Gujarati News

Gujarati News

News of Friday, 22nd January 2021

રાજુલાના હિંડોરણા ગામે પ્રૌઢા ઉપર પ્રેમીએ બળાત્કાર ગુજાર્યો

અમરેલી તા. રર :.. રાજુલા તાલુકાના હિંડોરણા ગામે મફતપરા પ્લોટ વિસ્તારમાં રહેતી રંજનબેન જીતુભાઇ પરમાર દેવીપૂજક ઉ.૪પ ને તેના પતિ સાથે છૂટાછેડા થઇ ગયેલ હોય. હિંડોરણા  ગામે એકલા રહેતા હોય તે વખતે રાજુલાના ફિરોજ કાઇમહમદ દલ સાથે પ્રેમ સબંધ થઇ જતા તેઓ પતિ-પત્નીની જેમ રહેતા હોય. ત્યારબાદ છેલ્લા છ એક મહિનાથી પ્રેમ સબંધ રાખવો ન હોય. છતાં પણ પ્રેમી ફિરોજે પ્રેમ સબંધ રાખવાનું જણાવી એકલતાનો લાભ લઇ મહિલાના ઘરે જઇને શરીર સબંધ બાંધી બળાત્કાર ગુજાર્યાની રાજુલા પોલીસ મથકમાં ફરીયાદ નોંધાવી છે.

ખાખરીયાની સીમમાં યુવાનનું ઝેરી દવા પી જતા મોત

ખાખરીયા સીમમાં જયસુખભાઇ વાલજીભાઇ કાચેલા (ઉ.૩૪) ને તેમની માતા શારદાબેને ખેતરમાં જીરૂના પાકમાં જંતુનાશક દવા છાંટવાનું જણાવતા સારૂ નહિ લાગતા. પોતે પોતાની મેળે ઝેરી દવા પી જતાં સારવાર દરમ્યાન તેમનું મોત નિપજયાનું લાભુભાઇ વાલજીભાઇ કાચેલાએ બાબરા પોલીસ મથકમાં જાહેર કરેલ છે.

રાજુલામાં પ્રૌઢનું ઝેરી દવા પી જતાં મોત થયું

રાજુલા બાવળીયા વાડીમાં રહેતા મનસુખભાઇ બાબુભાઇ લાખાણીને છેલ્લા રપ વર્ષથી દારૂ પીવાની ટેવ હોય. અને માતા સાથે અવાર-નવાર ઝગડો થતો હોય જેથી પોતે પોતાની મેળે અનાજમાં નાખવાના ઝેરી ટીકડા ખાઇ જતા સારવાર દરમ્યાન મોત નિપજયાનું પુત્ર મલીકભાઇ લાખાણીએ રાજૂલા પોલીસ મથકમાં જાહેર કરેલ છે.

ચાર મોબાઇલની ચોરી

સાવર કુંડલાથી ધજડી રોડ ઉપર તા. ૧૬-૧ ના રાત્રીના દડુભાઇ નાનજીભાઇ બારૈયા મુળ પટવા હાલ બાઢડા મનસુખભાઇ પટેલની વાડીમાં ધજડી રોડ પર ઝૂપડા નજીક બહાર આવેલા ઇલેકટ્રીક વિજ  પાવરનો વાયર અને પીન પ્લગ સાથે લેમ્પ હોય. તે જગ્યાએ પોતાના અને દિકરા તેમજ સબંધીઓના ચાર મોબાઇલ ચાર્જમાં રાખેલ હતાં. તે રૂ. ૧ર,પ૦૦ ની કિંમતના કોઇ અજાણ્યો શખ્સ ચોરી ગયાની સાવરકુંડલા  રૂરલ પોલીસમાં ફરીયાદ નોંધાવી છે.

(12:54 pm IST)
  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • પૂર્વ ધારાસભ્ય ભૂપેન્દ્ર ખાંટનું દુઃખદ અવસાન: ગાંધીનગર: મોરવા હડફના પૂર્વ ધારાસભ્ય ભૂપેન્દ્ર ખાંટનું લાંબી માંદગી બાદ દુઃખદ અવસાન થયું છે access_time 11:43 am IST

  • રાજસ્થાનના દોઢ ડઝન જિલ્લામાં બર્ડ ફ્લુનો પગપેસારો: રાજસ્થાનના ૧૭ જિલ્લામાં બર્ડ ફ્લુનો પગપેસારો: સત્તાવાર જાહેરાત: રાજસ્થાનમાં અત્યાર સુધીમાં ૧૮૧ પક્ષીઓ મૃત્યુ પામેલ મળી આવ્યા છે. access_time 12:16 am IST