Gujarati News

Gujarati News

News of Monday, 22nd February 2021

ઉના પાસે ડમ્‍પર અને કાર વચ્‍ચે અકસ્‍માતમાં વેરાવળના યુવાનનું મોત

અકસ્‍માતમાં બીજા યુવાનને ગંભીર ઇજાઃ રાજકોટ ખસેડાયો

(નવીન જોષી દ્વારા) ઉના, તા., ૨૨: ઉના-કોડીનાર હાઇવે ઉપર ડમ્‍પર અને કાર વચ્‍ચે અકસ્‍માતમાં વેરાવળના વનરાજભાઇ અશ્વીનભાઇ ગોહીલનું મોત નિપજયું હતું. કારમાં બેઠેલા બીજા યુવાનને ગંભીર ઇજા થતા રાજકોટ સારવારમાં ખસેડાયેલ છે.

ઉના-કોડીનારને નેશનલ હાઇવે રોડ ઉપર ઉનાથી ૬ કી.મી. દુર સીલોજ-નાથળ ગામ જતા રોડ ઉપર ઉનાથી મોટરકારમાં વેરાવળ જતા વનરાજભાઇ અશ્વીનભાઇ ગોહીલ (ઉ.વ.ર૪) રે.વેરાવળ અને પ્રતિષભાઇ મહેન્‍દ્રભાઇ ગોહીલ (ઉ.વ.ર૦) રે.વેરાવળવાળાને સામેથી આવતા ટમ્‍પર નંબર જી.જે. ૩ર પી ૭૮ર૭ના ચાલકે પુરઝડપે બેદરકારીથી ડમ્‍પર ચલાવી મોટર કાર સાથે ભટકાવતા મોટર કારનો બુકડો બોલી ગયો હતો.

મોટરકારમાં રહેલ બે યુવાનને મહામહેનતે લોકોએ બહાર કાઢી ઉના દવાખાને ખસેડેલ હતો. જેમાં વનરાજભાઇ અશ્વીનભાઇ ગોહીલનું ઘટના સ્‍થળે મોત થઇ ગયાનું ડોકટરે જણાવેલ હતુ અને પ્રતિષભાઇ મહેન્‍દ્રભાઇ ગોહીલને પગ, માથા, શરીરના ભાગે ગંભીર ઇજા થતા પ્રથમ ઉના ખાનગી દવાખાને વધુ સારવર માટે રાજકોટ ખસેડલ છે.

અકસ્‍માતની જાણ વેરાવળગોહીલ પરીવારને થતા ઉના આવી ગયેલ છે. વનરાજભાઇનું પોસ્‍ટલ કરાવી વેરાવળ લઇ ગયા હતા. ઉના પોલીસમાં ડમ્‍પર ચાલક સામે અકસ્‍માત કરી મોત પોલીસમાં ડમ્‍પર ચાલક સામે અકસ્‍માત કરી મોત નિપજાવ્‍યાની ફરીયાદ નોંધાવી હતી.

(11:45 am IST)
  • અજીબ છે આ રેલવે સ્ટેશન : અહીં ટિકિટ લેવા જવું પડે છે મહારાષ્ટ્ર અને ટ્રેન પકડવા માટે ગુજરાત પહોંચવું પડે : બે રાજ્યોની વચ્ચે આવ્યું છે નવાપુર રેલવે સ્ટેશન: ગુજરાત અને મહારાષ્ટ્રની સીમા સ્પર્શતું એકમાત્ર રેલવે સ્ટેશન : સ્ટેશને બેન્ચનો અડધો ભાગ મહારાષ્ટ્ર અને અડધો હિસ્સો ગુજરાતમાં છે access_time 9:25 am IST

  • ઝારખંડમાં કોંગ્રેસની જન આક્રોશ રેલીમાં થયો ડાન્સ : મંત્રીઓ સામે ડાન્સરે લગાવ્યા ઠુમકા : વિડિઓ વાયરલ થતા ચકચાર : ત્રણ કૃષિ કાયદાના વિરોધમાં દેશભરમાં યોજાતા કાર્યક્રમો વચ્ચે ઝારખંડના સરાયકેલા -ખરસાવા જિલ્લામાં ખેડૂત આંદોલનના સમર્થનમાં જન આક્રોશ રેલી યોજાઈ : મંચ પરથી છોકરીઓ દ્વારા લૈલા ગીતની ધૂન પર ડાન્સ કરાયો હતો જેમાં કાર્યકરોએ પણ ઠુમકા લગાવ્યા હતા access_time 9:27 am IST

  • ઈશાંત ટેસ્ટની સદી ફટકારશે : આગામી ૨૪મીથી મોટેરા સ્ટેડિયમ ખાતે ડે એન્ડ નાઈટ ટેસ્ટનો પ્રારંભ થઈ રહ્યો છે ત્યારે ઈશાંત શર્મા પોતાના ટેસ્ટ કેરીયરનો ૧૦૦મો ટેસ્ટ રમનાર છે તેણે ૯૯ ટેસ્ટ મેચમાં ૩૦૨ વિકેટો ઝડપી છે. access_time 2:41 pm IST