Gujarati News

Gujarati News

News of Monday, 21st September 2020

ભારે વરસાદ - તોફાની પવનને કારણે ૫ જિલ્લામાં ૧૬૫ ફીડર બંધ : ૫૯ થાંભલા પડી ગયા

રાજકોટ તા. ૨૧ : રાજકોટ સહિત સૌરાષ્‍ટ્ર - કચ્‍છમાં અમુક વિસ્‍તાર - જિલ્લામાં ભારે વરસાદને કારણે વીજ થાંભલા પડી ગયાની અને ફીડરો ટ્રીપ થવાની ઘટના બનવા પામી છે.

આજે સવારે ૯ વાગ્‍યાના રીપોર્ટ મુજબ મોરબી, ભુજ, ભાવનગર, અમરેલી, સુરેન્‍દ્રનગર પંથકમાં ૧૬૫ ફીડરો એગ્રીકલ્‍ચરના બંધ થઇ ગયાનું બહાર આવ્‍યું છે, તો ૧૨ ગામડામાં અંધારપટ છવાયાનું અને ૫૯ થાંભલા પડી ગયાનું સૂત્રોએ ઉમેર્યું હતું.

દરમિયાન રાજકોટ સીટીમાં કુલ ૧૮ જેટલી વ્‍યકિતગત ફરીયાદો આવી હતી, જેમાંથી ૧૪નો નિકાલ થયો છે, રાજકોટના તમામ ૨૨૦ ફીડરો ચાલુ હોવાનું સૂત્રોએ જણાવેલ. જો કે મોડી રાત્રીના કડાકા - ભડાકા - ભારે વરસાદને કારણે ૬૬ કે.વી. સબસ્‍ટેશનમાં ફોલ્‍ટ આવતા અનેક વિસ્‍તારમાં અંધારપટ છવાઇ ગયો હતો, જે કલીયર કરી લેવાયો હતો.

 

(11:27 am IST)
  • મંત્રીઓ સહિત તમામ ધારાસભ્યોના પગારમાં 30 ટકા કાપ બિલ પાસ. આ બિલ પર કોંગ્રેસનું સમર્થન. ધાનાણીએ કહ્યું- પગાર સાથે સરકારી તહેવારો, તાયફા પાછળ ખર્ચ ઘટાડો access_time 11:21 pm IST

  • બોલીવુડમાં હજુ કેટલી હત્યાઓ થશે ? : કેટલા યુવાનો ડ્રગ્સની લતનો ભોગ બનશે ? : કેટલી મહિલાઓની લાજ લુંટાશે ? : હાથમાં 3 પોસ્ટર સાથે ભાજપ સાંસદ અને ટી.વી.અભિનેત્રી રૂપા ગાંગુલી ( દ્રૌપદી ) ના મુંબઈ પોલીસ ડિપાર્ટમેન્ટ ઉપર પ્રહારો access_time 12:53 pm IST

  • ભારત સાથે એલએસીના વધી રહેલા ઘર્ષણ વચ્ચે, ચીની સૈન્ય PLA દ્વારા એક અહેવાલ મુજબ 3 નવા મોરચા ભારત વિરુધ્ધ ખોલવામાં આવ્યા છે. દક્ષિણ ચીન સમુદ્રમાં કવાયત હાથ ધરવાની સાથે ચીની સૈન્યની પશ્ચિમી થિયેટર કમાન્ડ દ્વારા તાજેતરમાં ઝિંજિયાંગ અને તિબેટમાં પણ સૈન્યબળ વધારવામાં આવી રહયાનું જાણવા મળે છે. access_time 7:28 pm IST