Gujarati News

Gujarati News

News of Tuesday, 22nd January 2019

ભાવનગર ઈન્ટરસીટી ફેબ્રુઆરીથી પુનઃ દોડશે

સુરેન્દ્રનગર, તા.૨૨ : છેલ્લા કેટલાક સમયથી બંધ રહેલી અમદાવાદ ભાવનગર ઇન્ટરસિટી ટ્રેન આગામી માસથી ફરી દોડવા લાગશે. આ અંગેની મંજૂરી કેન્દ્રના રેલવે મંત્રાલય તરફથી મળી જતાં ફેબ્રુઆરીમાં આ ટ્રેન શરૂ થશે. ભાવનગરથી અમદાવાદ થઇ ગાંધીનગર સુધી લંબાવાશે.

બોટાદ અમદાવાદનો રેલમાર્ગ બ્રોડગેજ રૂપાંતર પ્રક્રિયાને કારણે બંધ છે. તેના વિકલ્પરૂપે સુરેન્દ્રનગર-ભાવનગર-અમદાવાદ ઇન્ટરસિટી ટ્રેન દોડાવવાની રજુઆત કેન્દ્રમાં કરી હતી.ભાવનગર અમદાવાદ રૂટ પર એક ટ્રેન દોડાવવાની માંગ દ્યણા સમયની હતી.

જેને હજુ સુધી મંજુરી મળી નહોતી. હવે ટૂંક સમયમાં ભાવનગરથી ગાંધીનગર વાયા અમદાવાદ ટ્રેન શરૂ થઇ રહી છે. આ ટ્રેનને પાંચ કલાકનો સમય લાગશે. અત્રે ઉલ્લેખનીય છે કે ભાવનગર અમદાવાદ વચ્ચે કોઇ સીધી ટ્રેન વ્યવસ્થા નહીં હોવાના કારણે રોજની સરેરાશ ર૦થી વધુ એસટી બસ અને પ૦થી વધુ લકઝરી બસ ?સહિત ખાનગી વાહનોમાં લોકો મુસાફરી કરી રહ્યા છે જેમાં ભાવનગર અને અમદાવાદ પહોંચવામાં સાડા ત્રણ કલાક લાગે છે. આ અંગે ભાવનગરથી ગાંધીનગર ટ્રેનની મંજુરી મળી છે.

ભાવનગર ગાંધીનગર વચ્ચે દોડનારી ઇન્ટરસિટી ટ્રેન ભાવનગર, સિહોર, ધોળા, વીરમગામ અને અમદાવાદ, આંબલી રોડ સ્ટેશને ઊભી રહેશે જે સાંજે ચાર કલાકે ભાવનગરથી ઉપડી રાત્રે ૧૧ કલાકે અમદાવાદ આવશે.

(11:39 am IST)
  • વિડીયો : ક્યાં જઈ રહ્યો છે આજનો યુવાવર્ગ ? : રાજકોટના યાજ્ઞિક રોડ સ્થિત ધર્મેન્દ્રસિંહજી કોલેજના કેમ્પસમાં ભરબપોરે વિદ્યાર્થીઓના બે જૂથ વચ્ચે થયું ધીંગાણું : અગમ્ય કારણોસર વિધાયર્થીઓના આ બન્ને જૂથે કરી ધોકા, હોકી સ્ટિક અને પાઇપ વડે ભારે મારામારી : સમગ્ર ઘટના cctvમાં થઇ કેદ : એ ડિવિઝન પોલીસે ઘટનાસ્થળે પહોંચી વધુ તપાસ હાથ ધરી (વિડીયો - સ્પીડ રિપોર્ટ) access_time 5:19 pm IST

  • જમ્મુકાશ્મીરના સોપીયા ખાતે સુરક્ષા દળોએ છ આતંકીઓને ઘેરી લીધા છે આ લખાય છે ત્યારે ઓપરેશન ચાલુ access_time 11:19 am IST

  • પ્રયાગરાજના કુંભમેળામાં 'પોષ પૂર્ણિમા'ના પાવન પ્રસંગે 1 કરોડથી વધુ ભાવિકોએ લગાવી શ્રદ્ધાની ડૂબકી:કુંભ મેળાના આયોજક અધિકારી કિરણ આનંદે કહ્યું કે કુંભ મેળાના બીજા સ્નાન પર્વ પોષ પૂર્ણિમાના પ્રસંગે 1 કરોડ 7 લાખ લોકોએ સ્નાન કર્યું હતું access_time 1:13 am IST