Gujarati News

Gujarati News

News of Tuesday, 3rd December 2019

પડધરીના ઉકરડામાં આદિવાસી પરિવારના ચારને મધમાખીઓ કરડી

મુન્‍નીબેન, સુમિતા, પિયુષ અને ચંદનને રાજકોટમાં સારવાર

રાજકોટ તા. ૩: પડધરીના ઉકરડા દહીંસરા ગામે સંજયભાઇ હરખાભાઇ રૈયાણીની વાડીમાં રહી મજૂરી કરતાં આદિવાસી પરિવારના મહિલા અને ત્રણ બાળકોને મધમાખીઓ કરડી જતાં પડધરી સારવાર અપાવી રાજકોટ સિવિલ હોસ્‍પિટલમાં ખસેડાયા હતાં.

મુન્‍નીબેન કાળુભાઇ ગણાવા (ઉ.૩૫), સુમિતા કાળુભાઇ (ઉ.૫), ચંદન કાળુભાઇ (ઉ.૩) અને પિયુષ પંકજભાઇ ગણાવા (ઉ.૩)ને સાંજે ચારેક વાગ્‍યે વાડીએ હતાં ત્‍યારે મધમાખીઓ કરડી જતાં દેકારો મચાવી મુક્‍યો હતો. વાડી માલિકે પડધરી સારવાર અપાવી રાજકોટ ખસેડતાં હોસ્‍પિટલ ચોકીના સ્‍ટાફે પડધરી પોલીસને જાણ કરી હતી.

(11:44 am IST)
  • નિર્ભયા કેસના દોષિતની દયા અરજી દિલ્હી સરકારે ફગાવી :2012ના નિર્ભયા રેપ અને હત્યાકાંડ મામલે દિલ્હી સરકારે એક આરોપીની દયા અરજીને રદ્દ કરી:દિલ્હીના ગૃહમંત્રી સત્યેન્દ્ર જૈને દિલ્હી સરકારની ભલામણ બાદ ફાઇલને ઉપરાજ્યપાલ અનિલ બૈજલ પાસે મોકલી : આવા કેસમાં દયા દાખવવી યોગ્ય નથી : દયા અરજી રદ કરવા દિલ્હી સરકારે LGને કહ્યું access_time 12:56 am IST

  • તામિલનાડુમાં શિયાળે ચોમાસાનો માહોલ : ચેન્નાઈમાં ભારે વરસાદ : એક વ્યક્તિનું મોત : સોમવારે અનેક જિલ્લાઓમાં શાળા-કોલેજો બંધની એલાન : પોન્ડિચેરીમાં પણ પૂરની સ્થિતિ : મદ્રાસ યુનિવર્સિટી અને અન્ના યુનિવર્સિટીની પરીક્ષાઓ મોકૂફ :આગામી 24-48 કલાક રાજ્યમાં ભારે વરસાદની આગાહી : કેપ કોમોરિન અને લક્ષદ્વીપ વિસ્તારમાં માછીમારોને દરિયો ન ખેડવા સૂચના access_time 12:54 am IST

  • પશ્ચિમ બંગાળમાં કોંગ્રેસ અને ભાજપના 300થી વધુ કાર્યકરો ટીએમસીમાં સામેલ : માલદા જિલ્લાના રતુંઆ 2 સમુદાય વિકાસ ખંડના મીરઝાદપુરમાં એક કર્યક્રમમાં જિલ્લા અધ્યક્ષ અને પૂર્વ સાંસદ મૌસમ બૅનર્જીર નૂરે કોંગ્રેસ અને ભાજપમાંથી આવેલા તમામ કાર્યકરોનું તૃણમૂલ કોંગ્રેસમાં સ્વાગત કર્યું access_time 12:53 am IST