Gujarati News

Gujarati News

News of Tuesday, 22nd May 2018

રાજીવ સાતવ-અમિત ચાવડાએ પરવાળા ગામે શાપરની ઘટનાના મૃતકના સ્વજનોને મળ્યા

રાજકોટનો કાર્યક્રમ રદ કરી માણાવદર પહોંચ્યાઃ મોડી સાંજે રાજકોટમાં

રાજકોટ, તા., રરઃ ગત રવિવારે શાપર-વેરાવળની રાદડીયા ઇન્ડસ્ટ્રીઝમાં મુકેશ વાણીયા નામના દલીત યુવકની ચોરીની શંકાએ અતીક્રુરતા પુર્વક હત્યા થતા મૃતકના પરીવારજનોને રૂબરૂ મળી દિલસોજી પાઠવવા રાજયના પ્રભારી રાજીવ સાતવ, પ્રદેશ પ્રમુખ તથા વિપક્ષી નેતા લીંબડી નજીકના પરવાળા ગામે ગયા હતા અને મૃતકના પરીવારને મળી હકીકતો જાણી સાંત્વના પાઠવી હતી. આ સમયે આયોગના શ્રી રાજુભાઇ પરમાર, ધારાસભ્ય શૈલેષ પરમાર, લાભાભાઇ ભરવાડ ઉપસ્થિત રહયા હતા.

આજે રાજય પ્રભારી તથા પ્રદેશ નેતાઓ રાજકોટ યાને યોજાયેલ અસંગઠીત કામદાર સંમેલનમાં ઉપસ્થિત રહેવાના હતા. પરંતુ રાજકોટ-અમદાવાદ હાઇવે પર વચ્ચે લીંબડી નજીકના પરવાળા ગામે દલીત યુવકના પરીવારને રૂબરૂ મળી વિગતો જાણવા તથા શાંત્વના પાઠવવા જતા તેઓ રાજકોટનાં કાર્યક્રમમાં પહોંચી શકયા ન હતા અને રાજકોટનો કાર્યક્રમ રદ કરી સીધા માણાવદરના કાર્યક્રમમાં જવા નીકળી ગયા હતા.

કોંગી સુત્રોના જણાવ્યા મુજબ વિપક્ષી નેતા પરેશ ધાનાણી સુરેન્દ્રનગરના પરવાળા ગામેથી પરત ગાંધીનગર જવા નિકળી ગયા હતા. જયારે રાજીવ સાતવ તથા અમિત ચાવડા માણાવદર કાર્યક્રમમાં ગયા છે.

માણાવદરથી પરત ફરતી વેળાએ રાજય પ્રભારી તથા પ્રદેશ પ્રમુખ અમિત ચાવડા રાજકોટ આવશે અને શહેરના કોંગી અગ્રણીઓને મળશે.

(4:29 pm IST)
  • બુખારીએ દિલ્હી હાઇકોર્ટને કહ્યું મુગલ બાદશાહ શાહજહાંએ આપી હતી ઈમામની પદવી :જમા મસ્જિદના શાહી ઇમામ મૌલાના સૈયદ અહમદ બુખારીએ મસ્જિદમાં પોતાના પુત્રને ઉત્તરાધિકારી બનાવવાના નિર્ણયનો બચાવ કરતા કહ્યું કે આ પદવી પહેલા ઇમામને મુગલ બાદશાહ શાહજહાંએ આપી હતી અને વર્ષોથી તેમના પરિવારને જ ઇમામ બનાવાય છે જે હજુ સુધી કાનૂની વિવાદમાં નથી access_time 1:39 am IST

  • ભારતના ''આધાર''નો વિશ્વમાં જયજયકાર? : અમેરિકા સતાધિશો પણ હવે ભારતના ''આધાર'' ની તરાહ ઉપર સોશ્યલ સીકયુરીટી નંબરની જગ્યાએ બાયોમેટ્રીક આઇ-ડી લાવી રહેલ હોવાનું ટ્વીટર ઉપર જાહેર થયું છે. access_time 3:51 pm IST

  • રાજકોટ જીલ્લાના તમામ ગોડાઉન માલીકો મીટીંગ સાથે યોજતા કલેકટર.. : રાજકોટ જલ્લાના તમામ ૧૦૦ થી વધુ વેરહાઉસ - ગોડાઉન માલીકો મેનેજરોની મીટીંગ બોલાવતા કલેકટરઃ ખુલ્લામાં રહેલો માલ મગફળી, કઠોર સહિતની ચીજ વસ્તુઓ ગોડાઉનમાં સેફ રાખી લેવા સૂચનાઃ ચેકીંગ પણ કરાશે. access_time 4:04 pm IST