Gujarati News

Gujarati News

News of Monday, 22nd April 2019

ભાડલામાં કૂવો ગાળતી વખતે ભેખડ માથે પડતાં કોળી યુવાન હરેશનું મોત

માસુમ દિકરા-દિકરીએ પિતાની છત્રછાંયા ગુમાવતાં પરિવારમાં શોક

રાજકોટ તા. ૨૨: જસદણના ભાડલા ગામે રહેતાં હરેશભાઇ ધીરૂભાઇ મેટાડીયા (ઉ.૨૮) નામના કોળી યુવાન પર કૂવો ખોદતી વેળાએ માથે ભેખડ પડતાં ગંભીર ઇજા થતાં મોત નિપજ્યું છે.

હરેશભાઇ સહિતના ત્રણ-ચાર જણા રવિવારે સાંજે ભાડલા પોતાની વાડીએ કૂવો ગાળતાં હતાં ત્યારે ભેખડ તૂટી પડતાં હરેશભાઇને માથામાં ઇજા થતાં ગંભીર ઇજા થતાં જસદણ સારવાર અપાવી રાજકોટ સિવિલ હોસ્પિટલમાં ખસેડાયો હતો. પરંતુ અહિ મોત નિપજ્યું હતું. હોસ્પિટલ ચોકીના મહેન્દ્રભાઇ પરમારે જરૂરી કાર્યવાહી કરી હતી. મૃત્યુ પામનાર હરેશભાઇ બે ભાઇમાં નાનો હતો અને ખેત મજૂરી કરતો હતો. તેના મોતથી માસુમ પુત્ર અને પુત્રીએ પિતાની છત્રછાંયા ગુમાવતાં પરિવારમાં અરેરાટી વ્યાપી ગઇ છે.

(12:25 pm IST)
  • ઇન્દોરમાં સ્વાઈનફ્લૂનો હાહાકાર ;ગરમીના દિવસોમાં પણ સ્વાઈનફ્લૂનો ફૂફાડો : દર બીજા દિવસે એક દર્દીનું મોત : 35 વર્ષીય મહિલાના મોટ બાદ આ ઘાતક બીમારીથી મૃતકોની સંખ્યા વધીને 60 ના આંકે પહોંચી : છેલ્લા સાડા ત્રણ મહિનામાં સ્થાનિક હોસ્પિટલમાં 206 સ્વાઈન ફ્લૂના કેસ નોંધાયા access_time 1:04 am IST

  • હવે જયાપ્રદા પર વિવાદમાં ફસાયા :કહ્યું આઝમખાને મારા વિરુદ્દ ટિપ્પણી કરી છે એ જોતા માયાવતીજી વિચારો, આઝામખાનની એક્સરે જેવી આંખો તમારા ઉપર પણ ક્યાં ક્યાં નજર નાખીને જોશે :જયાપ્રદાના નિવેદનથી ચૂંટણીપંચ ખફા :જયાપ્રદા વિરુદ્ધ ફરિયાદ access_time 12:35 pm IST

  • ફરીવાર સાધ્વી પ્રજ્ઞા વિવાદી નિવેદનમાં ફસાયા ;કહ્યું અયોધ્યામાં મેં ઉપર ચડીને તોડ્યો હતો વિવાદી ઢાંચો ;ચૂંટણી આયોગે ફટકારી નોટિસ :24 કલાકમાં માંગ્યો જવાબ :આતંકવાદી હુમલામાં શહીદ થયેલ મહારાષ્ટ્ર પોલીસના વરિષ્ઠ અધિકારી હેમંત કરકરે અંગે આપેલ વિવાદી નિવેદન બાદ ભોપાલ સંસદીય સીટના ભાજપના ઉમેદવાર સાધ્વીએ વધુ એક વિવાદી નિવેદન આપ્યું છે access_time 11:33 pm IST