Gujarati News

Gujarati News

News of Sunday, 21st April 2019

પાલડી ગામે કિશોરીના અપહરણના ૧૩ દિવસ બાદ પણ તપાસ ઠેરની ઠેર

ગારિયાધારઃ ગારિયાધાર પંથકના પાલડી ગામે કિશોરીનું અપહરણ થયાની ફરિયાદ નોંધાઇ છે. જેને ૧૩ દિવસ વિતવા છતાં પોલીસે કોઇ કાર્યવાહી નહી કરતા કિશોરીના પરિવારે એસ.પી.ને રજુઆત કરી હતી. આ બનાવની પ્રાપ્ત વિગત મુજબ ગારિયાધારના પાલડી ગામે રહેતી કિશોરીનું અપહરણ થયુ હતુ. જે અંગે ચાર-ચાર દિવસ તેના પરિવારે આજીજી કરતા પોલીસે ફરીયાદ નોંધી હતી જેમાં આરોપી તરીકે રાહુલ રમેશભાઇ ખાખડીયા અને તેને મદદગારી કરનાર હકુબેન રમેશભાઇ  અને વિજય બાબુભાઇ ખાખડીયા સામે ગુનો  દાખલ કરી  સી.પી.આઇએ તપાસ શરૃ કરી હતી.

દરમિયાન  આ ફરિયાદને ૧૩ દિવસ જેટલો સમય વિતવા છતા તપાસમા પોલીસ આળસવૃતિ દેખાડતી હોય, કીશોરીના પરિવારજનોએ  એસ.પી. ને લેખીતમા રજુઆત કરી હતી. આ અંગેની તપાસની સી.પી.આઇ. ઇન્ચાર્જ ચુડાસમાએ જણાવ્યુ કે ગારીયાધાર પી.એસ.આઇ. પંડયા દ્વારા તપાસ ચલાવાઇ રહી છે જે ચુંટણીની કામગીરીમા વ્યસ્ત હોવાથી ટૂંક સમયમા તપાસ પુર્ણ કરી દેવાશે.

(12:16 pm IST)
  • ફરીવાર સાધ્વી પ્રજ્ઞા વિવાદી નિવેદનમાં ફસાયા ;કહ્યું અયોધ્યામાં મેં ઉપર ચડીને તોડ્યો હતો વિવાદી ઢાંચો ;ચૂંટણી આયોગે ફટકારી નોટિસ :24 કલાકમાં માંગ્યો જવાબ :આતંકવાદી હુમલામાં શહીદ થયેલ મહારાષ્ટ્ર પોલીસના વરિષ્ઠ અધિકારી હેમંત કરકરે અંગે આપેલ વિવાદી નિવેદન બાદ ભોપાલ સંસદીય સીટના ભાજપના ઉમેદવાર સાધ્વીએ વધુ એક વિવાદી નિવેદન આપ્યું છે access_time 11:33 pm IST

  • ચૂંટણી પંચ આકરા પાણીએ : વડાપ્રધાન મોદી પર બનેલી ફિલ્મ પર રોક લગાવ્યા બાદ, હવે PM પર બનેલી વેબ સિરીઝ ' મોદી - જર્ની ઓફ આ કોમન મેન ' પર પણ રોક લગાવી : ઇરોઝ કમ્પની દ્વારા બનાવાયેલ આ વેબ સિરિઝના પાંચેય ભાગ ઈન્ટરનેટ પરથી દૂર કરવા કર્યો આદેશ. access_time 5:15 pm IST

  • RBIની મોટી સ્પષ્ટતા : વ્યવસાયિક બેંકોમાં 5 દિવસજ કામકાજ થશે તેવા અહેવાલો સદંતર ખોટા : RBIએ સર્ક્યુલર બહાર પાડીને જણાવ્યું કે આવા કોઈ આદેશ RBIએ નથી બહાર પાડ્યા. access_time 10:51 pm IST