Gujarati News

Gujarati News

News of Monday, 22nd April 2019

ભાવનગર જિલ્લામાં 6738 દિવ્યાંગ મતદારો : વ્હીલચેર સહિતની વિવિધ વ્યવસ્થા

ભાવનગર : ભાવનગર જિલ્લા ચૂંટણી તંત્ર દ્વારા જિલ્લામાં વસતા કુલ ૬૭૩૮ દિવ્યાંગ મતદારોને મતદાન કરવામાં સુગમતા રહે એ હેતુસર સહાયકોની તેમજ વ્હીલચેર સહિતની વિવિધ વ્યવસ્થા કરવામાં આવી છે.

આ માટે જિલ્લા ચૂંટણી તંત્ર દ્વારા પર્સન્સ વિથ ડિસેબિલિટીઝ - પીડબલ્યુડી મતદારો માટે પાંચ સ્પેશિયલ બુથ ઊભા કરવામાં આવનાર છે. તદુપરાંત, કોઇ પણ દિવ્યાંગ મતદાર મતાધિકારથી વંચિત ન રહે તે હેતુથી મતદાર મતદાન મથક સુધી પહોંચી શકે એ માટે વાહનની સુવિધા પૂરી પાડવામાં આવશે.      

   ભાવનગર જિલ્લામાં દૃષ્ટિની ખામીવાળા ૭૬૪ મતદાર, બોલી કે સાંભળી ન શકનારા ૫૦૧ મતદાર, હાથ અથવા પગની ખામીવાળા ૪૨૬૦ મતદાર અથવા તે સિવાયની અન્ય દિવ્યાંગતા ધરાવનારા ૧૨૧૩ મળી કુલ ૬૭૩૮ દિવ્યાંગ મતદારો નોંધાયેલા છે. આ તમામ મતદારો માટે તંત્ર દ્વારા વ્હીલચેર તેમજ સહાયકોની વ્યવસ્થા કરવામાં આવશે.

(12:47 pm IST)
  • ત્રીજા ચરણમાં ૧૧૬ બેઠકોઃ અડધાથી વધુ બેઠકો ઉપર ભાજપનો કબ્જોઃ આ વખતે રાહ સરળ નથી: કાલે ૧પ રાજયોની ૧૧૬ બેઠક પર મતદાનઃ આ ચરણમાં ભાજપની પ્રતિષ્ઠા દાવ પરઃ જીતેલી બેઠકો જાળવી રાખવા પડકારઃ ત્રીજા ચરણની અડધાથી વધુ બેઠકો ભાજપ પાસે છેઃ કાલે વાયનાડથી રાહુલ ગાંધીના ભાગ્યનો પણ ફેંસલો થશેઃ ર૦૧૪ માં ૧૧૬ બેઠકોમાંથી એનડીએને ૬૭ બેઠકો મળી હતીઃ આમાંથી ૬ર બેઠક પર ભાજપ,૪ શિવસેના અને એક એલજેપીએ જીતી હતીઃ યુપીએને ર૬ બેઠકો મળી હતી જેમાં કોંગ્રેસને ૧૬, રાજદ ર, એનસીપી ૪, મુસ્લિમ લીગ ર, અને ૧ કેરળ કોંગ્રેસને મળી હતી. access_time 3:58 pm IST

  • હાર્દિક પટેલ અને નરેશભાઇ પટેલ વચ્ચે રાજકોટ ખાતેની શુભેચ્છા મુલાકાત-મંત્રણામાં પાસ અગ્રણી અલ્પેશ કથીરીયાની જેલમુકિત-જામીન અંગે ચર્ચા થયાનું એક ખાનગી ટીવી ચેનલે જણાવ્યું છે access_time 4:25 pm IST

  • વડાપ્રધાન મોદીના તા. 25 એપ્રિલે વારાણસીમાં થનાર મેગા રોડ શો માટે આજથી ભાજપે વારાણસીમાં ઘરે ઘરે જઈને રોડ શોમાં આવવાનું આમંત્રણ આપવાનું અભિયાન શરૂ કર્યું છે : અમિતભાઇ પણ આ રોડ શોમાં હાજર રહેશે અને બીજા દિવસે નરેન્દ્રભાઈ સાથે લોકસભા ચૂંટણીનું નામાંકન પત્ર ભરતી વખતે પણ વડાપ્રધાનની સાથે રહેશે : હવે સૌ કોઈની નજર કોંગ્રેસ પર કેન્દ્રિત થઈ છે કે પ્રધાનમંત્રી મોદીની સામે કોંગ્રેસ કોને ચૂંટણી લડાવશે? access_time 9:04 pm IST