Gujarati News

Gujarati News

News of Monday, 21st May 2018

મધ્ય અરબી સમુદ્રમાં આજે બીજુ લો પ્રેશર સર્જાવાની શકયતાઃ ૮૫ કિ.મી.ની ઝડપે પવન ફુંકાશે

માછીમારોને દરીયો ન ખેડવા સુચના

રાજકોટ,તા.૨૧: અરબી સમુદ્રમાં સર્જાયેલું સાગર વાવાઝોડું સોમાલિયાના કિનારે પહોંચી ગયું છે અને ગુજરાત ઉપરથી જોખમ ટળ્યું છે ત્યારે મધ્ય અરબી સમુદ્રમાં વધુ એક હવાનું દબાણ આકાર લઈ રહ્યું છે.

હવામાન વિભાગના અહેવાલ અનુસાર સોમવારે મધ્ય અરબી સમુદ્રમાં હવાનું બીજું લો પ્રેશર આકાર લેશે. હાલ તેના ઉપર નજર રાખવામાં આવી રહી છે. જો કે આ પ્રેશર કઈ દિશા તરફ આગળ વધશે તેના ઉપર ધ્યાન કેન્દ્રિત થયું છે.

આ વાવાઝોડું સાગર હાલ સોમાલિયાનો કિનારો પાર કરી ગયું છે અને દરિયામાં ૬૫ થી ૭૫ કિ.મી.ની ગતિએ પવન ફુંકાવાની આગાહી કરવામાં આવી છે. ત્યારે તેની ઝડપ વધીને ૮૫ કિ.મી.પ્રતિ કલાક પહોંચે તેવી સંભાવના વ્યકત કરવામાં આવી છે. માછીમારોને દરિયામાં ન જવા સુચના આપવામાં આવી છે.(૩૦.૫)

(11:59 am IST)
  • કાલાવાડ રોડ પર આવાસ યોજનામાં કોર્પોરેશનના દરોડાઃ ૧૫ ફલેટમાં ધુસણખોરી : શહેરનાં કાલાવડ રોડ પર બિશપ હાઉસ પાછળ મ્યુનિ.કોર્પોરેશનની આવાસ યોજના કવાર્ટરમાં આવાસ યોજના વિભાગનું ચેકીંગ : ૧૫ કવાર્ટરનો કબ્જો લેવાયો access_time 4:26 pm IST

  • લોકશાહી બચાવવા તમામ પક્ષોએ એકજુથ થવું જરૂરી :2019માં ભાજપને હરાવવા આમઆદમી પાર્ટી તમામ વિપક્ષ સાથે મળીને લડશે :આજે બંધારણ ખતરામાં છે અને તેને બચાવવું સમયની માંગ છે :આપના સાંસદ સંજયસિંહએ કહ્યું કે કુમારસ્વામીના શપથ સમારોહમાં આપ પાર્ટી જોડાશે access_time 1:38 am IST

  • એફ્રોએશિયા બેંક ગ્લોબલ વેલ્થ માઇગ્રેશન રિવ્યુ' ના હેવાલ મુજબ 8,230 અબજ ડોલરની સંપત્તિ સાથે ભારત વિશ્વનો છઠ્ઠો સૌથી ધનિક દેશ છે. આ યાદીમાં અમેરિકા 62,584 અબજ ડોલરની સંપત્તિ સાથે ટોચ પર છે. ત્યાર બાદ 24,803 અબજ ડોલરની સંપત્તિ સાથે ચીન બીજા ક્રમે અને 19,522 અબજ ડોલરની સંપત્તિ સાથે જાપાન ત્રીજા ક્રમે છે. access_time 5:52 am IST