Gujarati News

Gujarati News

News of Thursday, 21st March 2019

કોડીનારના ઘાંટવડના જમદાગ્નિ આશ્રમના મહંત પર હુમલો

ફરિયાદ દાખલ કરવા કહેતા પોલીસ શ્વાન પાળવાની સલાહ આપ્યાનો મહંતનો આક્ષેપ.

 

ગીર સોમનાથના જિલ્લાના કોડીનારના ઘાંટવડ ગામમા આવેલા જમદાગ્નિ આશ્રમના મહંત હરિદાસ બાપુ પર હુમલો થયો છે. રાત્રે 12 વાગ્યાની આસપાસ ચાર શખ્સો તરફથી આશ્રમ પર પથ્થરમારો કરવામાં આવ્યો હતો. દરમિયાન એક પથ્થર બાપુને લાગ્યો હતો.

    હરિદાસ બાપુએ આક્ષેપ લગાવ્યો છે કે મામલે તેમણે પોલીસનો સંપર્ક કર્યો હતો પરંતુ પોલીસ તેની ફરિયાદ નથી નોંધી રહી. બીજી તરફ મહંત હુમલાખોરો સામે ફરિયાદ નોંધવાની માંગણી કરી રહ્યા છે. મહંતે આક્ષેપ લગાવ્યો હતો કે પોલીસે એફઆઈઆર નોંધવાને બદલે તેને શ્વાન પાળવાની સલાહ આપી હતી

    અંગે મહંત હરિદાસ બાપુએ જણાવ્યું કે, "રાત્રે 12 વાગ્યે મારા પર હુમલો થયો હતો. પહેલા દિવસે ચાર વાગ્યે ગામમાં મને માર મારવામાં આવ્યો હતો. જે બાદમાં હું ફરિયાદ આપવા માટે ગીર-ગઢડા પોલીસ સ્ટેશન ગયો હતો. અહીં પોલીસે મને સમજાવ્યો હતો અને બદનામી થશે તેવું કહીને ફરિયાદ કરવા જણાવ્યું હતું.

    હુમલો કરનાર વ્યક્તિએ દિવસે મને ગામમાં ગાળ આપી હતી. રાત્રે મારા પર પથ્થરમારો કરવામાં આવ્યો હતો અને મને જીવથી મારી નાખવાની ધમકી આપી હતી. એક પથ્થર મારા હાથમાં વાગ્યો હતો. 108ના સ્ટાફે આશ્રમ ખાતે પહોંચીને મારી સારવાર કરી હતી. મેં પોલીસને ફોન કરતા પોલીસ પણ દોડી આવી હતી. જોકે, તેમણે મારી ફરિયાદ લીધી હતી. તેમણે મને એક શ્વાન પાળવાની સલાહ આપી હતી.

(1:10 am IST)
  • ગીર સોમનાથના વેરાવળના દરિયામાં બે યુવાનો ડુબ્યાઃ ધુળેટી રમ્યા બાદ પડયા હતા દરીયામાં: સ્થાનીકોએ શોધખોળ શરૂ કરીઃ એક યુવક મળ્યો અને એકની શોધખોળ ચાલુ access_time 6:52 pm IST

  • કુતીયાણાથી હરિદ્વાર પદયાત્રીકોના સંઘને રાજસ્થાનમાં ટ્રક ચાલકે અડફેટે લેતા ચાર લોકોના કરૂણમોત :છ લોકો ગંભીર રીતે ઘાયલ : કુતીયાણાથી હરિદ્વાર પદયાત્રાનો સંઘ જતો હતો ત્યારે રાજસ્થાનના પુલવા નજીક ટ્રક ચાલકે પદયાત્રીઓને અડફેટે લેતા ચાર લોકોના મોત નિપજ્યા છે જયારે અન્ય છ લોકોને ગંભીર ઇજા પહોંચી હોવાનું જાણવા મળે છે :વધુ વિગત મેળવાઈ રહી છે access_time 12:59 pm IST

  • સાંબરકાઠાઃ હાથરોલ જંગલમાં ભીષણ આગઃ જંગલમાં આગ લાગતા વનરાજી બળીને ખાખઃ આગ પર કાબુ મેળવવાના પ્રયાસો શરૂ કરાયા access_time 6:53 pm IST