Gujarati News

Gujarati News

News of Monday, 21st May 2018

રીબડાના સ્વ. રામદેવજીસિંહ જાડેજાની સ્મૃતિમાં ૧૭ મો રક્તદાન કેમ્પ યોજાયો SGVP ગુરુકુલના પુરાણી શ્રી બાલક્રુષ્ણદાસજી સ્વામીએ ૭૫મી વખત રક્તદાન કર્યું

રાજકોટ, તા : ૨૧, અત્યારે ઝડપી અને ખર્ચાળ સમયમાં દર્દીને લોહીની જરૂરિયાત વર્તે ત્યારે વારંવાર મુશ્કેલીઓ અને ખર્ચ ભોગવવો પડે ત્યારે આવા સમયે જગતસિંહજી એમ. જાડેજા (રીબડા) દ્વારા સ્વ. રામદેવજીસિંહ જાડેજાની સ્મૃતિમાં દર વર્ષે બે વખત રકતદાન કેમ્પ યોજવામાં આવે છે. 

        તાજેતરમાં તા : ૧૮ મે ના રોજ શ્રી સ્વામિનારાયણ ગુરુકુલ વિશ્વવિદ્યા પ્રતિષ્ઠાનમ (SGVP) સંચાલિત SGVP ગુરુકુલ રીબડાના સંચાલક પુરાણી શ્રી બાલકૃષ્ણદાસજી સ્વામીની ઉપસ્થિતિમાં સ્કોડા શોરૂમ ગોંડલ રોડ રાજકોટ ખાતે જગતસિંહજી જાડેજા દ્વારા સ્વ. રામદેવજીસિંહ જાડેજાની ૧૭મી પુણ્યસ્મૃતિમાં રક્તદાન કેમ્પ યોજાયો હતો જેમાં પુરાણી શ્રી બાલકૃષ્ણદાસજી સ્વામીએ ૭૫મી વખત રક્તદાન કર્યું હતું.

        આ કેમ્પમાં આજે ૩૫૦૦ રક્તદાતાઓએ રક્તદાન કર્યું હતું અને અત્યાર સુધીમાં ૯૫,૩૭૮ રક્તદાતાઓએ રક્તદાન કરેલ છે.

            પ્રથમ રક્તદાતાઓની પૂર્ણ મેડીકલ તપાસ કરવામાં આવે છે. રક્તદાતા આવતા તેનું ભાવભીનું સ્વાગત કરવામાં આવે છે,. રક્તદાન કર્યા બાદ તેમને ચા, કોફી, દૂધ, બિસ્કીટ તેમજ ભરપેટ સ્વાદિષ્ટ ભોજન આપવામાં આવે છે. રક્તદાતાઓને પ્રમાણપત્ર, ઉપયોગી ભેટ અને જવા માટે વાહનની વ્યવસ્થા કરી દેવામાં આવે છે.  

(12:40 pm IST)
  • ધોરણ 10ના રીઝલ્ટની તમામ તારીખો ખોટી : બોર્ડ દ્વારા એક પણ તારીખ જાહેર નથી કરાઈ હોવાની સ્પષ્ટતા : ૨૩ મે ના દિવસે પરીક્ષા સમીતીની બેઠક મળશે : બેઠક બાદ જાહેર કરાશે સાચી તારીખ : પાંચ પ્રકારની પ્રક્રિયા બાદ માર્કશીટ બનતી હોય છે : માર્કશીટ તૈયાર થયા પછી જ જાહેર કરાતી હોય છે તારીખ : પરિણામના ૩ દિવસ પહેલા જાહેર કરાતી હોય છે તારીખ : પરિણામની તારીખોને લઈને વાલીઓ ગેરમાન્યતામાં ન આવે તેવી કરાઈ અપીલ access_time 6:44 pm IST

  • કર્ણાટકમાં ભાજપ કરશે કમબેક ?:કુમારસ્વામીના શપથ પહેલા જ કોંગ્રેસ-જેડીએસ વચ્ચે ડખ્ખો :નાયબ મુખ્યમંત્રી પદ માટે કોંગ્રેસમાં પણ અસંતોષ ભભૂક્યો :બન્ને પક્ષના નેતાઓ વચ્ચેના મતભેદોને કારણે જનાધાર મજબૂત થવાની શકયતા ઓછી:ભાજપને વિશ્વાસ છે કે, કોંગ્રેસ-જેડીએસ ગઠબંધનમાં 'મતભેદો'ને કારણે રાજ્યમાં કમબેક કરી શકે છે: કોંગ્રેસ-જેડીએસ પક્ષના ટોચના નેતાઓ વચ્ચે મતભેદોને કારણે તેમનો જનાધાર મજબૂત નહિ થાય access_time 1:59 pm IST

  • ગુજરાતમાં ધોરણ-3ના 41 ટકા વિદ્યાર્થીઓ 999 સુધીના આંકડા લખી અને વાંચી શકતા નથી. ધોરણ - 5ના 41 ટકા વિદ્યાર્થીઓ 1000થી મોટા આંકડા લખી-વાંચી શકતા નથી. ધોરણ 3,5 અને 8ના 40 ટકા વિદ્યાર્થીઓ ગણિત, પર્યાવરણ અને ભાષાના જવાબ આપી શકતા નથી. ધોરણ-3ના 50 ટકા, ધોરણ 5માં 53 ટકા શિક્ષકો ભણ્યા હોય તેનાથી જુદો વિષય ભણાવે છે તેમ ગુજરાત કોંગ્રેસના પ્રવક્તા ડો. મનિષ દોશીએ જણાવ્યું હતું. access_time 6:19 am IST