Gujarati News

Gujarati News

News of Saturday, 22nd September 2018

ધારીના ખોડીયાર ડેમના પાણીનો જથ્થો અનામત રાખવા રજૂઆત

ધારી તા.૨૨ : ધારીમાં આવેલ ખોડીયાર ડેમનું પાણી પીવા માટે અનામત રાખવા બાબતે સરપંચે જણાવ્યું કે કલેકટરને રજૂઆતમાં જણાવેલ છે.

અમરેલી જિલ્લાના ધારી ગામ તથા ધારી તાલુકામાં ચાલુ સાલ ખૂબ જ ઓછો વરસાદ થયેલ છે અને ધારી ગામે નદી નાળાઓમાં આ વરસે પૂર આવેલ નથી. તેમજ દલખાણીયા જંગલ વિસ્તાર કે જયાંથી પૂરા વરસ માટેનો પાણીનો સ્ત્રોત આવે છે ત્યાં પણ વરસાદ નહીવત થયેલ હોય ધારી ગામે આવેલ ખોડીયાર ડેમમાં પાણીનો ખૂબ જ નહીવત પ્રમાણમાં જથ્થો જમા થયેલ છે.

ધારી ખોડીયાર ડેમમાંથી ધારી તાલુકાના ગામડા, વિસાવદર સુધી તથા ચલાલા નગરપાલીકા વિસ્તાર, અમરેલી નગરપાલીકા વિસ્તાર સુધી ધારી ખોડીયાર ડેમમાંથી પીવાનુ પાણી વિતરણ કરાય છે. જેથી પિયત માટે પાણી છોડવાથી પીવાના પાણીની વિકટ પરિસ્થિતિ ઉભી થશે.

હાલમાં ધારી ખોડીયાર ડેમમાં ૩૫% જેવો જ પાણીનો જથ્થો ઉપલબ્ધ હોય માંગણી છે કે, આવનાર સમયમાં કોઇપણ સંજોગોમાં ધારી ખોડીયાર ડેમમાંથી પિયત કે અન્ય રૂપે પાણી છોડવાની કોઇ કાર્યવાહીને મંજૂરી ન આપવા કારણ કે, હાલ પાણીનો જથ્થો સિમીત છે અને પિયત છોડવામાં આવે ત્યારે પાણીનો ઉપયોગ કરતા બગાડ વધુ પ્રમાણમાં થાય છે. ઉપરાંત પિયત માટે પાણી છોડવાથી ડેમનું ખાલી થઇ જવાથી પાણીના તળ ઉંડા જતા રહે છે. તેથી ધારી શહેરને પણ પીવાના પાણીની ખૂબ જ સમસ્યાઓ ઉભી રહે છે. ધારી ખોડીયાર ડેમમાં રહેલ પાણીનો જથ્થો પીવાના પાણી માટે અનામત રાખવા માટે કરવાની કાર્યવાહી વહેલી તકે હાથ ધરવામાં આવે તેવી કાર્યવાહી કરાવવા રજૂઆતમાં જણાવેલ છે.(૪૫.૬)

(12:16 pm IST)
  • ગીરના જંગલમાં 6 બાળ સિંહ, 3 માદા સિંહણ, 1 નર સિંહ અને 1 વણ ઓળખાયેલ સિંહના મોત:3 બાળ સિંહો ના ઈનફાઈટ માં, 3 ના સારવાર દરમિયાન, 2 બીમારી થી અને 3 ના ફેફસાં માં સંક્રમણના કારણે મોત access_time 10:16 pm IST

  • મહેસાણા: ઉંઝાના વેપારી સાથે 4 કરોડ રોકડ રૂપિયાની લૂંટ:લૂંટારૂઓએ વેપારીના હાથ પગ બાંધી રાજસ્થાનના અલવરની બોર્ડર પાસે ફેંકી દીધા:સ્થાનિક લોકો દ્વારા તેમને સારવાર અર્થે ખસેડવામાં આવ્યા:પોલીસે સમગ્ર ઘટના અંગે તપાસ હાથ ધરી access_time 10:13 pm IST

  • ગોવા કોંગ્રેસે કરી વિધાનસભાના સ્પીકર હટાવવાની માંગ :સચિવને સોંપ્યો પાત્ર ;14 ધારાસભ્યોનું સમર્થન : 40 સભ્યોવાળીગોવા વિધાનસભામાં કોંગ્રેસના 16 સભ્યો છે :કોંગ્રેસે સાવંતને હટાવવા માટે સત્ર બોલવવા 14 દિવસની નોટિસ આપી access_time 1:12 am IST