Gujarati News

Gujarati News

News of Wednesday, 21st April 2021

અંજાર : કાળી પત્ની નહીં ગમતા પતિએ કરી હત્યા

પત્ની પિયર ભાગી ગઇ હોવાનું બહાનું બનાવ્યું પણ પોલીસ પૂછપરછમાં ભાંગી પડયો

(વિનોદ ગાલા દ્વારા) ભુજ તા. ૨૧ : અંજારના મથડા ગામે પોતાની પત્નીની હત્યા કરી તેણી પિયર ગઈ હોવાનું બહાનું બનાવનાર પતિ ઝડપાઈ ગયો છે. પોલીસે અસગર જુસબ આગરિયા નામના યુવાન પતિની ધરપકડ કરી છે.

ચારેક મહિના પૂર્વે પરણેલા અસગરને તેની પત્ની સલમા કાળી હોઈ ગમતી ન્હોતી. પણ ગત ૧૯/૪ ના પોતાના સસરા જુમાભાઈ આગરિયા ને સલમા પિયર ભચાઉ ભાગી ગઈ હોવાનું ફોન ઉપર જણાવ્યું હતું. જોકે, પુત્રી ઘેર ન પહોંચતાં પિતાએ અંજાર પોલીસને જાણ કરી હતી.

પોલીસની વધુ પુછપરછ દરમ્યાન અસગર ભાંગી પડ્યો હતો અને પોતે સલમાને દીવાલમાં માથું પછાડી ગળુ દબાવી મારી નાખી હોવાનું કબૂલ્યું હતું. પત્ની કાળી હોઈ ગમતી ન્હોતી એટલે પોતે હત્યા કરી હોવાનું પતિ અસગરે પોલીસ સમક્ષ કબૂલાત કરતાં ધરપકડ કરી પોલીસે વધુ તપાસ હાથ ધરી છે.

(12:05 pm IST)
  • ઉત્તર ગુજરાતના કેટલાક ભાગોમાં બપોર બાદ તોફાની પવન સાથે વરસાદની સંભાવના : ગુજરાતના અનેક શહેરોમાં મહત્તમ તાપમાનમાં એકથી ત્રણ ડિગ્રીનો ઘટાડો નોંધાયો છેઃ ઉત્તર ગુજરાતના બનાસકાંઠા, પાટણ અને કચ્છના અમુક ભાગોમાં આજે બપોર બાદ તોફાની પવન અને ગાજવીજ સાથે વરસાદની સંભાવના છે access_time 4:07 pm IST

  • આસામમાં ઓએનજીસીના ૩ કર્મચારીઓનું ઉગ્રવાદીઓએ અપહરણ કર્યું : આસામના ઓએનજીસીના ત્રણ કર્મચારીઓનું ઉગ્રવાદીઓએ અપહરણ કર્યું છે તેની શોધખોળ શરૂ કરવામાં આવી છે. access_time 4:06 pm IST

  • આજે રાજકોટ કોર્પોરેશને સાંજે જે નવા કોરોના કેસની યાદી બહાર પાડી છે તેમા અને ગાંધીનગરથી છેલ્લા 24 કલાક ના નવા કોરોના કેસના અકડાઓમાં વિસંગતતા જણાતા અકિલા એ રાજકોટ મ્યુ. કમિશ્નર શ્રી ઉદિત અગ્રવાલ ને આ બાબતે પૂછતાં તેમણે સ્પષ્ટતા કરી હતી કે રાજકોટ કોર્પોરેશને સાંજે જે આંકડાઓ દર્શાવ્યા છે તે છેલ્લા 24 કલાકના છે, નહિ કે બપોરથી સાંજના. એટલે રાજકોટ શહેરમાં છેલ્લા 24 કલાકમાં 397 નવા કોરોના કેસ નોંધાયાનું શ્રી ઉદિત અગ્રવાલે અકિલા ને જણાવ્યું છે. access_time 9:23 pm IST