Gujarati News

Gujarati News

News of Tuesday, 21st May 2019

ભુજ જતી બસની બ્રેક ફેઇલ થતાં ટ્રકની પાછળ ઘૂસી ગઇ

અકસ્માતમાં ડ્રાઇવરનું ઘટનાસ્થળે જ મોત : મોરબી જિલ્લાના હળવદ ચાર રસ્તા પાસે ખાનગી બસની બ્રેક અચાનક ફેઇલ થઇ જતાં સર્જાયેલો ગંભીર અક્સ્માત

અમદાવાદ,તા. ૨૧ : અમદાવાદથી ભુજ જતી વોલ્વો બસની બ્રેક ફેઇલ થતાં આજે મોરબી જિલ્લાના હળવદ ચાર રસ્તા પાસે એક ટ્રકમાં ઘુસી ગઇ હતી. આ દુર્ઘટનામાં ખાનગી વોલ્વો બસ ચાલકનું ઘટના સ્થળે જ કરૂણ મોત નીપજ્યું હતું. બનાવને પગલે સમગ્ર વિસ્તારમાં ભારે ચકચાર મચી ગઇ હતી. ઘટનાની જાણ થતાં સ્થાનિક પોલીસ પણ ત્યાં દોડી આવી હતી અને વોલ્વો બસના મૃતક ડ્રાઇવરની લાશને પોસ્ટમોર્ટમ માટે નજીકની સરકારી હોસ્પિટલમાં ખાતે ખસેડવામાં આવી હતી.

આ અંગે પ્રાપ્ત માહિતી અનુસાર, મોરબી જિલ્લાનાં હળવદની સરા ચોકડી પાસે ખાનગી વોલ્વો બસની અચાનક બ્રેક ફેઇલ થઇ ગઇ હતી. આ બસ જ્યારે ભુજથી અમદાવાદ તરફ જઇ રહી હતી ત્યારે જ બસની બ્રેક ફેઇલ થઇ ગઇ હતી. જેના કારણે ખાનગી વોલ્વો બસ ટ્રકની પાછળ જોરદાર ધડાકાભેર ઘૂસી ગઇ હતી. ટ્રક સાથે જબરદસ્ત રીતે અથડાવાના કારણે વોલ્વો બસનો આગળનો ભાગ અને ટ્રકનો પાછળનો ભાગ એકદમ ભુક્કો બોલી ગયો હતો. અકસ્માત એટલો જોરદાર હતો કે, વોલ્વો બસના ડ્રાઇવરનું ઘટનાસ્થળે જ ગંભીર ઇજાઓ થવાના કારણે કરૂણ મોત નીપજયું હતું. જો કે, આ અકસ્માતમાં બસ ચાલક સિવાય અન્ય કોઇ મુસાફરને ઇજા નહી થતાં મોટી દુર્ઘટના ટળી હતી. અકસ્માતને પગલે લોકાના ટોળેટોળા ઘટનાસ્થળે ઉમટી પડ્યા હતાં. આ બનાવની જાણ થતાં સ્થાનિક પોલીસે પણ તાત્કાલિક ઘટના સ્થળે પહોંચીને વધુ તપાસ હાથ ધરી હતી.

(9:08 pm IST)
  • ચર્ચના પ્રમુખ વિરુદ્ધ નકલી દસ્તાવેજ બનાવવાના આરોપમાં એક શખ્શની ધરપકડ :કેરળના સાયરો -માલાબાર ચર્ચના પ્રમુખ કાર્ડિનલ જોર્જ એલેન્સરી વિરુદ્ધ નકલી દાસત્વએજ બનાવાના આરોપમાં 24 વર્ષીય યુવકની ધરપકડ access_time 1:27 am IST

  • ભાજપ સાંસદ બાબુલ સુપ્રીયોએ કહ્યું પોલ ગમે તે કહે પરંતુ આવશે રાહુલ ગાંધી !:નીચે લખ્યું થાઈલેન્ડ ટુરિઝમ :જબરો વ્યંગ : સુપ્રીયોએ ટ્વીટર એકાઉન્ટ પર તસ્વીર શેર કરી, જેમાં તેમણે કોંગ્રેસ અધ્યક્ષ રાહુલ ગાંધી પર વ્યંગ કર્યો: તસ્વીરમાં લખ્યું હતું કે, આવશે તો રાહુલ ગાંધી જ. સાથે જ આ તસ્વીરની ફોટો નીચે લખેલું છે થાઇલેન્ડ ટૂરિઝમ access_time 12:40 am IST

  • ૩ વધુ બેન્કોનું વિલીનીકરણ થઈ રહ્યુ છે : ન્યુઝ ફર્સ્ટના અહેવાલ મુજબ પંજાબ નેશનલ બેંક ટૂંક સમયમાં ઓરીયન્ટ બેંક ઓફ કોમર્સ, આંધ્ર બેંક અને અલ્હાબાદ બેંક તેના કબ્જા હેઠળ લઈ લેશે access_time 4:56 pm IST