Gujarati News

Gujarati News

News of Monday, 21st May 2018

જેટકોના મહિલા અધિકારીની જુનાગઢમાં હત્યાની ઉંડી તપાસ થવી જરૂરીઃ મહેન્દ્ર મશરૂ

હત્યા પાછળનું કારણ ગુઢ હોવાનું જણાવતા પૂર્વ ધારાસભ્ય

જુનાગઢ તા.૨૧: જેટકોના મહિલા અધિકારી મનીષાબેન વૈષ્ણવની હત્યાની ઉંડી તપાસ થવી જોઇએ તેમ પૂર્વ ધારાસભ્ય મહેન્દ્રભાઇ મશરૂએ ભારપુર્વક જણાવ્યું હતું.

ગઇકાલે શહેરમાં સંવાદ કોમ્પલેક્ષ પાસે સરાજાહેર નાગર મનીષાબેન વૈષ્ણવની જેતપુરના ફિરોજ ગફાર નામના શખ્સે કરેલી હત્યાથી સમગ્ર શહેર હચમચી ઉઠયું છે.

માણાવદર ખાતે જેટકો એકાઉન્ટ વિભાગમાં ડેપ્યુટી સુપ્રિન્ટેન્ડન્ટની ફરજ બજાવતા મનીષાબેન વૈષ્ણવ તેમના પતિ હરીશભાઇ ઉર્ફે કાના ભાઇ નિરંજનભાઇ વૈષ્ણવ સાથે અલગ અલગ ટુ વ્હીલરમાં સંવાદ કોમ્પલેક્ષ પાસેથી જઇ રહયા હતા. ત્યારે અગાઉ જુનાગઢ રહેતો ફિરોજ ગફારે મનીષાબેનને છરી ઝીંકી દેતા તેમનું સ્થળ પર જ મોત થયું હતું.

મહિલા અધિકારીની હત્યાનું જાણવા મળતા તરત જ દોડી ગયેલા સેવાભાવી પૂર્વ ધારાસભ્ય મેહન્દ્રભાઇ મશરૂ ડો. ચિખલીયાની હોસ્પિટલે સારવાર માટે લઇ જઇ ત્યારે સતત ખડેપગે રહયા હતા.

 આજે સવારે શ્રી મશરૂએ અકિલા સાથેની ટેલીફોનીક વાતચીતમાં જણાવેલ કે, મરનાર મનીષાબેનની હત્યા પાછળનું કારણ ગુઢ છે.

તેમની હત્યા શા માટે થઇ તે સમજાતું નથી આથી મનીષાબેનની હત્યાની ઉંડી તપાસ થવી જોઇએ.

શ્રી મશરૂએ જણાવેલ કે, હત્યારો ફિરોજ ગફાર ગાંડો હોવાનું નાટક કરે છે. ત્રણ દિવસથી જુનાગઢ આવેલ અને રખડતો-ભટકતો હતો અને માર્કેટીંગ યાર્ડમાં દુકાનના ઓટા પર સુઇ જતો હતો.

હત્યારાએ તાજેતરમાં રૂ. ૧૨૦ની છરી પણ ખરીદેલ અગાઉ તે રીક્ષા ચલાવતો હતો. જે હોય તે પરંતુ મનીષાબેન ની હત્યાની ઉંડી તપાસ થવી જોઇએ અને સાચુ કારણ બહાર લાવવું જોઇએ તેમ પૂર્વ ધારાસભ્ય મહેન્દ્રભાઇ મશરૂએ જણાવ્યું હતું.

(3:39 pm IST)
  • ગુજરાતમાં ધોરણ-3ના 41 ટકા વિદ્યાર્થીઓ 999 સુધીના આંકડા લખી અને વાંચી શકતા નથી. ધોરણ - 5ના 41 ટકા વિદ્યાર્થીઓ 1000થી મોટા આંકડા લખી-વાંચી શકતા નથી. ધોરણ 3,5 અને 8ના 40 ટકા વિદ્યાર્થીઓ ગણિત, પર્યાવરણ અને ભાષાના જવાબ આપી શકતા નથી. ધોરણ-3ના 50 ટકા, ધોરણ 5માં 53 ટકા શિક્ષકો ભણ્યા હોય તેનાથી જુદો વિષય ભણાવે છે તેમ ગુજરાત કોંગ્રેસના પ્રવક્તા ડો. મનિષ દોશીએ જણાવ્યું હતું. access_time 6:19 am IST

  • ઋષિકેશ-ચારધામ યાત્રામાં 90 નવી બસ સામેલ કરાશે : ચારધામ યાત્રા જોરશોરથી શરુ છે એવામાં પરિવહન વિભાગ પણ પોતાની તરફથી યાત્રાના સફળ સંચાલન માટે ગંભીર છે ચાર ધામ યાત્રામાં આવેલા યાત્રિકોને કોઈ સમસ્યા થાય નહીં એટલા માટે પરિવહન નિગમ બસનો નવો કાફલો જોડવા જઈ રહયું છે access_time 5:43 am IST

  • પાકિસ્તાનના પંજાબ પ્રાંતની સરકારે રાવલપિંડીમાં સ્થિત કૃષ્ણ મંદિરના નવીનીકરણ અને તે વિસ્તરણ કરવા માટે બે કરોડ રૂપિયાની રકમ ફાળવી છે. આ જાણકારી 20 મેએ મીડિયાની એક રિપોર્ટમાં આપવામાં આવી હતી. રાવલપિંડી અને ઈસ્લામાબાદ શહેરોમાં માત્ર કૃષ્ણ મંદિર જ એકમાત્ર હિન્દુ મંદિર છે જે શ્રદ્ધાળુઓ માટે ખુલ્લું છે. મંદિરમાં રોજ સવાર-સાંજ આરતી કરવામાં આવે છે. access_time 6:19 am IST