Gujarati News

મોરબી તા. ૨૧ : અહીંયા સ્થાનકવાસી જૈનસંઘ – સોની બજારના આંગણે ગોંડલ સંપ્રદાયના પૂજય ગીરીશમુની મહારાજ સાહેબના શીષ્ય પૂજય સુશાંતમુની મહારાજ સાહેબ તથા પૂજય ભદ્રાબાઇ મહાસતીજી- લીંબડી સંપ્રદાયના પૂજય પ્રમોદીનીબાઇ મહાસતીજી તથા ગોંડલ સંઘાણી સંપ્રદાયના પૂજય હંસાબાઇ મહાસતીજી આદી ૧૬ મહાસતીજીના સાનીધ્યમાં તા. ૨૫મીએ સવારે ૯-૦૦ થી ૧૦-૩૦ સુધી પ્રભુ મહાવીર સ્વામીના મંગલકારી સ્તોત્ર એટલે કે, ચોવીશીયંત્રના જાપનું આયોજન કરવામાં આવેલ છે. આ જાપની અંદર જે દંપતીને લગ્નજીવનના ૨૪ વર્ષ પૂર્ણ થઇ ગયા હોય તેવા ૨૪ દંપતીને પ્રથમ વિધિમાં બેસવાનું રહે છે.

ધર્મોત્સવમાં અન્ય દંપતીઓ અને ૧૧ વર્ષથી ઉપરની કોઇપણ વ્યકિત નાત-જાતના ભેદભાવ વગર લાભ લઇ શકશે. જાપ સમયે ભાઇઓએ સફેદ વસ્ત્ર અને બહેનોએ લાલ વ સ્ત્રો અંગીકાર કરવાના રહેશે. કાળા કે બ્લ્યુ કલરના વ સ્ત્રો પહેરનાર પ્રવેશ મળશે નહિ. ચંદ્રકાંતભાઇ દફતરીના પુત્ર સંદીપભાઇ અને પુત્રવધુ કાજલબેનના વરસીતપ પારણા આગામી તા. ૪ માર્ચે હોવાથી તેને અનુરૂપ ધર્મકારણીનું આયોજન થઇ રહેલ છે. માત્ર રવિવારે થઇ શકતા સ્તોત્રના જાપ- ફળદાયી-વિઘ્નહર અને ઘાતરક્ષક છે.આ જાપ પૂજય સુશાંતમુની મહારાજ સાહેબ વિધી-વિધાન દ્વારા સંપન્ન કરાવશે. સૌ ધર્મપ્રેમી ભાઇઓ-બહેનોને લાભ લેવા સંઘ વતી નવીનભાઇ દોશીએ અનુરોધ કર્યો છે.(૨૧.૨૦)