Gujarati News

Gujarati News

News of Wednesday, 21st April 2021

ભુજની એકમાત્ર સરકારી કોવિડ હોસ્પિટલમાં દર્દીઓનો ધસારો: તમામ બેડ ફૂલ થઇ ગયા

ખાનગી હોસ્પિટલો 108 માં દર્દીને જી.કે માં મોકલી દે છે પણ જી.કે માં જગ્યા હોતી નથી. પરિણામે દર્દીની હાલત કફોડી

ભુજ : કચ્છમાં કોરોનાની પરિસ્થિતિ કથળી રહી છે. ભુજની એકમાત્ર સરકારી કોવિડ હોસ્પિટલમાં દર્દીઓનો ધસારો વધી જતા હોસ્પિટલ ફૂલ થઈ છે. ક્ચ્છ તો ઠીક મોરબી અને રાજકોટથી પણ દર્દીઓને અહીં સારવાર માટે ખસેડવામાં આવે છે. બીજી તરફ આજે 108 ઇમરજન્સી સેવા દ્વારા પણ દર્દીઓને આ હોસ્પિટલમાં લાવવાનું બંધ કરી દેવામાં આવ્યું હતું.

ખાનગી હોસ્પિટલો 108 માં દર્દીને જી.કે માં મોકલી દે છે પણ જી.કે માં જગ્યા હોતી નથી. પરિણામે દર્દીની હાલત કફોડી બની રહી છે. કોરોના પોઝિટિવ વ્યક્તિ સારવાર માટે ઠોકરો ખાઈ રહ્યો છે ફાઇલ બનાવવા અને સરકારી કાગળોમાં સમય બરબાદ જતો હોવાથી દર્દીને યોગ્ય સારવાર પણ આપી શકાતી નથી. ભુજના આગેવાન રફીક મારાએ કહ્યું કે મેડિકલ ઇમરજન્સીના આ સમયમાં સિવિલ હોસ્પિટલમાં દર્દીઓને દાખલ કરવા હોય તો પણ ઘણી હાલાકી ભોગવવી પડે છે હોસ્પિટલમાં કોઈ જવાબદારી લેવા તૈયાર નથી

(12:58 pm IST)
  • રાફેલ ફાઇટર જેટનો 5મો જથ્થો નવા 4 ફાઇટર જેટ સાથે આજે સાંજે ફ્રાન્સથી ભારત આવી પહોંચ્યો : આ સાથે હવે ભારતીય વાયુ સેના પાસે 18 રાફેલ ફાઇટર જેટની તાકાત થઈ access_time 11:35 pm IST

  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST

  • દેશમાં કોરોનાએ હાહાકાર મચાવ્યો : તમામ રેકોર્ડ તોડ્યા : રાત્રે 12 વાગ્યા સુધીમાં કોરોનાના નવા સર્વાધિક 3.15.552 કેસ નોંધાયા : કુલ કેસની સંખ્યા 1.59.24.806 થઇ : એક્ટિવ કેસ 22.84.248 થયા : વધુ 1.79.407 દર્દીઓ સ્વસ્થ થતા કુલ 1,34,49,406 સ્વસ્થ થયા : વધુ 2101 લોકોના મોત સાથે કુલ મૃત્યુઆંક 1,84,672 થયો : દેશમાં સૌથી વધુ મહારાષ્ટ્રમાં નવા 67,468 નવા કેસ નોંધાયા access_time 1:39 am IST