Gujarati News

 દેરડી કુંભાજીના પ્રખ્યાત બહુચરાજી મંદિરે તાજેતરમાં સમુહલગ્નોત્સવ યોજાયો હતો. આ સર્વજ્ઞાતિય સમુહલગ્નમાં ૮ કન્યાઓને મંદિરના માઇભકતો તથા દાતાઓ તરફથી દર વર્ષની માફક ૧૦૦ જેટલી વસ્તુઓ કન્યાદાનમાં આપવામાં આવી હતી. લગ્નવિધી રાણસીકીના શાસ્ત્રી જયેશભાઇ ભટ્ટે કરાવી હતી.   આ પ્રસંગે ઉપસ્થિત રહેલ મહેમાનો તથા દાતાઓનું મંદિર તરફથી સન્માન કરવામાં આવ્યું હતું. આ પ્રસંગે દેરડી ગામના વિવિધ સમાજના અગ્રણીઓ ઉપસ્થિત રહ્યા હતા. આ પ્રસંગને સફળ બનાવવા સ્વયંસેવકો તથા મંદિરના મહંતશ્રી ગીરધરભાઇ તથા કંચનબેન વ્યાસ પરિવારે જહેમત ઉઠાવી હતી.