Gujarati News

Gujarati News

News of Monday, 21st May 2018

ગોંડલમાં પટેલ વેપારીના ઘરમાં તસ્કરો ખાબકયાઃ ૩.૧૨ લાખની મતાની ચોરી

પટેલ પરિવારના સભ્યો અન્ય રૂમમાં સુતો'તોને તસ્કરો ઘર સાફ કરી ગયા

ગોંડલ તા.૨૧: ગોંડલમાં પટેલ કોલોનીમાં તસ્કરો પટેલ વેપારીના મકાનને નિશાન બનાવી ૩.૧૨ લાખની મતા ચોરી કરી ગયા હતા.

મળતી વિગતો મુજબ ગોંડલ માર્કેટીંગ યાર્ડ માં દુકાન ધરાવતા અને પટેલ કોલોનીમાં રહેતા નરેન્દ્રભાઇ અરજણભાઇ કાલરીયાના રહેણાક મકાનમાં ગતરાત્રીનાં તસ્કરોએ ગ્રીલ તોડી રૂમમાં પ્રવેશી તિજોરી તોડી તેમાં રાખેલા રોકડા રૂ. ૨,૬૦,૦૦૦ તેમજ સોના ચાંદીના દાગીના રૂ. ૫૨,૫૦૦ મળી કુલ રૂ. ૩,૧૨,૫૦૦ ના મુદામાલ ની ચોરી કરી જતા પોલીસ ફરીયાદ નોંધાવતા પીએસઆઇ રાદડિયા એ દોડી જઇ તપાસ હાથ ધરી હતી. પટેલ પરિવાર ના સભ્યો અન્ય રૂમમાં સુતા હોય તસ્કરોએ તે રૂમ ને બંધ કરી ઠંડા કલેજે ચોરી ની ઘટના ને અંજામ આપ્યો હતો.(૧.૯)

 

(12:29 pm IST)
  • કોંગી ધારાસભ્યે ખોલી પાર્ટીની પોલ :મારી પત્ની અને કોઈ ભાજપ નેતા વચ્ચે વાતચીત થઇ નથી :કોંગ્રેસના ધારાસભ્ય શિવરામ હેબબરે કહ્યું આવી કોઈપણ ઓડીઓ ટેપ નકલી :કોંગ્રસે એક ઓડીઓ ટેપ જાહેર કરીને દાવો કર્યો હતો કે ભાજપે હેબરનું સમર્થન હાંસલ કરવાના બદલામાં તેની પત્નીને 15 કરોડની ઓફર કરી છે access_time 7:35 pm IST

  • ગુજરાતમાં ધોરણ-3ના 41 ટકા વિદ્યાર્થીઓ 999 સુધીના આંકડા લખી અને વાંચી શકતા નથી. ધોરણ - 5ના 41 ટકા વિદ્યાર્થીઓ 1000થી મોટા આંકડા લખી-વાંચી શકતા નથી. ધોરણ 3,5 અને 8ના 40 ટકા વિદ્યાર્થીઓ ગણિત, પર્યાવરણ અને ભાષાના જવાબ આપી શકતા નથી. ધોરણ-3ના 50 ટકા, ધોરણ 5માં 53 ટકા શિક્ષકો ભણ્યા હોય તેનાથી જુદો વિષય ભણાવે છે તેમ ગુજરાત કોંગ્રેસના પ્રવક્તા ડો. મનિષ દોશીએ જણાવ્યું હતું. access_time 6:19 am IST

  • બુખારીએ દિલ્હી હાઇકોર્ટને કહ્યું મુગલ બાદશાહ શાહજહાંએ આપી હતી ઈમામની પદવી :જમા મસ્જિદના શાહી ઇમામ મૌલાના સૈયદ અહમદ બુખારીએ મસ્જિદમાં પોતાના પુત્રને ઉત્તરાધિકારી બનાવવાના નિર્ણયનો બચાવ કરતા કહ્યું કે આ પદવી પહેલા ઇમામને મુગલ બાદશાહ શાહજહાંએ આપી હતી અને વર્ષોથી તેમના પરિવારને જ ઇમામ બનાવાય છે જે હજુ સુધી કાનૂની વિવાદમાં નથી access_time 1:39 am IST