Gujarati News

Gujarati News

News of Tuesday, 22nd January 2019

કચ્છના અંજારમાં પોલીસને બાતમી આપી હોવાનો ખાર રાખીને માર મારતા યુવકનું મોત

 ભુજ તા. ૨૨ : ગત તારીખ ૨૧/૧૨ના ભુજ પોલીસે ૨૧ બોટલ દારૂ સાથે અંજારના યુવાન કિશોર ભવાન પરમારને ઝડપયો હતો. આ યુવાને દારૂનો જથ્થો પોતે અંજારના સુધીરદાન ગોપાલદાન ગઢવી પાસેથી લાવ્યો હોવાની બાતમી પોલીસને આપી હતી.

ત્યાર બાદ ગત અઠવાડિયે ૧૨ તારીખે કિશોર પરમાર સુધીરદાન ગઢવીને ત્યાં તેના પાણી ન પ્લાન્ટ ઉપર ગયો હતો. ત્યાં સુધીરદાન અને તેની સાથે મહાવીરસિંહ મહિપતસિંહ ઝાલા નામના શખ્સએ કિશોર પરમારે પોલીસને બાતમી આપી હોવાના ખાર રાખી મારામારી અને ગાળાગાળી કરી ઢોર માર માર્યો હતો.

ઇજાગ્રસ્ત અવસ્થામાં ઘાયલ કિશોરને તેના ભાઈ એ બીજા દિવસે હોસ્પિટલમાં દાખલ કર્યો હતો. જેનું સારવાર દરમ્યાન મોત નિપજતા આ બનાવ હત્યામાં પલટાયો છે. જોકે, મોત બાદ કિશોરના પરિવારજનો એ લાશ અંજાર પોલીસ સ્ટેશને લઈ જવાનો આગ્રહ રાખતા હરકતમાં આવેલ અંજાર પોલીસે બુટલેગર સુધીરદાન સહિત અન્ય આરોપીને ઝડપી લીધા હતા.(૨૧.૧૩)

 

(11:27 am IST)
  • ભુવનેશ્વરમાં ભાજપની મહિલા કાર્યકર્તા અને પોલીસ વચ્ચે ઘર્ષણ :ઓડિશાની રાજધાની ભુવનેશ્વરમાં ભાજપની મહિલા મોરચાની કાર્યકર્તા અને પોલીસ વચ્ચે મારામારી :એક વાયરલ વીડિયોમાં બંને પક્ષો વચ્ચે છૂટ્ટા હાથની મારામારી :પિપિલી ગેંગરેપ અને હત્યા કેસ મામલે વિરોધ પ્રદર્શન વેળાએ ઘર્ષણ access_time 12:53 am IST

  • રાજ્યના 144 જેટલા બિન હથિયારધારી પી,એસ,આઈ,ની બદલીનો ઘાણવો કાઢતા રાજ્યના પોલીસ વડા શિવાનંદ ઝા access_time 9:03 pm IST

  • cctv વિડીયો ફૂટેજ : સલામ છે આ ટ્રક દ્રાઈવરની ગૌ ભક્તિને : જૂનાગઢ - મેંદરડા હાઇવે પર ખોડીયારના પાટિયા પાસે એક ગાય રોડ પર જતી હતી અને સામેથી પુરપાટ આવતા એક ટ્રકે એવું કંઈક કર્યું જે ત્યાં લાગેલા એક cctvમાં કેદ થઈ ગયું : આ cctv ફૂટેજ કોઈ બોલિવુડ ફિલ્મના સીનથી ઓછો ઉતરે તેમ નથી : રસ્તે ચાલતી ગાયને બચાવવા, પોતાના જીવના જોખમે, ટ્રક દ્રાઈવરે એટલી જોશથી બ્રેક મારી હતી કે ટ્રક આખો 360 ડિગ્રીએ ફરી ગયો હતો : (વિડીયો - સ્પીડ રિપોર્ટ) access_time 2:02 pm IST