Gujarati News

Gujarati News

News of Monday, 21st May 2018

માંડાસણ ગામે દવા લેવા જવાનું બીજા દિવસનું કહેતા લાગી આવતા પત્નિ સળગી મરી

જામનગર તા. ૨૧ : માંડાસણ ગામે રહેતા પ્રવિણભાઈ ઉર્ફે મુનો મંગાભાઈ બેડવા ઉ.વ.૩૩ એ શેઠવડાળા પોલીસ સ્ટેશનમાં જાહેર કરેલ છે કે, રૂપાબેન પ્રવીણભાઈ ઉર્ફે મુનો મંગાભાઈ બેડવા ઉ.વ.ર૬, રે. માંડાસણ ગામ, તા. જામજોધપુરને આંખો દુઃખતી હોય જેથી દવાખાને જવાનું તેમના પતિને કહેતા તેમના પતિ એ જણાવેલ કે આજરોજ રવીવાર છે. આવતીકાલે દવાખાને જવાનું કહેતા રૂપાબેનને લાગી આવતા પોતે પોતાના હાથે કેરોસીન છાંટી સળગી જઈ મરણ ગયેલ છે. આ અંગે પોલીસે આગળની કાર્યવાહી હાથ ધરી છે.

કાલાવડમાં આવેલ કુંભનાથ પરામાં રહેતા હકાભાઈ બલાભાઈ મકવાણા ઉ.વ. ૪ર એ પોલીસમાં ફરીયાદ નોંધાવી છે કે, મણવર ખીજડીયા રણુભા જાડેજાની વાડીએથી રામો રમેશભાઈ દેગામા કોળી ઉ.વ. રપ વાળો ફરીયાદીની સગીરવયની દિકરીનું અપહરણ કરી લઈ જઈ ગુન્હો કરેલ છે.

મોટર સાયકલ ટકરાતા ઇજા

જામજોધપુર પોલીસ સ્ટેશનમાં દિનેશ ગોપાલભાઈ મસાણી એ ફરીયાદ નોંધાવી છે કે, વાસંજાળીયા ગોલાઈમાં દિનેશભાઈના કાકા મોટર સાયકલ લઈ પોરબંદરથી સતાપર ગામે કડીયાકામ કરવા જતા હતા તે વખતે મોટરસાયકલ ચાલકે ફરીયાદી દિનેશભાઈના કાકા ને એકસીડન્ટ કરી માથાના ભાગે તથા જમણી આંખ માં ઈજા કરી ગુનો કરેલ છે.

જામજોધપુરમાં જુગાર

જામજોધપુર પોલીસ સ્ટેશનમાં એ.એસ.આઈ. મહીપાલસિંહ લાલુભા જાડેજા એ ફરીયાદ નોંધાવી છે કે, જામજોધપુર ટાઉનમા જુની નગર પાલિકાવાળા એપાર્ટમેન્ટની લોબીમાં આશીષ ચમનભાઈ ખાંટ, જીમેશભાઈ મગનભાઈ વડાલીયા, અર્જુન પરેશભાઈ માકડીયા, રવીભાઈ અરવીદભાઈ રાબડીયા તથા પટેલ નામનો શખ્સ જુગાર રમી પૈસાની હારજીત કરી રોકડા રૂ.૧૮ર૦૦ તથા ગંજીપતાના પાના નંગ–પર સાથે ના મુદામાલ સાથે ઝડપાઈ ગયેલ છે.

(3:41 pm IST)
  • સુરેન્દ્રનગર : વઢવાણ તાલુકાના સાંકળી ગામે વિજ ચેકીંગમા ગયેલ PGVCL ટીમ પર ગ્રામજનોએ કર્યો પથ્થરમારો access_time 11:18 am IST

  • સુરત : કામરેજમાં ગોલ્ડન પ્લાઝા શાક માર્કેટ પાસે ટ્રિપલ મર્ડરનો આરોપી ગૌતમ ગોયાણી ઉર્ફે ગોલ્ડનની મોડી રાત્રે કરાઈ હત્યા : કામરેજ પોલીસે તપાસ શરૂ કરી : કિશન ખોખર અને તેના સાગરીતો દ્વારા હત્યા કરવામાં આવી હોવાની આશંકા : જમીનના ઝઘડામાં ગૌતમે 3 હત્યા કરી હતી access_time 11:19 am IST

  • વિજય માલ્યા બાદ હવે નિરવ મોદી લંડનમાં વસી જાય તેવા સંકેત : તેની સંપતિ પણ લંડનમાં જ છે : મેહુલ ચોકસીએ અમેરીકામાં રહેવાની માગી પરવાનગી access_time 3:56 pm IST