Gujarati News

Gujarati News

News of Tuesday, 22nd January 2019

શરાબની મહેફિલ : કુંકાવાવ ભાજપના મહામંત્રી ઝડપાયા

અમેરલી પંથક સહિત ભાજપ વર્તુળમાં ખળભળાટ : કુંકાવાવ ભાજપના મહામંત્રી ગોપાલ અટારા, બેંક મેનેજર રીકેશ હસમુખ સોલંકી સહિત છ જણાં રંગેહાથ ઝડપાયા

અમદાવાદ,તા.૨૧ : અમરેલી જિલ્લાના વડીયા કુંકાવાવમાં ભાજપના મહામંત્રી ગોપાલ અટારા દારૂની મહેફિલ માણતા રંગે હાથ ઝડપાઈ જતાં સ્થાનિક રાજકારણમાં ભારે ચકચાર મચી ગઇ હતી. ખાસ કરીને ભાજપના વર્તુળમાં ભારે ખળભળાટ મચી ગયો હતો. આ ઘટનાને લઇ પ્રદેશ કક્ષાએ પણ ગંભીર નોંધ લેવાઇ હતી. કુંકાવાવ ભાજપના મહામંત્રીની આ હરકતને પગલે ભાજપના સ્થાનિક સંગઠન અને નેતાઓને નીચાજોણું થયું હતું.

    આ અંગે પ્રાપ્ત માહિતી મુજબ, પોલીસે બાતમીના આધારે જેતલસર રલેવે અને વડીયામાં રેડ પાડી હતી. જે દરમિયાન ભાજપના મહામંત્રી ગોપાલ અટારા અને બેન્ક મેનેજર સહિત ૬ લોકોને દારૂની મહેફિલ માણતા પોલીસે રંગેહાથ ઝડપી પાડ્યા હતાં. હાલ પોલીસે તમામ લોકોની ધરપકડ કરી કાયદેસરની કાર્યવાહી હાથ ધરી હતી. જો કે, પોલીસના દરોડા દરમ્યાન ભાજપના મહામંત્રી ગોપાલ અટારા, બેંક મેનેજર રીકેશ હસમુખ સોલંકી સહિતના મોટા માથાઓના નામ સામે આવતાં સમગ્ર અમરેલી પંથક સહિત ભાજપના વર્તુળમાં ભારે ખળભળાટ મચી ગયો હતો. આ સમગ્ર ઘટનાને લઇ પ્રદેશ ભાજપમાં પણ તેની ગંભીર નોંધ લેવાઇ હતી. કુંકાવાવ ભાજપના મહામંત્રીની દારૂની મહેફિલને લઇ સ્થાનિક રાજકારણ ગરમાયુ હતું, ખાસ કરીને ભાજપના પ્રદેશ આગેવાનો અને સ્થાનિક નેતાઓને આજની ઘટનાને લઇ નીચાજોણું થયું હતું.

ઝડપાયેલા લોકો........

૧. ગોપાલ ભાખાભાઈ અટારા (મહામંત્રી)

૨. રીકેશભાઈ હસમુખભાઈ સોલંકી (બેંક મેનેજર)

૩. ભરતભાઈ જીવરાજભાઈ મોતવાડીયા

૪. ભીખુભાઈ પોપટભાઈ વસાણી

૫. રજનીશભાઈ નાનજીભાઈ વસાણી

૬. વસંતભાઈ બચુભાઈ સોરઠીયા

(8:31 pm IST)
  • રાજ્યમાં પબજી ગેમ પર લગાવાયો પ્રતિબંધ : રાજ્યના શિક્ષણ વિભાગ દ્વારા પરિપત્ર જાહેર : શિક્ષકોએ આ મામલે બાળકોને સમજાવી જાગૃત કરવા આદેશ access_time 12:07 am IST

  • સબરીમાલા મંદિરમાં પ્રવેશ કરનારી મહિલા માટે ઘરના દરવાજા બંધ :કેરળના સબરીમાલામાં મંદિરમાં પ્રવેશ કરીને ઇતિહાસ રચનાર મહિલા કનકદુર્ગાને તેના પતિએ ઘરમાંથી બહાર કાઢી મૂકી : કનકદુર્ગાએ 50 વર્ષથી ઓછી ઉંમરની એક અન્ય મહિલા સાથે સબરીમાલા મંદિરમાં પ્રવેશ કર્યો હતો access_time 1:16 am IST

  • cctv વિડીયો ફૂટેજ : સલામ છે આ ટ્રક દ્રાઈવરની ગૌ ભક્તિને : જૂનાગઢ - મેંદરડા હાઇવે પર ખોડીયારના પાટિયા પાસે એક ગાય રોડ પર જતી હતી અને સામેથી પુરપાટ આવતા એક ટ્રકે એવું કંઈક કર્યું જે ત્યાં લાગેલા એક cctvમાં કેદ થઈ ગયું : આ cctv ફૂટેજ કોઈ બોલિવુડ ફિલ્મના સીનથી ઓછો ઉતરે તેમ નથી : રસ્તે ચાલતી ગાયને બચાવવા, પોતાના જીવના જોખમે, ટ્રક દ્રાઈવરે એટલી જોશથી બ્રેક મારી હતી કે ટ્રક આખો 360 ડિગ્રીએ ફરી ગયો હતો : (વિડીયો - સ્પીડ રિપોર્ટ) access_time 2:02 pm IST