Gujarati News

Gujarati News

News of Wednesday, 21st March 2018

દેશનું કદાચ પહેલું ટેલિફોનિક બેસણું

સુરેન્દ્રનગર, તા. ૨૧ :. ધંધુકા તાલુકાના પીપળ નામના ગામમાં રહેતા ગણેશ અને ત્રિકમ માંગુકિયાના ૯૩ વર્ષના માતુશ્રીના અવસાન પછી બન્ને ભાઈઓએ માતુશ્રીના મૃત્યુ પાછળ રાખવામાં આવેલા બેસણામાં એક નવી પ્રથા અપનાવી હતી અને બન્ને ભાઈઓએ પરિવારના વડીલોની સહમતી સાથે ટેલિફોનિક બેસણું રાખીને માત્ર ફોન કરીને બેસણામાં હાજરી પુરાવાની સગાવહાલાઓને અરજ કરી હતી.

કદાચિત આ પ્રકારનું દેશનું આ પહેલું ડિજિટલ બેસણું હશે એવું કહી શકાય. આ બેસણાની જાહેરખબરમાં બન્ને ભાઈઓએ પોતાના ફોન-નંબર પણ પ્રસિદ્ધ કર્યા હતા જેથી લોકો ફોન પર સહાનુભૂતિ વ્યકત કરી શકે અને બેસણામાં હાજરી પુરાવી શકે.

આજના હરીફાઈના સમયમાં અને દોડાદોડીના જમાનામાં લોકો પાસે સમય ન હોય એટલે મંગુકિયા પરિવારે પોતાના માતુશ્રીનું બેસણુ આ રીતે રાખવાનું નક્કી કર્યુ હતું. જૂની પરંપરા કરતા તો ચોક્કસપણે એક નવી શરૂઆતની દિશામાં પહેલ સમાન ગણી શકાય છે.

(11:52 am IST)
  • રશિયાના રાષ્ટ્રપતિ આ ઉંમરે પણ પોતાની ફિટનેસને લઈ ભારે ચર્ચામાં છે. ત્યારે એક લોકલ ટીવી ચેનલ ‘કેપિટલિસ્ટ ટીવી દાવો કર્યો હતો કે, પુતિન પોતાની સમાગમ શક્તિ વધારવા માટે સાઇબેરીયના હરણના શિંગળાના લોહીથી ન્હાય છે. ચેનલે દાવો કર્યો હતો કે,2016માં પુતિન માટે આ હરણોનો લગભગ 70 કિલો શીંગળા કાપવામાં આવ્યા હતા. access_time 2:12 am IST

  • ઇન્ડિયન ઇન્સ્ટિટ્યૂટ ઓફ મેનેજમેન્ટ (આઇઆઇએમ) જેવી પ્રતિષ્ઠિત સંસ્થાઓના હવેથી આધ્યાત્મિકતા અને માનવીય મૂલ્યોનું શિક્ષણ પણ આપવામાં આવશે. જેથી ભવિષ્યના મેનેજર્સ દબાણ વચ્ચે પણ શાંતિનો અનુભવ લઈ શકે. આઇઆઇએમ-અમદાવાદ ખાતે ભવિષ્યના કોર્પોરેટ લીડર્સને ભગવદ્‌ગીતાના પાઠ ભણાવવામાં આવી રહ્યા છે. આઇઆઇએમના પ્રોફેસરે જણાવ્યું કે તેનાથી સ્ટ્રેસમાં ઘટાડો થશે. access_time 2:12 am IST

  • વિશ્વના સૌથી ઊંચા શિખર માઉન્ટ એવરેસ્ટ પર પ્રવાસીઓ અને પવર્તારોહકો દ્વારા ફેંકવામાં આવેલો કરચો કિલોમાં નહીં પણ ટનમાં છે. અહીં અંદાજે 100 ટન કચરો એકત્ર થયેલો છે. જેને એકત્ર કરી એરલિફ્ટ કરવાનું અભિયાન શરૂ કરવામાં આવ્યું છે. અભિયાનના પહેલા દિવસે 1200 કિલો કચરો લુકલા ઍરપૉર્ટથી કાઠમંડૂ 'ઍરલિફ્ટ' કરવામાં આવ્યો જે રિસાઇકલ માટે મોકલવામાં આવ્યો. access_time 2:12 am IST