Gujarati News

Gujarati News

News of Saturday, 21st July 2018

રાણાવાવમાં રોડ એક ફુટ ઉંચો બનાવતા દરગાહમાં વરસાદના પાણી ઘુસવાનો પ્રશ્ન

નગર પાલીકાના ચીફ ઓફીસરને રજુઆતઃ રોડ કામ વખતે દાદ મળી નહી

રાણાવાવ, તા., ર૧: આમદભાઇ જુસાભાઇ સમા (સંઘી સુન્ની મુસ્લીમ જમાત ટ્રસ્ટ)એ રાણાવાવ નગર પાલીકાના ચીફ ઓફીસરને રજુઆત કરીને જણાવેલ કે તાજેતરમાં થયેલ સી.સી. રોડ પાસે આશાપુરા ચોકમાં જાહેરશાહ પીરની દરગાહમાં વરસાદી પાણી સાથે તણાઇ આવેલ ગંદકી કીચડ ઘુસી જવાથી ધાર્મિક લાગણી દુભાઇ છે.

રજુઆતમાં જણાવ્યું છે કે કોન્ટ્રાકટ અનુસાર જુના રોડ ખોદી અને ફરીથી રોડ બનાવવાના હતા તેના બદલે કોન્ટ્રાકટર દ્વારા જુના રોડ ખોદયા વગર તેની જ ઉપર નવો સી.સી. રોડ અંદાજીત એક ફુટ ઉંચો બનાવેલ હોવાથી વરસાદી પાણી ઘુસવાની સમસ્યા થયેલ છે. નગર પાલીકાના પાછળના ભાગે તે રોડ પણ ખોદીને કરેલ છે. તો પછી બીજા રોડ કોન્ટ્રાકટરો દ્વારા કેમ ખોદીને કરવામાં આવેલ નથી. તેની તપાસ થવી જોઇએ. આ બાબતે અમે વખતોવખત તેમજ રોડના ચાલુ કામે પણ રોડ ઉંચા આવવાથી પાણી ઘુસી જશે તેવી ટેલીફોનીક રજુઆત કરેલ પરંતુ અમારી રજુઆત ધ્યાને લેવામાં આવેલ નથી તેમ રજુઆતમાં જણાવેલ છે.

(12:58 pm IST)
  • ૩ કરોડની જુની નોટ સાથે ૫ની ધરપકડ પુણેમાં પોલીસ ૫ લોકોની ૫૮૦ અને ૧૦૦૦ના દરની જુની ચલણી નોટો સાથે ધરપકડ કરી હતી. નોટોની કિંમત લગભગ ૩ કરોડ જેટલી છે: પોલીસે આ અંગે તપાસ આદરી છે access_time 11:39 am IST

  • સુરતમાં નવી કોર્ટ બિલ્ડીંગના ૮મા માળેથી ઝંપલાવી મહિલાનો આપઘાત access_time 6:00 pm IST

  • બનાસકાંઠાની પાલનપુરના ડેરી રોડ પર ટ્રક ઊંડા ખાડામાં ફસાઈ :200 મીટર રોડની વચ્ચે ખાડો પડ્યો : 48 કલાક થવા છતાં તંત્ર હરકતમા આવ્યું નથી: હજારો વાહનોની અવરજવર વચ્ચે ટ્રાફિક જામ access_time 1:11 am IST