Gujarati News

Gujarati News

News of Wednesday, 21st April 2021

ગોંડલના વેરાઇ હનુમાનજી મંદિરના ટ્રસ્ટીઓ દ્વારા કોરોના દર્દીઓને મદદરૂપ થવા રૂ.૭.૨૦ લાખ અર્પણ

(જયસ્વાલ ન્યુઝ દ્વારા) ગોંડલ તા. ર૧ :.. ગોંડલમાં કોરોના માં વિકટ પરિસ્થિતિમાં લોકોને ઉપયોગી થવા માટે ગોંડલ કોલેજ ચોક પાસે શ્રી વેરાઇ હનુમાનજી મંદિરના પ્રમુખ ભીખુભા જાડેજા, નાનાલાલ પરમાર, જે. પી. વાડોદરીયા, વસંતભાઇ નિર્મળ,હસુલાલ રૈયાણી દ્વારા ઐતિહાસિક  નિર્ણય લેવાયો હતો. વર્ષોથી મંદિરમાં લોકોએ દાનમાં આપેલ રૂપિયાનો સદઉપયોગ થાય તે હેતુથી ઓકસિજનના બાટલા તથા કીટ લેવા માટે રૂ. ૭.ર૦ લાખનો ચેક ધારાસભ્યના પુત્ર ગણેશસિંહ જાડેજાને અર્પણ કરી ઉદાહરણ પુરૂ પાડેલ છે.

(12:09 pm IST)
  • કોરોના રોગચાળાની બીજી લહેરની પકડમાં જીવલેણ વાયરસ ઘણા દેશોને પાયમાલ કરી રહ્યો છે. પરિણામેં વૈશ્વિક સ્તરે ચેપગ્રસ્ત લોકોની સંખ્યામાં વધારો થઈ રહ્યો છે. છેલ્લા 24 કલાકમાં વિશ્વમાં આઠ લાખથી વધુ નવા કોરોના ના કેસ મળી આવ્યા અને 14 હજારથી વધુ પીડિતો દુઃખદ મૃત્યુ પામ્યા છે. અમેરિકાની જોહન્સ હોપકિન્સ યુનિવર્સિટીના ડેટા અનુસાર બુધવારે સવારે કોરોના પીડિતોનો વૈશ્વિક આંકડો વધીને 14 કરોડ 26 લાખથી વધુ થઈ ગયો છે. access_time 1:37 am IST

  • કોરોનાની અસર વડોદરા હવાઇ સેવા ઉપર પડી : વડોદરામાં કોરોનાની અસર હવાઇ સેવા ઉપર પડી, મુસાફરો ન મળતા ર ફલાઇટ કેન્સલ થઇ. વડોદરાથી દિલ્લી અને મુંબઇની ફલાઇટ કેન્સલ થઇ છે. access_time 4:06 pm IST

  • આજે રાજકોટ કોર્પોરેશને સાંજે જે નવા કોરોના કેસની યાદી બહાર પાડી છે તેમા અને ગાંધીનગરથી છેલ્લા 24 કલાક ના નવા કોરોના કેસના અકડાઓમાં વિસંગતતા જણાતા અકિલા એ રાજકોટ મ્યુ. કમિશ્નર શ્રી ઉદિત અગ્રવાલ ને આ બાબતે પૂછતાં તેમણે સ્પષ્ટતા કરી હતી કે રાજકોટ કોર્પોરેશને સાંજે જે આંકડાઓ દર્શાવ્યા છે તે છેલ્લા 24 કલાકના છે, નહિ કે બપોરથી સાંજના. એટલે રાજકોટ શહેરમાં છેલ્લા 24 કલાકમાં 397 નવા કોરોના કેસ નોંધાયાનું શ્રી ઉદિત અગ્રવાલે અકિલા ને જણાવ્યું છે. access_time 9:23 pm IST