Gujarati News

Gujarati News

News of Wednesday, 21st March 2018

રાજુલાના ધારાસભ્ય અંબરીશ ડેરનો સસ્પેન્શન ઓર્ડર રદ ન થાય તો આંદોલન

અમરેલીઃ રાજુલાના ધારાસભ્યનું સસ્પેન્શન તાત્કાલીક રદ કરવામાં ન આવે તો જલદ આંદોલન કરવાની ચીમકી સાથે અમરેલી જિલ્લા આહીર સમાજ દ્વારા કલેકટરને આવેદનપત્ર પાઠવીને રજૂઆત કરવામાં આવી છે. જિલ્લા આહીર સમાજ દ્વારા કલેકટરને કરવામાં આવેલી લેખીત રજૂઆતમાં જણાવવામાં આવ્યું છે કે, વિધાનસભામાં ઘટના બાદ રાજુલા-જાફરાબાદ મત વિસ્તારના ધારાસભ્ય અંબરીશભાઈ ડેરને ૩ વર્ષ માટે વિધાનસભા ગૃહમાંથી સસ્પેન્ડ કરવામાં આવ્યા છે. અમરેલી જિલ્લા આહીર સમાજ દ્વારા આ ઘટનાને સખ્ત શબ્દોમાં વખોડીને ઉગ્ર દર્શાવવામાં આવ્યો હતો. સમાજ દ્વારા જણાવાયુ છે કે અંબરીશભાઈ પોતાના વિસ્તારના વિકાસના મુદ્દે, ગરીબો, વંચીતો અને પછાત લોકોના વિકાસના મુદ્દે હાલની સરકાર સામે રોષ વ્યકત કર્યો છે જેને પરહિતાર્થે લેવામાં આવેલું પગલુ ગણાવીને તેમના સસ્પેન્શનના નિર્ણયને અન્યાયી ગણાવવામાં આવ્યો હતો. તેમણે સંપૂર્ણ લોકશાહી ઢબે રજૂઆત કરી હોવા છતાં જનતાના અવાજને દબાવવાનો પ્રયાસ કરવામાં આવ્યો હોવાનો પણ આક્ષેપ કરવામાં આવ્યો છે. સમસ્ત અમરેલી જિલ્લા આહીર સમાજ દ્વારા રાજુલાના ધારાસભ્યના સસ્પેન્શનનો નિર્ણય તાત્કાલીક રદ કરવા માટે માગણી કરવામાં આવી છે અને જો સસ્પેન્શન પાછું લેવામાં નહીં આવે તો ઉગ્ર આંદોલન કરવાની પમ ચીમકી આપવામાં આવી છે. (તસ્વીર-અહેવાલઃ અરવિંદ નિર્મળ-અમરેલી)

(11:30 am IST)
  • ઇન્ડિયન ઇન્સ્ટિટ્યૂટ ઓફ મેનેજમેન્ટ (આઇઆઇએમ) જેવી પ્રતિષ્ઠિત સંસ્થાઓના હવેથી આધ્યાત્મિકતા અને માનવીય મૂલ્યોનું શિક્ષણ પણ આપવામાં આવશે. જેથી ભવિષ્યના મેનેજર્સ દબાણ વચ્ચે પણ શાંતિનો અનુભવ લઈ શકે. આઇઆઇએમ-અમદાવાદ ખાતે ભવિષ્યના કોર્પોરેટ લીડર્સને ભગવદ્‌ગીતાના પાઠ ભણાવવામાં આવી રહ્યા છે. આઇઆઇએમના પ્રોફેસરે જણાવ્યું કે તેનાથી સ્ટ્રેસમાં ઘટાડો થશે. access_time 2:12 am IST

  • આવી રહેલ હવાના દબાણને લીધે દક્ષિણ અને આંતરિક તામિલનાડુ, કેરળ, કર્ણાટક અને કોંકણ-ગોવાના ભાગોમાં સારો વરસાદ પડશે access_time 12:52 pm IST

  • આજે ગણિતની પરીક્ષા હતી. બીજા સ્ટુડન્ટનીની જેમ અંધજન સ્કૂલના સ્ટુડન્ટ વિઘ્નેશ પાઠકે પણ ગણીતના દાખલા ઉકેલ્યા હતાં. જો કે વિઘ્નેશ બીજા સ્ટુડન્ટ કરતાં જુદો પડે છે કેમ કે એમણે ક્યારેય આંકડાઓ જોયા જ નથી, માત્ર અનુભવ્યા છે. વિઘ્નેશ સંપૂર્ણ અંઘ છે, બ્રેઇલ લીપીથી દાખલાઓ ગણીને બોર્ડની પરીક્ષા આપી હતી. જેથી આવી ઘટના સમગ્ર ગુજરાતમાં પ્રથમવાર બની છે. access_time 1:49 am IST