વીબેન ગામનજીકથી વહેતી શેત્રુંજી નદીમાં કપડાં ધોવા અને ન્હાવા ગયા હતા. મુકેશભાઈ પોતાના દીકરા દીક્ષિત સાથે નાહતા હતા. તે સમય દરમિયાન પાણીનું તાણ વધારે હોય નદીમાં તણાવા લાગ્યા હતા. જેમાં સ્થાનિક તરવૈયા દીક્ષિતને બચાવી લેવામાં સફળથયા હતા. મુકેશભાઈ પાણીમાં તરતા આવડતું હોવા છતાંય ગરકાવ થઈ ગયા હતા.એકાદ કલાક બાદ તેમનો મૃતદેહ મળ્યો હતો.ગામના પૂર્વ સરપંચ જીતુભાઇ પનોત એ જણાવ્યું હતુંકે ગામના બે મુસ્લિમ તરવૈયા યુવકો ઇરફાનભાઈ અને ઇકબાલભાઈ એ નાનકડા દીક્ષિત ને બચાવી લીધો હતો. બનાવના પગલે સાંસદ પી.એ તુલસીભાઈ મકવાણા ને ખબર પડતાં તેઓએ ડે. કલેકટર ને જાણ કરતા ડિઝાસ્ટર મેનેજમેન્ટ અને પોલીસ ની ટીમ દોડી ગઈ હતી.

ટીમાણા ગામના પૂર્વ સરપંચ જીતુભાઇ પનોત એ જણાવ્યું હતુંકે આ ઘટના શેત્રુંજી નદી પરનો પુલ ન બનવાના કારણે બની છે. ટીમાણાં દાંતરડ ગામને જોડતો પુલ મંજુર થઈ ગયો છે. કોન્ટ્રકટર નક્કી થઈ ગયા છે. તેમ છતાંય લાંબા સમયથી એજન્સી કામ કરતી નથી. લોકો સખત પરેશાન થાય છે.

(10:23 am IST)
  • એન.સી.પી.ચીફ શરદ પવાર 1 દિવસના ઉપવાસ ઉપર : સ્પીકરે સભ્યોને વિરોધ કરવાની તક આપવી જોઈએ : કૃષિ બિલ પાસ કરતા પહેલા ઓછામાં ઓછી બે થી ત્રણ દિવસની ચર્ચા થવી જરૂરી હતી : બરતરફ કરાયેલા 8 સાંસદોના સમર્થનમાં રાજ્યસભામાંથી વોક આઉટ access_time 1:18 pm IST

  • સાબરકાંઠા જિલ્લામાં આજે કોરોનાના ૮ કોરોના પોઝિટિવ કેસ નોંધાયા:-હિંમતનગરમાં ચાર,ઇડરમાં બે,વડાલી અને તલોદમાં એક -એક કોરોના પોઝિટિવ કેસ :-જિલ્લામાં અત્યાર સુધીમાં ૯૨૩ પોઝિટિવ કેસ નોંધાયા access_time 7:23 pm IST

  • ૨૭૦ વ્હેલ માછલીઓ ઓસ્ટ્રેલિયાઇ દ્વીપ તસ્માનિયાના કિનારા પર ફસાયેલ મળી, રપની બચવાની સંભાવના નથીઃ તસ્વીરો સામે આવી : સમુદ્રી જીવવિજ્ઞાનીઓ આ વ્હેલોને બચાવવાની યોજના બનાવી રહ્યા છે. વૈજ્ઞાનિકોએ કહ્યું કે ઓછામાં ઓછી રપ વ્હેલ પહેલાજ મરી ચૂકી છે આ બધી પાયલટ વ્હેલ છે. access_time 11:47 am IST