Gujarati News

Gujarati News

News of Thursday, 20th February 2020

મોરબીના જાંબુડિયા ગામના સરપંચ-ઉપસરપંચને સસ્પેન્ડ કરાયા

સત્તાનો દુરુપયોગ અને મેળાની આવકમાં ઉચાપતની અરજીને પગલે કાર્યવાહી

મોરબી : તાલુકાના જાંબુડિયા ગ્રામ પંચાયતના સરપંચ અને ઉપસરપંચ દ્વારા સત્તાનો દુરુપયોગ  તેમજ મેળાની આવકમાં ઉચાપત કરવામાં આવી હોય તેવી અરજીને પગલે તપાસ બાદ ડીડીઓ દ્વારા બંનેને સસ્પેન્ડ કરવાનો આદેશ આપવામાં આવ્યો છે

મોરબીના રફાળેશ્વર ગામના રહેવાસી અરજદારે ડીડીઓને લેખિત રજૂઆત કરી જણાવ્યું હતું કે જાંબુડિયા ગ્રામ પંચાયત દ્વારા રફાળેશ્વર મંદિરે મેળાની થયેલી આવકમાં નાણાની ઉચાપત કરવામાં આવી હોય જેની તપાસની માંગ કરવામાં આવી હતી જે અરજીને પગલે ડીડીઓ એસ એમ ખટાણાના માર્ગદર્શન હેઠળ ટીડીઓએ તપાસ ચલાવી હતી અને સરપંચને જાંબુડિયા ગ્રામ પંચાયત દ્વારા મેળાના આયોજન અંગે માહિતી માંગી હતી

જોકે સરપંચ દ્વારા આદેશ મુજબ પ્રત્યુતર નહિ આપીને કે અહેવાલ સુપરત કરવામાં આવ્યો ના હોય તેમજ મેળાના આયોજન અંગે કરેલ તપાસમાં સરકારી તિજોરીને નુકશાન થયાનું ધ્યાનમાં આવ્યું હતું જેથી આ અંગેનો રીપોર્ટ ડીડીઓને સોપવામાં આવતા ડીડીઓ દ્વારા સત્તાનો દુરુપયોગ કરનાર સરપંચ રમેશભાઈ ગેલાભાઈ પાંચિયા અને ઉપસરપંચ શિવુભા ગઢવીને સસ્પેન્ડ કરવાનો આદેશ કર્યો છે

(1:13 am IST)
  • ભારત પાકિસ્તાનના તનાવપૂર્ણ સબંધો વચ્ચે પણ બૉલીવુડ અભિનેતા અને પૂર્વ સાંસદ શત્રુઘ્ન સિંહા પાકિસ્તાન પહોંચ્યા : પાકિસ્તાની અભિનેત્રી રીમા ખાન સાથે લગ્નોત્સવમાં હાજરી આપી : ક્વાલીનો આનંદ માણ્યો : પાકિસ્તાની વેબસાઈટ ઉપર વિડિઓ વાઇરલ : 2 દિવસના રોકાણ દરમિયાન રાજકીય આગેવાનોને પણ મળે તેવી શક્યતા access_time 12:58 pm IST

  • જામિયાના 10 વિદ્યાર્થીઓને પૂછપરછ માટે તેડું : જામિયા હિંસા મામલે દિલ્હી પોલીસની ક્રાઇમ બ્રાન્ચે 10 વિદ્યાર્થીઓને નોટિસ મોકલી પૂછપરછ માટે બોલાવ્યા છે access_time 12:49 am IST

  • વડાપ્રધાન શ્રી નરેન્દ્ર મોદીએ અજમેર શરીફ દરગાહ ઉપર ચડાવવા માટે ચાદર મોકલી : ખ્વાજા મોઇનુદીન ચિસ્તીના 808 માં ઉર્ષ પ્રસંગે લઘુમતી પ્રતિનિધિ મંડળ દ્વારા આ ચાદર ચડાવાશે access_time 8:28 pm IST