Gujarati News

Gujarati News

News of Monday, 22nd April 2019

અમરેલી પંથકમાં ભાજપના ઉમેદવાર નારણભાઈ કાછડિયાની વિરૂદ્ધમાં પત્રિકાનું વિતરણ કરનાર કોંગ્રેસના શહેર પ્રમુખ સહિત ૧૫ની અટકાયત

ભાજપની આંતરિક લડાઈ અને વિખવાદ બહાર આવ્યોઃ પરેશ ધાનાણીનો આક્ષેપ

અમરેલી, તા. ૨૨ :. અમરેલીના ભાજપના ઉમેદવાર નારણભાઈ કાછડિયા વિરૂદ્ધ ગૌચરની જમીનમાં દબાણ અંગે પત્રિકાઓનું વિતરણ કરનાર શહેર કોંગ્રેસ પ્રમુખ લલિત ઠુંમર, પાલિકા ઉપપ્રમુખ કૌશિકભાઈ વઘાસિયા, દિપક ચૌહાણ, જુબેરભાઈ કુરેશી, ઈમરાન સુમરા, અલી કાદરી, શકીલ સૈયદ, અહેસાન ધાણીવાળા, મયુર ચૌહાણ, ગૌતમ ટિમાણી, અમીર ચૌહાણ, શકીલ એદ્રુસી, અહેમદખાન લોદી, સલીમ ચૌહાણ, આસિફ કુરેશી સહિતનાને રૂ. ૧૦,૫૦૦ તથા પત્રિકાઓના જથ્થા સાથે ઝડપી પાડેલ છે.

આ શખ્સોમાંથી ૩ શખ્સો દારૂ પીધેલ હાલતમાં હોવાનું જાણવા મળતા પોલીસે આદર્શ આચારસંહિતા ભંગનો ગુન્હો દાખલ કરીને અટકાયત કરી વધુ તપાસ હાથ ધરી છે.

આ અંગે કોંગ્રેસના ઉમેદવાર પરેશભાઈ ધાનાણીએ જણાવ્યુ હતુ કે, ભાજપનો આંતરિક વિખવાદ બહાર આવ્યો છે અને ગૌચરના નામે પત્રિકા છપાવીને કુપ્રચાર કરવામાં આવ્યો છે.

(4:55 pm IST)
  • ઇન્કમટેક્સ વિભાગે સપાટો બોલાવ્યો : દિલ્હીના ઇન્વેસ્ટિગેટિવ વિંગના DG સહિત દિલ્હી - એનસીઆર, ભોપાલ, ઇન્દોર અને ગોવામાં અનેક જગ્યાઓએ એક સાથે રેડ પાડી અને સર્ચ ઓપરેશન હાથ ધર્યું છે : આધારભૂત બાતમીના આધારે મોટાપાયે કાળા નાણાંનો સંગ્રહ અને હેરાફેરીને રોકવા ITએ આ ઓપરેશન હાથ ધર્યું હોવાનું જાણવા મળે છે : 6 મોટા વ્યવસાયિક ઘરો, 2 મોટી આંગડિયા પેઢી, 2 મોટા જમીનોના દલાલ સહિત 1 બહુ મોટા જવેલર્સ ઇન્કમરેક્સના રાડારમાં હોવાનું કહેવાય રહ્યું છે અને આ તમામ કોઈ ને કોઈ રીતે રાજકારણ સાથે સંકળાયેલા હોવાનું ચર્ચાય રહ્યું છે. access_time 8:07 pm IST

  • શ્રીલંકામાં થયો વધુ એક બૉમ્બ ધડાકો : બૉમ્બ ડિફ્યુઝલ સવોડ દ્વારા, મળી આવેલ એક બૉમ્બને નિષ્ક્રિય કરતી વખતે થયો બૉમ્બ બ્લાસ્ટ : અત્યાર સુધીમાં અધધધધ 87 જીવતા બૉમ્બ મળી આવ્યા હોવાનું જાણવા મળે છે. access_time 6:32 pm IST

  • ક્રુડના ભાવ વધારાની અસરઃ સેન્સેકસ ૩૦૦ પોઇન્ટ ડાઉન : ક્રુડના ભાવ વધારાએ શેર બજારની તેજીને બ્રેક લગાવી ર.૧પ કલાકે સેન્સેકસ ૩૧૦ પોઇન્ટ ઘટીને ૩૮૮૩૦ અને નીફટી ૧૦૮ પોઇન્ટ ઘટીને ૧૧૬૪૪ ઉપર છેઃ ડોલર સામે રૂપિયો ૬૯.પર ઉપર ટ્રેડ કરે છે. access_time 3:53 pm IST