Gujarati News

Gujarati News

News of Wednesday, 21st March 2018

'વાગે ભડાકા ભારી ભજનના... વાગે ભડાકા ભારી રે...' જૂનાગઢમાં આયોજીત લોકડાયરામાં બંદૂકના ભડાકાઃ સોશ્યલ મીડિયામાં વિડીયો વાયરલ

ફોટોઃ kirtidan dayro banduk na bhadaka

જૂનાગઢઃ જૂનાગઢમાં થોડા સમય પહેલા આયોજીત લોકડાયરામાં બંદૂકના ભડાકા થતા ભારે ચર્ચા જાગી છે. જેનો વિડીયો સોશ્યલ મીડિયામાં વાયરલ થયો છે.

પ્રાપ્ત  માહિતી મુજબ ક્ષત્રિય પરિવાર દ્વારા ઘરે લગ્ન પ્રસંગ હોવાથી સંગીત સંધ્યાનું આયોજન કરવામાં આવ્યું હતું. જેમાં કીર્તિદાનને બોલાવવામાં આવ્યા હતો. આ સંગીત સંધ્યાનો એક વીડિયો ખૂબ જ વાયરલ થઈ રહ્યો છે. જેમાં બંદૂકમાંથી ભડાકા કરવામાં આવ્યા હતા.

સૌરાષ્ટ્ર કચ્છમાં યોજાતા ડાયરાઓમાં એક ભજન અચુક ગવાતું આવ્યું છે. ભજનના શબ્દો છે...વાગે ભડાકા ભારી ભજનના...વાગે ભડાકા ભારી રે...! જૂનાગઢ ખાતે યોજાયેલા સંગીત સંધ્યા કાર્યક્રમમાં પણ કીર્તિદાને આ ભજન લલકાર્યું હતું. પરંતુ આ ભજન સાંભળતા જ ક્ષત્રિય પરિવારના સભ્યો તાનમા આવી ગયા હતા અને સાચે જ અલગ અલગ બંદૂકોમાંથી ભડાકા કર્યા હતા. ડાયરામાં આશરે 30 વખત ફાયરિંગ કરવામાં આવ્યું હતું. આ ઉપરાંત કીર્તિદાન ઉપર નોટોનો પણ વરસાદ કરવામાં આવ્યો હતો. સંગીત સંધ્યાના આ કાર્યક્રમમાં જૂનાગઢના જાણીતા સાધુ સંતો પણ કીર્તિદાન ઉપર પૈસા ઉડાવતા નજરે પડી રહ્યા છે.

મળતી માહિતી પ્રમાણે હાલમાં જે વીડિયો વાયરલ થયો છે તે 10થી 15 દિવસ પહેલા જૂનાગઢ શહેરનો છે. જેમાં ક્ષત્રિય પરિવારના લોકોએ બાર બોરની બંદૂકથી રિવોલ્વરમાંથી ફાયરિંગ કરવામાં આવ્યું હતું. પરિવારના સભ્યો જ્યારે ફાયરિંગ કરી રહ્યા હતા ત્યારે સ્ટેજ પર મોટી સંખ્યામાં લોકો હાજર હતા. દર્શકોમાં પણ મોટી સંખ્યામાં લોકો હાજર હોવાનું વીડિયો પરથી જોઈ શકાય છે.

(9:38 am IST)
  • દિલ્હી : દ્વારકાની ઈપીએફ ઓફીસમાં બનાવટી ખાતા કૌભાંડ : કરોડો જમા કરાવ્યા : નવી દિલ્હી : કૌભાંડોની હારમાળામાં વધુ એક કૌભાંડ ઉમેરાયુ : દિલ્હીના દ્વારકા ખાતેની ઈપીએફ ઓફીસમાં ૪ કરોડ રૂપિયા બનાવટી ખાતાઓમાં જમા કરાયાની એફઆઈઆર નોંધાવાઈ : ૧ કર્મચારીની ધરપકડ થઈ access_time 3:41 pm IST

  • 'વો કૌન થી'ના રીમેકમાં ઐશ્વર્યા રાય અને શાહિદ, સાધના - મનોજકુમારના રોલમાં : ૧૯૬૪ની સાલની લોકપ્રિય ફિલ્મ ''વો કૌન થી''ની રિમેકમાં સાધનાનો રોલ ઐશ્વર્યા રાય તથા મનોજકુમારનો રોલ શાહીદ કપૂર ભજવશે access_time 3:41 pm IST

  • વિશ્વના સૌથી ઊંચા શિખર માઉન્ટ એવરેસ્ટ પર પ્રવાસીઓ અને પવર્તારોહકો દ્વારા ફેંકવામાં આવેલો કરચો કિલોમાં નહીં પણ ટનમાં છે. અહીં અંદાજે 100 ટન કચરો એકત્ર થયેલો છે. જેને એકત્ર કરી એરલિફ્ટ કરવાનું અભિયાન શરૂ કરવામાં આવ્યું છે. અભિયાનના પહેલા દિવસે 1200 કિલો કચરો લુકલા ઍરપૉર્ટથી કાઠમંડૂ 'ઍરલિફ્ટ' કરવામાં આવ્યો જે રિસાઇકલ માટે મોકલવામાં આવ્યો. access_time 2:12 am IST