Gujarati News

Gujarati News

News of Thursday, 22nd April 2021

સારવાર સાથે સાધના : મોરબીના કોવિડ સેન્ટરમાં ભકિતભાવપૂર્વક રામનવમીની ઉજવણી

રઘુવંશી સમાજના કોવિડ સેન્ટરમાં ભગવાન રામની મૂર્તિને થાળમાં રાખી દરેક દર્દીઓને દર્શનનો લાભ અપાયો

(પ્રવિણ વ્યાસ દ્વારા)મોરબી,તા.૨૨:  મોરબીના રઘુવંશી સમાજના કોરોના કેર સેન્ટરમા રામનવમીની ભકિતભાવપૂર્વક ઉજવણી કરવામાં આવી હતી. જેમાં ભગવાન શ્રીરામની મૂર્તિને થાળમાં રાખી આરતી કરીને દરેક દર્દીઓને દર્શનનો શ્રદ્ઘાભેર લાભ અપાયો હતો અને ભગવાન શ્રીરામ કોરોનાની બીમારીમાંથી મુકત કરાવે તેવી પ્રાર્થના કરવામાં આવી હતી.

મોરબીમાં રઘુવંશી સમાજ દ્વારા લોહાણા વિધાર્થી ભવન ખાતે લોહાણા સમાજના કોરોનાગ્રસ્ત દર્દીઓને સારવાર આપવા માટે કોવિડ કેર સેન્ટરનું આયોજન કરવામાં આવ્યું છે. જેમાં કોવિડના દર્દીઓને સઘન સારવાર આપવાની સાથે દર્દીઓના મનમાંથી કોરોનાનો હાઉ દૂર કરવાના સકારાત્મક પ્રયાસો કરવામાં આવી રહ્યા છે ત્યારે આ કોવિડ કેર સેન્ટરમાં ભગવાન શ્રી રામલલ્લાની જન્મ જયંતિની અનોખી રીતે ઉજવણી કરવામાં આવી હતી. જેમાં દર્દીઓ ભકિતમય બનીને પ્રભુની પ્રાર્થનાથી ઝડપથી સાજા નરવા થાય તે માટે સ્ટાફ દ્વારા ભગવાન શ્રી રામની મૂર્તિને થાળમાં બિરાજમાન કરી દીપ પ્રગટાવીને આરતી કરવામાં આવી હતી. બાદમાં પ્રભુ રામની મૂર્તિ સાથેનો થાળ કોવિડ દર્દીઓ સમક્ષ ફેરવવામાં આવ્યો હતો અને દરેક દર્દીઓ પ્રભુ શ્રીરામના દર્શન કરીને ધન્યતા અનુભવી હતી. તેમજ પોતે કોરોનામાંથી ઝડપથી સાજા થાય ફરી સ્વસ્થ બનીને જીવન જીવી શકે તેવી પ્રાર્થના કરવામાં આવી હતી.

(12:53 pm IST)
  • મુખ્યમંત્રી વિજયભાઈ રૂપાણીએ એક આદેશ જાહેર કર્યો છે અને પોલીસતંત્રને કહ્યુ છે કે સ્કુટર ચાલકો અને મોટર ચાલકો પાસેથી માસ્ક પહેર્યુ ન હોય તે સિવાય બીજો કોઈપણ દંડ હાલના સંજોગોમાં વસૂલવો નહિં access_time 6:08 pm IST

  • રાફેલ ફાઇટર જેટનો 5મો જથ્થો નવા 4 ફાઇટર જેટ સાથે આજે સાંજે ફ્રાન્સથી ભારત આવી પહોંચ્યો : આ સાથે હવે ભારતીય વાયુ સેના પાસે 18 રાફેલ ફાઇટર જેટની તાકાત થઈ access_time 11:35 pm IST

  • કોરોના રોગચાળાની બીજી લહેરની પકડમાં જીવલેણ વાયરસ ઘણા દેશોને પાયમાલ કરી રહ્યો છે. પરિણામેં વૈશ્વિક સ્તરે ચેપગ્રસ્ત લોકોની સંખ્યામાં વધારો થઈ રહ્યો છે. છેલ્લા 24 કલાકમાં વિશ્વમાં આઠ લાખથી વધુ નવા કોરોના ના કેસ મળી આવ્યા અને 14 હજારથી વધુ પીડિતો દુઃખદ મૃત્યુ પામ્યા છે. અમેરિકાની જોહન્સ હોપકિન્સ યુનિવર્સિટીના ડેટા અનુસાર બુધવારે સવારે કોરોના પીડિતોનો વૈશ્વિક આંકડો વધીને 14 કરોડ 26 લાખથી વધુ થઈ ગયો છે. access_time 1:37 am IST