Gujarati News

રાજકોટ, તા. રર : રાજકોટ સહિત સૌરાષ્ટ્ર-કચ્છમાં ધીમે-ધીમે ઠંડીમાં ઘટાડો થતા સૌ કોઇએ રાહતનો શ્વાસ લીધો છે.

બે-ત્રણ સેન્ટરને બાદ કરતા લઘુતમ તાપમાનનો પારો સર્વત્ર ઉંચો ચડતા લોકોને ઠંડીમાં રાહત મળી છે.

છેલ્લા થોડા દિવસોથી કડકડતી ઠંડીનો માહોલ બરાબરનો જામ્યા બાદ હવે લઘુતમ તાપમાન ઉંચે ચડતા ઠંડી ઘટી ગઇ છે અને માત્ર મોડી રાત્રીના તથા વહેલી સવારના સમયે ઠંડીનો ચમકારો અનુભવાય છે.

ઠંડીમાં ઘટાડા સાથે ઠાર યથાવત છે. આજે સૌથી નીચુ લઘુતમ તાપમાન ગિરનાર ઉપર ૬ ડીગ્રી, નલીયા-૮.૮, રાજકોટ ૧૧.૧ ડીગ્રી નોંધાયું છે.

જુનાગઢ

જૂનાગઢ :.. આજે ગિરનાર ખાતે બીજા દિવસે પણ ૬ ડીગ્રી અને જૂનાગઢમાં ૧૧ ડીગ્રી તાપમાન નોંધાયું છે ઠંડીનું મોજુ યથાવત રહેતા લોકોની મુશ્કેલીમાં પણ કોઇ ફરક પડયો નથી.

સવારે જૂનાગઢનું લઘુતમ તાપમાન ૧૧ ડીગ્રી રહેવાની સાથે વાતાવરણમાં ભેજનું પ્રમાણ ૬૮ ટકા રહેતા ઠંડીની તીવ્રતા રહી હતી. પવનની પ્રતિ કલાકની ઝડપ ૩.પ કિ. મી.ની નોંધાઇ હતી.

જૂનાગઢના ગિરનાર પર્વત ખાતે ૬ ડીગ્રી તાપમાન રહેતા પવર્તીય વિસ્તારનું વાતાવરણ ઠંડુગાર રહ્યું છે.

જામનગર

જામનગર : આજનું હવામાન રપ.પ મહત્તમ ૧૦ લઘુતમ ૭૦ ટકા વાતાવણમાં ભેજનું પ્રમાણ ૪.પ પ્રતિ કલાક પવનની ગતિ રહી હતી. (૮.૯)