Gujarati News

Gujarati News

News of Monday, 21st September 2020

ગોંડલ - બાબરા -લાઠીમાં પોણો ઇંચ : વાંકાનેરમાં અડધો ઈંચ : સૌરાષ્ટ્રના ૧૪ તાલુકામાં હળવા ભારે ઝાપટાં

રાજકોટ : રાજકોટ સહિત સૌરાષ્ટ્ર-કચ્છમાં શનિવારથી વરસાદી માહોલ યથાવત છે આવા  વાતાવરણ વચ્ચે દરરોજ હળવો ભારે વરસાદ વરસી જાય છે.

      આજે સવારના છ વાગ્યાથી બપોરના બે વાગ્યા સુધી એક પણ જગ્યાએ વરસાદ વરસ્યો ન હતો જ્યારે બે વાગ્યા બાદ ઝાપટાંથી માંડીને પોણો ઈંચ વરસાદ વરસ્યો હતો. જેમાં રાજકોટ જિલ્લાના ગોંડલ ઉપરાંત અમરેલી જિલ્લાના બાબરા અને લાઠીમાં પોણો ઈંચ વરસાદ પડયો હતો જ્યારે મોરબી જિલ્લાના વાંકાનેરમાં અડધો ઈંચ વરસાદ પડયો હતો.

      આ ઉપરાંત ભાવનગર જિલ્લાના ઉમરાળા , જેસર , તળાજા બોટાદ જિલ્લાના બોટાદ શહેરમાં , ગીર સોમનાથ જિલ્લાના ઉના અને ગીરગઢડામાં , રાજકોટ જિલ્લાના પડધરીમા તથા અમરેલી જિલ્લાના લીલીયા , અમરેલી શહેર અને સાવરકુંડલામાં વરસાદી ઝાપટા પડ્યા છે.

       છેલ્લા થોડા દિવસોથી દરરોજ સાંજના સમયે વરસાદી માહોલ છવાઇ જાય છે અને કયાંક ભારે તો કયાંક હળવો વરસાદ વરસી જાય છે રાજકોટમાં પણ સાંજે ૪: ૩૦ વાગ્યે ગોરંભાયેલું વાતાવરણ છે.

(4:45 pm IST)
  • બોલીવુડમાં હજુ કેટલી હત્યાઓ થશે ? : કેટલા યુવાનો ડ્રગ્સની લતનો ભોગ બનશે ? : કેટલી મહિલાઓની લાજ લુંટાશે ? : હાથમાં 3 પોસ્ટર સાથે ભાજપ સાંસદ અને ટી.વી.અભિનેત્રી રૂપા ગાંગુલી ( દ્રૌપદી ) ના મુંબઈ પોલીસ ડિપાર્ટમેન્ટ ઉપર પ્રહારો access_time 12:53 pm IST

  • જેતપુર: જેતપુરથી ગોંડલ તરફ વીજળી ના કડાકા ભડાકા - પવન સાથે વરસાદ તૂટી પડયો છે. આખો દિવસ બફારો રહ્યા બાદ મેઘરાજાનું આગમન થતાં ગરમીમાંથી રાહત મળી છે : શહેરમાં બપોર સુધી ભારે બફારા બાદ ૩:૪૫વાગ્યા થી વીજળી ના કડાકા ભડાકા સાથે વરસાદ તુટી પડયો હતો. વરસાદી પાણી રસ્તા ઉપર ફરી વળ્યા હતા access_time 4:21 pm IST

  • સતત આઠમા દિવસે ડિઝલના ભાવમાં ઘટાડો: પેટ્રોલના ભાવ યથાવત: ડીઝલના ભાવમાં 18 પૈસાનો ઘટાડો :ડીઝલનાં ભાવમાં આજે આઠમા દિવસે 18 પૈસાનો ઘટાડો, જયારે પેટ્રોલનો ભાવ ત્રણ દિવસથી યથાવત. ભાવમાં ઘટાડો સવારે છ વાગ્યા થી લાગુ થશે. access_time 11:58 pm IST