Gujarati News

Gujarati News

News of Friday, 21st September 2018

ધોરાજીમાં નરસંગ મંદિરના મહંત લાલદાસબાપુનું શંકાસ્પદ મોત

લોહીલુહાણ હાલતમાં બંધ મંદિરની અંદરથી લાશ મળી : મોતના કારણ અંગે તપાસ

પ્રથમ તસ્વીરમાં મહંતનો ફાઇલ ફોટો બીજી તસ્વીરમાં મંદિરે ઉમેટેલા ભકતો નજરે પડે છે.

ધોરાજી તા.૨૧: ધોરાજીના નરસંગ મંદિરના મહંતનો શંકાસ્પદ હાલતમાં મૃતદેહ મળતા પોલીસે તપાસનો ધમધમાટ શરૂ કર્યો છે. મહંત લાલદાસબાપુ ગુરૂ ગંગારામબાપુના મોતથી ભાવિકોમાં ઘેરો શોક છવાયો છે.

પ્રાપ્ત માહિતી મુજબ ધોરાજીના જામકંડોરણા રોડ ઉપર સફુરા નદીના પુલ નીચે આવેલા શ્રી નરસંગ મંદિરના મહંત લાલદાસબાપુ ગુરૂ ગંગારામબાપુનો મૃતદેહ મંદિરની અંદર લોહીલુહાણ હાલતમાં પડયો હોવાની જાણ ધોરાજી પાલિકા પ્રમુખ બી.એલ. ભાસાએ પોલીસને કરી હતી.

જેથી જેતપુરના ડીવાયએસપી શ્રી ભરવાડ, પી.આઇ. શ્રી ઝાલા તથા સ્ટાફે ઘટના સ્થળે પહોંચીને તપાસ હાથ ધરી છે.

આ બનાવની જાણ થતા લોકોના ટોળા એકઠા થઇ ગયા હતા.

મૃતક પૂ. લાલદાસબાપુ ગુરૂ ગંગારામબાપુનો મૃતદેહ લોહીલુહાણ હાલતમાં મળ્યો છે. જો કે મંદિર બંધ હાલતમાં હતુ અને તેના શરીર પાસે રહેલ એક કપડુ સળગેલી હાલતમાં મળ્યું છે તેથી મહંતની હત્યા થઇ છે કે અન્ય કોઇ રીતે મોત થયું છે? તે દિશામાં પોલીસે તપાસ હાથ ધરી છે.

મહંત લાલદાસબાપુએ ઘણા વર્ષો પહેલા અહી આવીને અવાવરૂ જગ્યા ઉપર થતા અસામાજીક કામ બંધ કરાવ્યા હતા અને અહીં આશ્રમનું નિર્માણ કર્યુ હતું.

(3:35 pm IST)
  • રાજકોટ SOG પોલીસે શહેરના રૈયાધાર વિસ્તારમાં પાડ્યા દરોડા. ગાંજાનો મોટો ઝથ્થો પકડી પાડ્યો. SOG પોલીસની કામગીરી ચાલુ . access_time 1:10 am IST

  • મહીસાગર:લુણાવાડાના લીંબોદ્રા ગામ પાસે મહીસાગર નદીમાં બે યુવકો ડુબ્યા:મહીસાગર નદી પાસે ઉભા રહી સેલ્ફી લેતી વખતે નદીમાં ડુબ્યા:1 યુવકને સ્થાનિક તરવ્યાની મદદથી જીવિત બહાર કાઢવામાં આવ્યો:1 યુવકની શોધખોળ ચાલુ. access_time 10:17 pm IST

  • સુરેન્દ્રનગર નર્મદા વિભાગે આપેલી સિંચાઈ માટેની પાણીની ભૂગર્ભ લાઈનો તૂટી:ખેડૂતોનાં ખેતરો પાણી ભરાયા: નર્મદા સિંચાઈનું પાણી ખેડૂતોનાં ખેતર જતા પાકને નુકશાન:લખતર તાલુકાનાં ભાલાળા ગામના ખેડૂતોના ખેતરમાં પાણી ભરાયા:સિંચાઈનું પાણી વેડફાયું ખેડૂતો કરી સિંચાઈ વિભાગના જાણ : તંત્ર નથી ફરક્યું access_time 10:45 pm IST