Gujarati News

Gujarati News

News of Tuesday, 22nd May 2018

બાબરા પંથકમાં સેટેલાઇટ જમીન માપણીમાં ભૂલોની ભરમાળ... 'પાડાના વાંકે પખાલીને ડામ' જેવી ખેડૂતોની સ્થિતિ

જમીન-ક્ષેત્રફળની નોંધણીમાં નામ બીજાના :સ્થળ સ્થિતિ, પિયત, બિનપિયતની નોંધમાં પણ જબરા ગોટાળાથી રોષ : સત્વરે પુનઃમાપણી કરી ભૂલ નહિ સુધારાય તો આંદોલનાત્મક કાર્યક્રમોઃ તાલુકા પંચાયત પ્રમુખ અશ્વિનભાઇ દ્વારા જિલ્લા કલેકટરને રજૂઆત

બાબરા તા.રર : તાલુકામાં રાજય સરકાર દ્વારા એજન્સી મારફતે સેટેલાઇટ જમીન માપણી ભુલ ભરેલી ક્ષતિ ગ્રસ્ત હોવાથી ખેડુતોને પાડાના વાંકે પખાલીને ડામ જેવી સ્થિતી સર્જાતા પારાવાર મુશ્કેલીનો સામનો કરવો પડી રહ્યાની બૂમ સંભળાઇ રહી છે.

આ મામલે તાલુકા પંચાયત પ્રમુખ અશ્વિનભાઇ સાકરીયાએ જીલ્લા કલેકટર સમક્ષ રજૂઆતો કરી છે કે, સેટેલાઇટ માપણીમાં ખેડુતની જમીન અને ક્ષેત્રફળ અન્યોના નામે થવા પામ્યુ છે. એવી જ રીતે ઘણી જગ્યાએ સ્થળ સ્થિતી, પિયન બિનપિયતની નોંધ પણ  જબરા ગોટાળા હોવાથી હાલ ખેડુતો પોતાની જમીનના આધારો જેવા કે ૭-૧૨, ૮- અ ભુલ ભરેલા હોવાથી ધીરાણ મેળવી શકતા નથી.

વધુમાં ઉમેર્યુ છે કે, ભુલ ભરેલા કાગળો સરકારી રેકર્ડ બની જવાથી બેંકીગ પ્રક્રિયા જમીન ધિરાણ, મોર્ગેઝ, પાક ધિરાણ, કિશાન ક્રેડીટ ધિરાણ મળવામાં પણ ખેડુતોને ધરમના ધકકા ખાવા પડે છે.

વ્યવસાયાર્થે બહાર વસવાટ કરતા અમુક ખેડુતો સેટેલાઇટ માપણી સમયે ઉપસ્થિત નહી હોવાથી અરજદાર પોતાનો કબ્જો દર્શાવી શકયા નથી. હાલ ચોમાસુ નજીક છે ત્યારે ખેડુતો બેંક, મંડળીમાંથી ધીરાણ લેવા આવે ત્યારે સરકારી છબરડાનો ભોગ બનવુ પડે છે.

મોટાભાગના ખેડુતોની જમીન માપણી સમયે ૭-૧૨ અને ૮-અના ઉતારામાં નામ હોવા છતા કબ્જા પાવતીનું બહાનું આગળધરી જમીન માપી દેવામાં આવતી નથી. અમુક ખેડુતોના કાગળોમાં કોમ્પ્યુટર ભુલના કારણે ધિરાણ અટકી પડયા છે.

સરકાર દ્વારા નિમાયેલી એજન્સી મારફતે નિરાકરણ લાવવા સત્વરે સમુળગી માપણી ફરી કરી જયાં જયાં ભૂલો થઇ છે. ત્યાં ત્યાં સુધારવામાં નહિ આવે તો આગામી દિવસોમાં નાછુટકે ખેડુતોને સાથે રાખીને આંદોલનાત્મક કાર્યક્રમો ઘડી કાઢવાની ફરજ પડશે તેવી ઉગ્ર ચિમકી ઉચ્ચારાઇ છે.

(12:02 pm IST)
  • જામનગરમાં PI અને PSIની બદલીઓ કરતા જિલ્લા પોલીસ વડા : પાંચ PI અને બે PSIની બદલીઓ કરવામાં આવી : સીટી બી ડિવિઝનના પીઆઇ રવિરાજસિંહ જાડેજાને અમદાવાદ શહેર બદલી કરાઇ : સીટી એ ડિવિઝનના પીઆઇ કે આર સક્સેનાની એસીબીમાં બદલી કરવામાં આવી : સિટી બી ડિવિઝનમાં નવા પીઆઇ તરીકે કે પી જોષીની નિમણૂક : સીટી સી ડિવિઝનના પીઆઇની ખાલી જગ્યા પર યુ સી માર્કન્ડે મુકાયા : સિટી એ ડિવિઝનમાં પીઆઇ તરીકે એમ એમ રાઠોડની નિમણુંક કરાઇ : જ્યારે બે પીએસઆઇની જિલ્લામાં આંતરિક બદલીઓ કરવામાં આવી : જાહેર હિત અને વહીવટી હિત ખાતર બદલીઓ કરતા જિલ્લા પોલીસ વડા પ્રદીપ સેજુળ access_time 2:04 am IST

  • રાષ્ટ્રપતિ કોવિંદજીએ માનદ્... ડીગ્રી નકારી : હિમાચલનની નૌણી યુનિ.ના કાયક્રમમાં રાષ્ટ્રપતિ બોલ્યા ''તમારી લાગણીની કદર કરૂ છું, પણ હું એ ડીગરીને લાયક નથી '' : ડોકટર ઓફ સાયન્સની પદ્વી રામનાથ કોવિંદજીએ નકારી દીધી access_time 11:38 am IST

  • યુપીમાં ભાજપના 11 ધારાસભ્યો સહીત 13 નેતાઓને 10-10 લાખની ખંડણી માંગી ધમકી :તમામને સંદેશાની ભાષા એકસરખી :ખાડીના દેશોમાં છુપાયેલ અપરાધી અલી બાબા બુધ્ધેશનો હાથ હોવાની શંકા :એસટીએફ અને ડીજીપી મુખ્યાલયના સાયબર સેલને તપાસ સોંપાઈ access_time 1:18 am IST