Gujarati News

Gujarati News

News of Monday, 22nd July 2019

એલસીબીએ માધાપર પાસે ફિલ્મી ઢબે પીછો કરી દારૂ ભરેલી કાર ઝડપી

માધાપર, રેહા, ખેડોઈ ના ૪ બુટલેગરો સામે ફરિયાદ

ભુજ, તા.૨૨: પશ્ચિમ કચ્છ એલસીબીએ દારૂ ભરેલી કાર નો સતર્કતા સાથે પીછો પકડીને કાર દ્વારા દારૂની હેરફેર કરવાનો કિસ્સો ઝડપી પાડ્યો છે. ઇન્ચાર્જ પીઆઇ એમ.બી.ઔસુરાના માર્ગદર્શન હેઠળ એલ.સી.બી. સ્ટાફના કર્મચારીઓ ભુજ તાલુકા વિસ્તારમાં પેટ્રોલીંગમાં હતા ત્યારે બાતમી મળેલ કે મોટા રેહા (ભુજ)ના ભચુભા સવાજી ઉર્ફે સવાઇસિંહ જાડેજા પોતાના કબ્જાની સફેદ કલરની સ્વીફટ ડીઝાયર કાર જેના રજી નં. ઞ્થ્-૧૨ ઘ્ભ્-૫૧૯૯ વાળીમાં મોટા રેહાથી ભારતીય બનાવટનો વિદેશીદારૂ ભરી વહેલી સવારના માધાપર ગામ તરફ નિકળનાર છે. બાતમીના આધારે પોલીસે ગોઠવેલ વોચમાંઙ્ગ દરમ્યાન એક સફેદ કલરની સ્વીફટ કાર મોટા રેહા ગામ તરફના રોડ થી લેર ગામ તરફના રોડ ઉપર આવતી નજરે ચડતા તે કારને રોકવા કોશીષ કરતા તે કારનો ચાલકઙ્ગ કારને ઉભી નહી રાખી રોડ પરથી સીધો નીકળી લેર ગામ વાળા રસ્તે નીકળતાઙ્ગ એલસીબી પોલીસે ફિલ્મી ઢબે તે કારનો પીછો કરી માધાપર ગામની પાછળ ગંગેશ્વર રોડ પર આ કારને પકડી પાડી હતી. કાર ચાલકની પૂછપરછ કરતા તેનુ નામ ભચુભા સવાઇસિંહ જાડેજા, રહે.મોટા રેહા, (તા.ભુજ) હોવાનું જણાવેલ હતું. કારમાં બેઠેલ બીજી વ્યકિતની પૂછપરછ કરતા પોતાનું નામ હકુમતસિંહ ઉર્ફે હકુભા રાણુભા જાડેજા, ઉ.વ.૨૨, રહે.મોટા રેહા, (તા.ભુજ) વાળો હોવાનું જણાવ્યું હતું. તેમનાઙ્ગ કબ્જાની કારની ઝડતી તપાસ કરતા કારમાંથી ભારતીય બનાવટના વિદેશી દારૂની પેટી નંગ-૧૧, બોટલ નંગ-૧૩૨, કિ.રૂ.૪૬,૨૦૦/- નો દારૂ ઝડપાયો હતો. દારૂની હેરફેર માટે ઉપયોગમાં લીધેલ મારૂતી કંપનીની સ્વીફટ ડીઝાયર કાર રજી નં. ઞ્થ્-૧૨-ઘ્ભ્-૫૧૯૯, જેની કિ.રૂ.૩,૦૦,૦૦૦/- તથા મોબાઇલ ફોન નંગ-૧, કિ.રૂ.૫૦૦/- એમઙ્ગ કુલ્લે કિ.રૂ.૩,૪૬,૭૦૦/-ઙ્ગ નો મુદામાલ જપ્ત કર્યો હતો. દારૂ અંગે પુછ-પરછ કરતા આરોપી બચુભા જાડેજાએ જણાવેલ કે, સદરહું દારૂનો જથ્થો ગામ મોટી ખેડોઇના શિકતસિંહ સરવૈયા પાસેથી લાવી માધાપર, તા.ભુજના સમીર ગઢવીને આપવાનો હતો જેથી ચારેય આરોપીઓ નં.(૧)ભચુભા સવાજી ઉર્ફે સવાઇસિંહ જાડેજા, ઉ.વ.૪૦, નં.(ર)હમુતસિંહ ઉર્ફે હકુભા રાણુભા જાડેજા, ઉ.વ.૨૨, રહે.બંન્ને મોટા રેહા, તા.ભુજ, નં.(૩) શકિતસિંહ સરવૈયા, રહે.મોટી ખેડોઇ તા.ભુજ, તથા નં.(૪)સમીર ગઢવી, રહે.માધાપર, તા.ભુજવાળા વિરૂધ્ધ ભુજ શહેર બી ડિવીઝન પો.સ્ટે. કાયદેસરની કાર્યવાહી કરી ફરીયાદ દાખલ કરવામાં આવેલ છે.

(10:27 am IST)
  • મુસ્લિમોને પણ SC/STને મળતા અનામતના લાભોમાં સમાવિષ્ટ કરો : સુપ્રીમ કોર્ટના 1992 ની સાલના જજમેન્ટનો અમલ કરો : કેરાલા હાઇકોર્ટમાં માઇનોરિટી ઇન્ડિયન્સ પ્લાનીંગ એન્ડ વિજિલન્સ કમિશનર ટ્રસ્ટએ દાખલ કરેલી પિટિશન access_time 8:21 pm IST

  • અમદાવાદના બે પોલીસ કોન્સ્ટેબલ ગૂમ થયા : શંકાસ્પદ મનાતી સુસાઈડ નોટ મળી આવી : નવરંગપુરા પોલીસ મથકનો બનાવઃ પોલીસ બેડામાં ખળભળાટ :આ બંને કોન્સ્ટેબલના નામ કૌશલ ભટ્ટ અને જીગર સોલંકી હોવાનું જાહેર થયુ છે access_time 4:12 pm IST

  • રાજકોટના મવડી વિસ્તારમા સાંજે જાણે નદી વહેતી કોઈ તેવા દ્રશ્યો સર્જાયા : મવડી વિસ્તારના કાવેરી પાર્કમાં પાણીના પ્રચંડ પ્રવાહમાં એક ગાડી અટવાય : સ્થાનિક લોકો અને ફાયર બ્રિગેડના જવાનોએ સાથે મળી કારચાલકનો કર્યો બચાવ : રાજકોટમાં વરસાદને પગલે વોકળામાં જતા પાણીના પ્રવાહમાં તણાઈ રહી હતી કાર : બન્ને બાજુથી દોરડા બાંધી કાર અને કાર ચાલકને બચાવી લેવાયા (વિડીયો - સંદીપ બગથરીયા) access_time 10:33 pm IST