Gujarati News

ખંભાળિયાઃ ઓખા મંડળમાં એક જેટી પાસેથી મોટરસાયકલ પર જઇ રહેલા બે પંજાબી  યુવાનોને પીક અપ વાનની ઠોકરે  કરૂણ મોત નીપજયા હતા.

આ બનાવની વિગત મુજબ દ્વારકા તાલુકાના ઓખામાં સ્થિત આર.કે. બંદર પાસેની હીરાવતી  જેટી પાસેથી  જી.જે.ર૭ ડી ૭૦૯૬ નંબરના હીરો હોન્ડા મોટર-સાયકલ પર મૂળ પંજાબના રહેવાસી અને હાલ ઓખામાં રહેતા  હરપ્રિતસિંઘ ગુરૂચરણસિંઘ (ઉ.વ. ર૪) અને મનપ્રિતસિંઘ સોહનસિંઘ (ઉ.વ.ર૧)  નામના બે યુવાનો જઇ રહ્યા હતા.

આ સ્થળે પુર ઝડપે અને બફીકરાઇપુર્વક જઇ રહેલા જી.જે. રપ  યુ. ૩૭૮૬ બોલેરો પીક-અપ વાનના ચાલકે બંન્ને આશાસ્પદ પંજાબી  યુવાનોનો હીરો હોન્ડા બાઇકને અડફેડ લીધું હતું. જેના કારણે ગંભીર ઇજાઓ થતાં હરપ્રિતસિંઘ અને મનપ્રિતસિંઘ નું કરૂણ મૃત્યુ નીપજયું હતુ.