Gujarati News

Gujarati News

News of Wednesday, 21st March 2018

ઉપલેટા માર્કેટીંગ યાર્ડમાં ઇનામ પ્રોજેકટ અંતર્ગત ખેડૂત માર્ગદર્શન શિબીર

ઉપલેટા :.. માર્કેટીંગ યાર્ડ ખાતે ચેરમેન માધવજીભાઇ પટેલના અધ્યક્ષ સ્થાને ઇનામ પ્રોજેકટ અંતર્ગત એક ખેડૂત શિબીર મળેલ જેમાં ઉપસ્થિત મોટી સંખ્યાના ખેડૂતો અને વેપારીઓને સંબોધતા યાર્ડના ચેરમેન માધવજીભાઇ પટેલે જણાવેલ કે કેન્દ્ર અને રાજયની ભાજપ સરકાર ખેડૂતો માટે સતત વિચારીને ખેડૂતોના હિત માટે પાક વિમા ટેકાના ભાવની જણસીની ખરીદી ખેડૂત શિબીરો, સબસીટી, સિંચાઇના પાણી, લાઇટ સહિતની સહાયો અને ખેડૂતોના ઉત્કર્ષની આવી જૂદી જૂદી યોજનાઓ દ્વારા ખેડૂતોના હિત માટે જે પ્રયાસો કરે છે તે આવકાર્ય છે આ પ્રસંગે વાઇસ ચેરમેન રાજાભાઇ સુવા, સેક્રેટરી રાજ ઘોડાસરા, નરશીભાઇ મુંગલપરા વિગેરેએ પણ પ્રાસંગીક પ્રવચનો કરી ખેડૂતોને માર્ગદર્શન આપેલ હતું તેમજ એનએફસીએલ.ના સ્નેહલ પટેલે પણ ખેડૂતોને માર્ગદર્શન આપેલ હતું. આ તકે નિકુલભાઇ ચંદ્રવાડીયા સહિતના સહકારી આગેવાનો હાજર રહ્યા હતા શિબિરનો મોટી સંખ્યાના ખેડૂતોએ લાભ લીધેલ હતો. શિબિરને સફળ બનાવવા યાર્ડના કર્મચારીઓ જહેમત ઉઠાવી હતી. (અહેવાલ : જગદીશ રાઠોડ, તસ્વીર ભોલુ રાઠોડ -ઉપલેટા)

(11:27 am IST)
  • વિશ્વના સૌથી ઊંચા શિખર માઉન્ટ એવરેસ્ટ પર પ્રવાસીઓ અને પવર્તારોહકો દ્વારા ફેંકવામાં આવેલો કરચો કિલોમાં નહીં પણ ટનમાં છે. અહીં અંદાજે 100 ટન કચરો એકત્ર થયેલો છે. જેને એકત્ર કરી એરલિફ્ટ કરવાનું અભિયાન શરૂ કરવામાં આવ્યું છે. અભિયાનના પહેલા દિવસે 1200 કિલો કચરો લુકલા ઍરપૉર્ટથી કાઠમંડૂ 'ઍરલિફ્ટ' કરવામાં આવ્યો જે રિસાઇકલ માટે મોકલવામાં આવ્યો. access_time 2:12 am IST

  • ભારે કરી.... નિદાહાસ ટ્રોફીની ફાઈનલ મેચમાં ભારત સામે બાંગ્લાદેશનો પરાજય થયો હતો. વલસાડ તાલુકાનાં વાંકલ ગામે રહેતા નિવૃત્ત શિક્ષક પ્રવીણભાઈ બાબરભાઈ પટેલ રવિવાર રાત્રે ભારત અને બાંગ્લાદેશ વચ્ચેની નિદાહાસ ટ્રોફીની ફાઈનલ મેચ પત્ની સાથે નિહાળી રહ્યા હતાં. છેલ્લા બોલે છગ્ગો ફટકારતા જ પ્રવિણભાઈનું હ્રદય હુમલો થયો, હોસ્પિટલે જતા રસ્તામાં જ કાળ ભેટી ગયો હતો. access_time 1:49 am IST

  • હે ભગવાન.... ઉત્તરપ્રદેશના ગાજિયાબાદમાં જ્યાં એક MBBS ડૉક્ટર મહિલાએ યુવાન બનાવા અને પોતાની પાસે રહેલું સોનું ડબલ કરવાની લાલચ સાથે તાંત્રિકને નાની મોટી નહીં પરંતુ પૂરા રુપિયા 2 કરોડની રકમ આપી હતી. પોતાની સાથે ઠગાઈ થઈ હોવાનું જાણમાં આવતા 55 વર્ષીય મહિલા ડૉક્ટરે પોલીસમાં ફરિયાદ કરી હતી. ડૉક્ટરે તાંત્રિકને રુ. 65 લાખ કેશ અને દોઢ કિલો સોનું તેમજ ચાંદીના ઘરેણા આપ્યા હતા. access_time 1:48 am IST