Gujarati News

Gujarati News

News of Tuesday, 23rd February 2021

બાબરાના ખંભાળા ગામે છોકરી પ્રશ્ને બે જુથોની સશસ્ત્ર ઝઘડો

અમરેલી, તા. ર૩ :  ખંભાળા ગામે છોકરી પ્રશ્ને બે જુથ વચ્ચે પાઇપ, લાકડી, કુહાડી, ઘારીયા વડે મારમારી જીવલેણ ઇજા કરી ધમકી આપ્યાની ફરિયાદ બાબરાપોલીસ મથકમાં નોંધાઇ છે. મનસુખભાઇ રાજાભાઇ સાગઠીયા ઉ.વ.૩૮ના કાકાના દિકરાનો મોબાઈલ કરશન રાજાસાગઠીયાની દિકરી પાસે મળી આવેલ. જે મન દુઃખ રાખી કરશનરાજા સાગઠીયા, મનોજ કરશન સાગઠીયા, રાજા છના સાગઠીયા, અરવિંદરામ સાગઠીયા, સોમા રાજા સાગઠીયા, બીજલ રાણા સાગઠીયાએ કુહાડા, પાઈપ, લાકડી વડે મારમારી ઇજા કરી ધમકી આપ્યાની બાબરાપોલીસ મથકમાં ફરિયાદ નોંધાવી છે. જ્યારે સામા પક્ષે અરવિંદભાઇ રાજાભાઇ સાગઠીયાના ભાઇ કરશનભાઇની દિકરી ઘરેથી જતી રહેલ. અને ભલાભાઇ સાગઠીયાના દિકરા જીગુભાઈએ મદદ કરેલ જે મનદુઃખ રાખી અરવિંદભાઇ અને પિતા રાજાભાઇ જીગુભાઇને સમજાવવા જતા ગેરકાયદેસર મંડળી રચી. ભલા દાના સાગઠીયા, દેવુબેન ભલાભાઈ સાગઠીયા, જીગુ ઉર્ફે પ્રકાશ ભલા સાગઠીયા, મંગા રામા સાગઠીયા, શાંતુબેન રામાભાઇ સાગઠીયા, કમુબેનમહેશભાઈ સાગઠીયાએ કુહાડા, ધારીયા વડે જીવલેણ ઇજા કર્યાની બાબરાપોલીસ મથકમાં ફરિયાદ નોંધાવી છે.

પતિએ લગ્નમાં જવાની ના પાડતા પત્નિએ દવા પીધી 

રાજુલાતાલુકાના કુંડલીયાળા ગામે રહેતી હંસાબેન વિરજીભાઈ બારૈયાને પિયરમાં લગ્નમાં જવું હોય. લગ્નમાં જવાની પતિએના પાડતા પોતાને લાગી આવતા ઝેરી દવાપી ગયાનું રાજુલા પોલીસ મથકમાં પતિએ જાહેર કરેલ, અને મહિલાને સારવાર માટે દવાખાને ખસેડવામાં આવેલ.

(1:06 pm IST)
  • દેશમાં કોરોનાના ધીમીગતિએ વધતા કેસ :રાત્રે 12 વાગ્યા સુધીમાં કોરોનાના નવા 10,493 કેસ નોંધાયા :કુલ કેસની સંખ્યા 1,10,15,863 થઇ :એક્ટિવ કેસ 1,44,332 થયા: વધુ 13,230 દર્દીઓ સ્વસ્થ થતા કુલ 1,07,10,883 થયા :વધુ 76 લોકોના મોત સાથે કુલ મૃત્યુઆંક 1,56,498 થયા access_time 1:18 am IST

  • અખિલ ભારતીય બાર પરીક્ષા XVI (AIBE XVI) એક મહિના માટે મુલતવી રાખવામાં આવી છે અને હવે 21 માર્ચના બદલે 25 એપ્રિલ, 2021 ના ​​રોજ યોજવામાં આવશે. આ બાબતે બાર કાઉન્સિલ ઓફ ઈન્ડિયા (બીસીઆઈ) એ રવિવારે એક જાહેરનામું બહાર પાડીને આ માટેના સુધારેલા શેડ્યૂલની જાણ કરી હતી. access_time 8:42 pm IST

  • ઉભા પાક ઉપર ટ્રેકટર ફેરવી દીધા : રાકેશ ટિકૈતની હાકલની યુપીમાં સીધી અસર કૃષિ પ્રશ્નો ખેડૂત માટે ડેથ વોરંટઃ કેજરીવાલ access_time 1:11 pm IST