Gujarati News

Gujarati News

News of Wednesday, 25th March 2020

કેશોદમાં સતત ચોથા દિવસે લોકો પરિવાર સાથે ઘરોમાં: સરકારી હોસ્પિટલમાં રૂટીન કેસો

કેશોદ, તા. રપ : શહેર રવિવારથી સંપૂર્ણપણે લોકડાઉન રહેતા બજારો સહિત શહેરના વિવિધ વિસ્તારોના રસ્તાઓ ભેંકાર ભાંસી રહ્યો છે અને પોલીસ પેટ્રોલીંગ ચાલુ છે.

સાંજે સતત ચોથા દિવસે પણ લોકો પરિવાર સાથે ઘરમાં જ રહેલ છે. અને હજુ વધુ આગામી ર૧ દિવસ પણ આ રીતે જ વિતાવાની માનસીક તૈયારી લોકોએ કરી લીધી હોઇ તેવું જણાઇ રહેલ છે.

છેલ્લા ગત ત્રણ દિવસથી અત્રે લોકડાઉનની સ્થિતિ જ જોવા મળેલ. મેડીકલ, શાકભાજી, દુધ, અનાજ-કરીયાણા જેવી જીવનજરૂરી આવશ્યક ચીજવસ્તુ સિવાય તમામ ધંધાઓ ઠપ્પ થઇ ગયેલ છે.

સરકારી હોસ્પિટલના ડો. ભીમાણીએ અકિલાને જણાવેલ કે, સામાન્ય રીતે પ૦ થી ૬૦ જેવા શરદી, ઉધરસ જેવા કેસો આવે છે જે રૂટીન મુજબના છે. બાકી અન્ય કોઇ ફરીયાદ જોવા મળેલ નથી.

ડો. ભીમાણીએ જણાવેલ કે કોરોના વાયરસ બચવા ઘરમાં જ રહેવું અતિ આવશ્યક છે. આવશ્યક ચીજવસ્તુઓ લેવાની જરૂર પડે તો પરિવારમાંથી માત્ર એકજ વ્યકિતએ ખરીદી માટે નિકળવું જોઇએ અને ઘરે આવ્યા બાદ સાબુથી હાથ-પગ ધોઇ લેવા અને શકય હોઇ તો નાહી લેવું તેમજ પહેરેલ કપડા પણ ગરમ પાણીથી ધોઇ બાદમાં તડકે સુકવી દેવા જરૂરી છે.

(1:13 pm IST)
  • માર્ચમાં યુનોની સિકયોરીટી કાઉન્સીલની બેઠક : અધ્યક્ષતા ચીન પાસે : ચીનની અવળચંડાઈ : આગામી યુનોની સિકયોરીટી કાઉન્સીલની બેઠકનું અધ્યક્ષપદ ચીન પાસે છે ત્યારે કોરોનાની ચર્ચા અંગે ચીને રીતસર અવળચંડાઈ આચરી છે. ચીનના વિદેશમંત્રીએ ગઈકાલે જ કહેલ કે કોરોના મહામારી અંગે ચીનને દોષિત ન ઠેરવો ઘણા દેશોએ કોરોના અંગે પ્રસ્તાવ મૂકયો છે પણ ચીન આ બેઠકમાં ચર્ચા કરવા દેવા નથી માંગતુ એ સ્પષ્ટ થયુ છે. access_time 1:05 pm IST

  • મહારાષ્ટ્રમાં કોરોનાએ હાહાકાર મચાવ્યો : મહારાષ્ટ્રનાં સાંગલીમાં એક જ પરિવારનાં પાંચ લોકો કોરોનાથી સંક્રમિત : આ તમામને આઈસોલેશનમાં મોકલી દેવાયા : આ સાથે રાજ્યમાં સંક્રમિતોનો આંકડો 112 થયો છે. access_time 12:51 pm IST

  • ગુજરાતમાં કોરોના વાયરસના 36 કેસ નોંધાયા: વધુ 7 પોઝિટિવ કેસ : અમદાવાદમાં -13,વડોદરામાં -7,સુરતમાં -6, ગાંધીનગરમાં -6 કચ્છમાં-1 અને રાજકોટમાં 3 કેસ નોંધાયા : વડોદરાના નિઝમપુરામાં વધુ એક પોઝિટિવ રિપોર્ટ :યુવાનના પિતા શ્રીલંકા ફરવા ગયા હતા અને પોઝીટીવ રિપોર્ટ આવેલ છે access_time 8:57 am IST