Gujarati News

Gujarati News

News of Tuesday, 22nd January 2019

જૂનાગઢમાં ત્રણ નકલી પોલીસ યુવાન પાસેથી રૂ. ૨૨ હજાર પડાવીને પલાયન

માલ વેંચવો હોય તો પૈસા આપવા પડશે તેમ કહીને દમદાટી આપી

જુનાગઢ તા. ૨૨ : જૂનાગઢમાં ૬૬ કેવી પાસે આવેલ સર્જન પાકૃમાં રહેતા મૂળ રાજસ્થાનનાં ભોજારામ લાલારામ ચૌધરી-જાટ (..૨૧)ના ઘરે ગઇકાલે નકલી પોલીસ બનીને ત્રણ શખ્સો પહોંચ્યા હતા.

જેના એક સફેદ ટી-શર્ટ જેની પાછળ અંગ્રેજીમાં ગુજરાત પોલીસ લખેલ ટી-શર્ટ ધારી શખ્સે ભોજારામ અને તેના પરિવારજનોને ધમકાવી માલ વેંચવો હોય તો પૈસા આપવા પડશે. તેમ કહીને ગાંજા અને દારૂના કેસમાં ફીટ કરી દેશું તેવી ધમકી આપી હતી.

બનાવટી પોલીસ બનીને આવેલી ત્રિપુટી ભોજારામ પાસેથી રૂ. ૯૫૦૦ અને એટીએમમાંથી રૂ. ૨૫૦૦ની રોકડ ઉપરાંત રૂ. ૧૦ હજારની કિંમતના મોબાઇલ સહિત કુલ રૂ. ૨૨ હજારનો મુદ્દામાલ પડાવી લઇને નાસી ગયા હતા.

અંગે તાલુકા પોલીસે જાટ યુવાનની ફરિયાદ લઇને નકલી પોલીસની શોધખોળ હાથ ધરી છેગત સપ્તાહમાં જૂનાગઢમાં એક વૃધ્ધ પાસેથી નકલી પોલીસ રૂ. ૮૦ હજારની મત્તા પડાવી ગઇ હતી. જેની શાહી સુકાઇ નથી ત્યાં આવો બીજો બનાવ બનતા ચકચાર પ્રસરી ગઇ છે.(૨૧.૧૬)

(4:23 pm IST)
  • સપા અધ્યક્ષ અખિલેશ યાદવ આઝમગઢથી ચૂંટણી લડશે :બસપાના સુપ્રીમો માયાવતી સહારનપુરથી ચૂંટણી લડવાની વાત નક્કી :બંને દળના નેતા સુરક્ષિત સીટની સાથે આઝમગઢ અને સહારનપુર બંને પસંદ કરી છે જેની અસર દૂર સુધી રહેશે access_time 1:19 am IST

  • બનાસકાંઠામાં ટ્રેલર અને રીક્ષા વચ્ચે ગમખ્વાર અકસ્માતમાં ચાર લોકોના કરૂણમોત : કુચવાડા પાસે ટ્રેલર રિક્ષા પર ફરી વળતાં રિક્ષામાં સવાર ચાર લોકોનાં ઘટનાસ્થળે જ મોત:રિક્ષામાં સવાર ઠાકોર પરિવારના સભ્યો વિઠોદર આગ માતાના દર્શન કરવા જતા હતા ત્યારે રસ્તામાં કાળ ભેટ્યો access_time 1:19 am IST

  • ભુવનેશ્વરમાં ભાજપની મહિલા કાર્યકર્તા અને પોલીસ વચ્ચે ઘર્ષણ :ઓડિશાની રાજધાની ભુવનેશ્વરમાં ભાજપની મહિલા મોરચાની કાર્યકર્તા અને પોલીસ વચ્ચે મારામારી :એક વાયરલ વીડિયોમાં બંને પક્ષો વચ્ચે છૂટ્ટા હાથની મારામારી :પિપિલી ગેંગરેપ અને હત્યા કેસ મામલે વિરોધ પ્રદર્શન વેળાએ ઘર્ષણ access_time 12:53 am IST