Gujarati News

Gujarati News

News of Wednesday, 21st March 2018

ટંકારાના નેકનામમાં માલધારીના વાળામાં શિકારી કુતરા ઘુસી જતા 45 ઘેટાં-બકરાના મોત :ભરવાડ પરિવારની રોજી રોટી છીનવાઈ

ટંકારાના નેકનામ ગામે માલધાર ના વાળામાં શિકારી કૂતરા ઘૂસી જતાં ૪૫ ઘેટાં-બકરાંના મોત નિપજતા ભરવાડ પરિવારની રોજી રોટી છીનવાઈ ગઈ છે.

 આ અંગે મળતી વિગત મુજબ નેકનામ ગામે રહેતા માલધારી ભલાભાઇ ભીખાભાઈ લામકાના વાડામાં ગતરાત્રે શિકારી કૂતરા ઘુસી જતા ઘેટાં-બકરાં ને બચકા ભરી લોહીલુહાણ કરી નાંખ્યા હતા અને કુતરાથી બચવા ઘેટાં બકરામાં નાસભાગ મચી જતા ૪૫ જેટલા ઘેટાં બકરાના ઘટનાસ્થળે જ મોત નિપજ્યાં હતાં
  ઘટનાની જાણ થતા પશુ ડોકટર પટેલ તાત્કાલિક ઘટના સ્થળે દોડી ગયા હતા અને તેમનો ટેલિફોનિક સંપર્ક સાધતાં જણાવ્યું હતું કે ઘેટાં અને બકરા શિકારી કૂતરા ને જોતા જ ભાગદોડ મચી અને આ આખી ઘટના બની હતી.

 બીજી તરફ આજીવિકા સમા ધેટા બકરાના મોતથી માલધારી પરિવાર પર આભ ફાટ્યું હોય તેવી સ્થિતિ સર્જાઈ હતી શિકારી કૂતરાએ ઘેટાં બકરા ફાડી ખાતાં લોહીલુહાણ હાલતમાં ઘેટા બકરા મોટી સંખ્યામાં મોતને ભેટતા મૃતદેહનો નિકાલ કરવામાં પણ અરેરાટી વ્યાપી ગઈ હતી

(10:16 pm IST)
  • હે ભગવાન.... ઉત્તરપ્રદેશના ગાજિયાબાદમાં જ્યાં એક MBBS ડૉક્ટર મહિલાએ યુવાન બનાવા અને પોતાની પાસે રહેલું સોનું ડબલ કરવાની લાલચ સાથે તાંત્રિકને નાની મોટી નહીં પરંતુ પૂરા રુપિયા 2 કરોડની રકમ આપી હતી. પોતાની સાથે ઠગાઈ થઈ હોવાનું જાણમાં આવતા 55 વર્ષીય મહિલા ડૉક્ટરે પોલીસમાં ફરિયાદ કરી હતી. ડૉક્ટરે તાંત્રિકને રુ. 65 લાખ કેશ અને દોઢ કિલો સોનું તેમજ ચાંદીના ઘરેણા આપ્યા હતા. access_time 1:48 am IST

  • આજે ગણિતની પરીક્ષા હતી. બીજા સ્ટુડન્ટનીની જેમ અંધજન સ્કૂલના સ્ટુડન્ટ વિઘ્નેશ પાઠકે પણ ગણીતના દાખલા ઉકેલ્યા હતાં. જો કે વિઘ્નેશ બીજા સ્ટુડન્ટ કરતાં જુદો પડે છે કેમ કે એમણે ક્યારેય આંકડાઓ જોયા જ નથી, માત્ર અનુભવ્યા છે. વિઘ્નેશ સંપૂર્ણ અંઘ છે, બ્રેઇલ લીપીથી દાખલાઓ ગણીને બોર્ડની પરીક્ષા આપી હતી. જેથી આવી ઘટના સમગ્ર ગુજરાતમાં પ્રથમવાર બની છે. access_time 1:49 am IST

  • રાજસ્થાનના પાલીમાં ગણગૌર પુજન માટે લાખોટીયા તળાવ સ્થિત સિરેઘાટ ઉપર બેડા લઈને પાણી ભરવા આવેલ મહીલાઓ તસવીરમાં દર્શાય છે. access_time 3:43 pm IST