Gujarati News

Gujarati News

News of Tuesday, 3rd December 2019

વાંકાનેરમાં હઝરત પીર સૈયદમોમીનશાહનો ઉર્ષ

વાંકાનેરઃ તાલુકા ચંદ્રપુર ગામે નેશનલ હાઇવે પર મહાન સુફી સંત અને મોમીન કોમના રાહબર હઝરત પીર સૈયદ મોમીનશાહ બાવાનો ઓગણીસમો ઉર્ષ મુબારક હજારો અનુયાયીઓની ઉપસ્થિતિમાં ઉજવાઇ ગયો. જેમા મોમીનશાહ બાવાના મોટા દિકરા, સજ્જાદાનશીન અને મોમીન કોમના , રાહબર, ગાદીપતિ અલ્હાજ હઝરત પીર સૈયદ વિઝારતહૂશેન બાવા સાહેબના માર્ગદર્શન હેઠળ ઉર્ષ મુબારકનુ આયોજન થયેલ. હઝરત પીર સૈયદ વિઝારતહુશેન બાવા સાહેબના દીકારા અને સજ્જાદાનશીન હઝરત અલ્હાજ કારી સૈયદ અલીનવાઝ બાવા સાહેબે ૧૬ વર્ષની નાની વયે શુક્રવારે ઇશાની નમાઝ બાદ શાનદાર તકરીર કરી હતી  જેમા તેઓએ મુસ્લિમ બિરાદરોને સાચી રાહ પર ચાલવાનો સંદેશો આપ્યો હતો. ઉર્ષ નિમિતે રવિવારે સવારે કુરઆન ખ્વાની, ત્યારબાદ ન્યાઝનો કાર્યક્રમ યોજાયો હતો. ઝોહરની નમાઝ બાદ બાવાના કુટુંબીજનોની હાજરીમા સંદલશરીફની પવિત્ર રશ્મ અદા કરવામા આવી હતી. ઉત્કૃષ્ટ કલાત્મક રંગબેરંગી કાચથી સુશોભિત દરગાહ તથા મારબલ જડિત ગ્રાઉન્ડના વિશાલ ફલકમાં મંડપ તથા લાઇટ ડેકોરેશનથી દરગાહ શરીફ સંકુલ રળયામણુ હતું. સજજાદાનશીન અને ગાદીપતિ એવા મોમીનશાહ બાવાના મોટા દીકરા અલ્હાજ હઝરત પીર સૈયદ વિઝારતહુશેન બાવા ખાનદાનમાં ચાલી આવતી રશ્મ મુજબ પીરાઇની ગાદીની શોભા વધારે છે. અને મોમીન સમાજના સાચા રાહબર તરીકે જવાબદારી નિભાવી રહ્યા છે. હઝરત પીર સૈયદ મોમીનશાહ બાવાની દરગાહ શરીફ તથા પ્રવચન આપતા અલીનવાઝબાવા તસ્વીરમાં નજરે પડે છે. (તસ્વીરઃ નિલેશ ચંદારાણા-વાંકાનેર)

(11:10 am IST)
  • કોઇમ્બતુરમાં એકધારો વરસાદઃ ૩ મકાન જમીન દોસ્તઃ ૧૦ મહિલા સહિત ૧પના મોતઃ કાટમાળ હેઠળ કેટલાક લોકો હજુ ફસાયેલાઃ ભારે વરસાદથી જનજીવન ખોરવાયું છે access_time 11:37 am IST

  • તામિલનાડુમાં શિયાળે ચોમાસાનો માહોલ : ચેન્નાઈમાં ભારે વરસાદ : એક વ્યક્તિનું મોત : સોમવારે અનેક જિલ્લાઓમાં શાળા-કોલેજો બંધની એલાન : પોન્ડિચેરીમાં પણ પૂરની સ્થિતિ : મદ્રાસ યુનિવર્સિટી અને અન્ના યુનિવર્સિટીની પરીક્ષાઓ મોકૂફ :આગામી 24-48 કલાક રાજ્યમાં ભારે વરસાદની આગાહી : કેપ કોમોરિન અને લક્ષદ્વીપ વિસ્તારમાં માછીમારોને દરિયો ન ખેડવા સૂચના access_time 12:54 am IST

  • જીડીપીના આંકડા મામલે ભાજપના સાંસદ નિશાકાન્ત દુબેએ કહ્યું જીડીપી કોઈ બાઇબલ કે રામાયણ નથી : થોડા વર્ષોમાં જીડીપીની જરૂરિયાત નહિ રહે : નિશાકાન્ત ડૂબેએ જીડીપીની થિયરી પર સવાલ ઉઠાવ્યા : તેઓએ કહ્યું જીડીપીને બદલે સતત આર્થિક વિકાસનું મહત્વ છે access_time 1:17 am IST