Gujarati News

Gujarati News

News of Friday, 22nd January 2021

મોરબી : એલઆરડી જવાન નશો કરીને ગાડી ચલાવતા પલ્ટી મારી ગયાનું ખુલ્યું

(પ્રવિણ વ્યાસ દ્વારા) મોરબી તા. ૨૨ : જાંબુડિયા નજીક રાજકોટના એલઆરડી જવાનો દારૂ સાથે ઝડપાયા હતા જે બનાવ મામલે પોલીસે પ્રોહીબીશન એકટ મુજબ ગુન્હો નોંધ્યો છે તો આરોપી એલઆરડી જવાન કૈફી દ્રવ્ય પીને વાહન ચલાવતા કાર પલટી ગયાની પોલીસ ફરિયાદ નોંધાઈ છે.

 મોરબી તાલુકા પોલીસમાં ફરજ બજાવતા દિવ્યરાજસિંહ મહેન્દ્રસિંહ જાડેજાએ પોલીસ ફરીયાદ નોંધાવી છે કે આરોપી રાજદીપસિંહ અશોકસિંહ જાડેજા રહે રીબડા તા. ગોંડલ વાળા સ્ક્રોપીઓ કાર જીજે ૦૩ એલજી ૪૪૫૫ વાળી કૈફી પ્રવાહી પીધેલ હાલતમાં કાર ચલાવી કાર જાંબુડિયા ગામ નજીક પલટી ખવડાવ્યાની ફરિયાદ નોંધાવી છે તો તાલુકા પોલીસે કૈફી દ્રવ્ય પીને વાહન ચલાવવાનો ગુન્હો નોંધી વધુ તપાસ ચલાવી છે.

(11:38 am IST)
  • શેલ્ટર હોમમાં ૩ મહિલાની લાજ લૂંટવામાં આવી: છત્તીસગઢમાં બિલાસપુરના એક શેલ્ટર હોમમાં ત્રણ મહિલાઓના યોન શોષણ નો મામલો બહાર આવ્યો છે એફઆઈઆર દાખલ કરવામાં આવી છે access_time 12:15 am IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST