Gujarati News

Gujarati News

News of Wednesday, 21st April 2021

માળિયામિંયાણાના ખાખરેચીમાં એક જ દિ'માં ૫ મોત

કોરોનાએ કાળો કહેર વર્તાવ્યો : ૧૦ દિવસમાં જ ૨૦ થી વધુ લોકોએ જીવ ગુમાવ્યા

(પ્રવિણ વ્યાસ દ્વારા) મોરબી,તા. ૨૧: માળિયા મીયાણા તાલુકાના ગામડાઓમા કોરોનાએ રીતસરનો ભરડો લીધો છે. કોરોના જાણે બેકાબૂ બનીને મોતનું તાંડવ ખેલવા બેઠો હોય તેમ ખાખરેચી ગામમાં એક જ દિવસમાં પાંચ લોકોના મોત નિપજયાં હતા અને એકટીવ કેસોની સંખ્યા પણ આ ગામમાં ત્રણના અંકમાં પહોંચી જવા પામી છે. માળિયા મીયાણા તાલુકાના લક્ષમીવાસ, નાના ભેલા, સરવડ, ચાચાવદરડા, તરદ્યરી જેવા ગામોમાં યુવા વયના લોકોએ કોરોના સામે જંગ હારી જીવ ગુમાવતા આ વિસ્તારોમાં અરેરાટી પ્રસરી જવા પામી હતી. ખાખરેચી જીલ્લા પંચાયતના સદસ્ય મહેશભાઈ પારેજીયાએ જણાવ્યું હતું કે માળિયા મીયાણા પંથકના ગ્રામ્ય વિસ્તારોની પરિસ્થિતિ ગંભીર છે. ખાખરેચી ગામમાં એક દિવસમાં પાંચ લોકો મોતને ભેટયા છે.

છેલ્લા દશ દિવસમાં ખાખરેચી ગામમાં ૨૦થી વધુ લોકોએ જીવ ગુમાવ્યા છે અને એકટીવ કેસોની સંખ્યા એક જ ગામમાં એકસોથી વધુ છે. ચુંટણીઓ વખતે ગામડાઓ ખુંદી નાંખતા નેતાઓ આજે ડોકાતા નથી તેવો રોષ પણ વ્યકત કર્યો હતો.

(11:02 am IST)
  • કોરોનાની અસર વડોદરા હવાઇ સેવા ઉપર પડી : વડોદરામાં કોરોનાની અસર હવાઇ સેવા ઉપર પડી, મુસાફરો ન મળતા ર ફલાઇટ કેન્સલ થઇ. વડોદરાથી દિલ્લી અને મુંબઇની ફલાઇટ કેન્સલ થઇ છે. access_time 4:06 pm IST

  • અમેરિકા : જ્યોર્જ ફ્લોયડના મૃત્યુમાં ભૂતપૂર્વ મિનીએપોલિસ અધિકારી ડેરેક ચૌવિનને ખૂન અને હત્યાકાંડના આરોપમાં દોષી ઠેરવવામાં આવ્યા છે. ફ્લોયડના મોતથી જાતિવાદ સામે વિશ્વવ્યાપી વિરોધ પ્રદર્શિત થયો હતો, જ્યારે વીડિયો બતાવવામાં આવ્યું હતું કે ચૌવિને તેના ગળા પર ઘૂંટણ લગાવીને જમીન પર ફ્લોઇડને દબાવવાથી તે મોતને ભેટ્યા હતા. access_time 10:07 am IST

  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST