Gujarati News

Gujarati News

News of Monday, 21st December 2020

જસદણના જીવાપરનો યુવાન વિજય ડાભી ભુલથી એસિડ પી જતાં મોત

ભાડલાના રામાભાઇ રાઠોડનું બેભાન હાલતમાં મોત

રાજકોટ તા. ૨૧: જસદણના જીવાપરમાં રહેતો વિજય કાળુભાઇ ડાભી (ઉ.વ.૨૭) નામનો યુવાન ગઇકાલે સવારે ઘરે એસિડ પી જતાં રાજકોટ સિવિલ હોસ્પિટલમાં ખસેડાયો હતો. પરંતુ અહિ મોત નિપજ્યું હતું.

હોસ્પિટલ ચોકીના સ્ટાફે આ અંગે આટકોટ પોલીસને જાણ કરી હતી. વિજય ત્રણ ભાઇમાં નાનો અને કુંવારો હતો. તે છુટક મજૂરી કરતો હતો. તેના સગાના કહેવા મુજબ કેટલામ સમયથી વિજયની માનસિક હાલત પણ અસ્વસ્થ જેવી હતી. આ કારણે ભુલથી તે એસિડ પી ગયો હતો. આટકોટ પોલીસ વધુ તપાસ કરે છે.

બીજા બનાવમાં જસદણના ભાડલામાં રહેતાં રામાભાઇ કાનાભાઇ રાઠોડ (ઉ.વ.૬૦) ઘરે બેભાન થઇ જતાં સારવાર માટે રાજકોટ સિવિલ હોસ્પિટલમાં ખસેડાયા હતાં. પરંતુ અહિ મોત નિપજતાં હોસ્પિટલ ચોકીના સ્ટાફે જરૂરી કાર્યવાહી કરી ભાડલા પોલીસને જાણ કરી હતી. મૃત્યુ પામનાર રામાભાઇને સંતાનમાં બે પુત્ર અને ત્રણ પુત્રી છે. તેઓ ખેત મજૂરી કરતાં હતાં. બનાવથી પરિવારમાં શોક છવાઇ ગયો હતો.

(11:44 am IST)
  • મણિપુર ભાજપ આગેવાન ડ્રગ કેસમાં નિર્દોષ : કોર્ટ ચુકાદાથી અસંતુષ્ટ મહિલા પોલીસ અધિકારીએ એવોર્ડ પરત કરી દીધો : 2018 ની સાલમાં ડ્રગ મામલે શ્રેષ્ઠ કામગીરી કરવા બદલ મુખ્યમંત્રીએ વીરતા એવોર્ડ આપ્યો હતો : ભાજપ આગેવાન પાસેથી 4 કિલો જેટલું હેરોઇન પકડાયું હતું તથા 28 કરોડ રૂપિયાની કિંમતની ડ્રગ ટેબ્લેટ પકડાઈ હતી access_time 12:03 pm IST

  • સુવરના માંસમાંથી બનેલી કોરોના વેક્સીન લેવી કે નહીં ? : ઇસ્લામ ધર્મગુરુઓ અવઢવમાં : ઇસ્લામમાં સુવરનું માંસ ત્યાજ્ય ગણાય છે : એક મત મુજબ જરૂરી સંજોગોમાં ઇન્જેક્શન વાટે લેવામાં વાંધો નહીં : હજુ સુધી સ્પષ્ટ નિર્ણય લઇ શકાયો નથી access_time 12:37 pm IST

  • દેશમાં કોરોના કેસની સંખ્યા ૨૦ હજાર આસપાસ : મોટો ઘટાડો : દેશમાં આજે કોરોના કેસમાં ખૂબ જ મોટો ઘટાડો નોંધાયો છે અને આજે રાત્રે મળતા અહેવાલ મુજબ દેશમાં કોરોના કેસની સંખ્યા ૨૦ હજાર આસપાસ રહી છે. *ન્યૂઝફર્સ્ટ access_time 11:39 pm IST