Gujarati News

Gujarati News

News of Tuesday, 13th August 2019

વિસાવદરના પ્રેમપરાની સગર્ભા મહિલા પરના હુમલામાં આરોપીની ધરપકડ

ફરીયાદ ન કરવા બે લાખની લાલચ પણ આપેલ

જૂનાગઢ, તા. ૧૩ :. વિસાવદર તાલુકાના પ્રેમપરા ગામના લખીબેન જીવરાજભાઈ પરમાર (ઉ.વ. ૩૫) નામની સગર્ભા મહિલા તા. ૧૧ના રોજ બપોરના અરસામાં સેરખીયા વાડી વિસ્તારમાં પોતાની ભેંસો ચરાવતી હતી.

ત્યારે પ્રેમપરાનો દુલર્ભ રાજા માવળીયા-પટેલ નામના શખ્સે પાછળથી આવી લખીબેનને થપ્પડ મારતા તેઓ પડી ગયા હતા. આ પછી રાક્ષસ બનેલા દુર્લભે લખીબેનના પેટ ઉપર લાકડાથી બે-ત્રણ ઘા ઝીંકી દેતા મહિલાના પેટમાં રહેલ આઠ માસનો ગર્ભ (બાળક) અડધો બહાર નીકળી ગયો હતો.

ગૌચરની જમીનમાં ભેંસો નહિ ચરાવવાનું કહી હેવાન બનેલા દુર્લભ માવળીયાએ મહિલાને લોહી લોહાણ કરી મુકી હતી.

આ દરમિયાન લખીબેનના પતિ જીવરાજ જગભાઈ આવી જતા હુમલાખોરે પોલીસ ફરીયાદ નહી કરવા જણાવી રૂ. બે લાખની લાલચ આપી હતી. બાદમાં દંપતીને જાનથી મારી નાખવાની ધમકી આપી આ શખ્સ નાસી ગયો હતો.

આ હુમલામાં ગંભીર રીતે ઘાયલ થયેલ લખીબેનને પ્રથમ વિસાવદર અને બાદમાં જૂનાગઢ ખાતે સારવાર માટે ખસેડવામાં આવેલ.

વિસાવદર પોલીસે મહિલાની ફરીયાદ લઈ ધોરણસરની કાર્યવાહી કરી હતી. પી.આઈ. કે.કે. ઝાલાએ ત્વરીત તપાસ હાથ ધરી ગત રાત્રે આરોપી દુર્લભ રાજાની ધરપકડ કરી વધુ તપાસ હાથ ધરી છે.

(3:51 pm IST)
  • દિલ્હી સરકારની ઓટો ચાલકોને મોટી ભેટ ;જીપીએસ ફી અને ફિટનેસ ફી માફ :મુખ્યમંત્રી અરવિંદ કેજરીવાલે કરી જાહેરાત ;નવો ફેરફાર પહેલી સપ્ટેમ્બરથી થશે લાગુ access_time 1:11 am IST

  • રાજકોટ મ્યુ.કોર્પોરેશનનાં જનરલ બોર્ડનો પ્રારંભઃ પ્રિ-મોન્સુન કામગીરી પ્રશ્ને તડાપીટ: ભાજપના ૧૪ અને કોંગ્રેસના ૧૩ કોર્પોરેટરો દ્વારા કુલ ૬૩ પ્રશ્નો રજૂઃ પ્રથમ ભાજપનાં મનીષ રાડીયાનાં પ્રશ્નથી ચર્ચા શરૂ: મવડી બ્રિજ, સાધુ વાસવાણી રોડની લાયબ્રેરીનાં નામકરણ સહિતની ૮ દરખાસ્તો અંગે નિર્ણય access_time 11:21 am IST

  • નિતિન ગડકરી સાથેના વિમાનને રન-વે ઉપરથી પાછું વાળ્યું: નાગપુરથી દિલ્હી જતી ઇન્ડિગો ૬ઇ ૬૩૬ નંબરની ફલાઇટ નાગપુરના રન-વે ઉપરથી પાછી વાળી લેવામાં આવેલ હતી. કોઇ ટેકનીકલ ક્ષતિ સર્જાયાનું કહેવાય છે. આ ફલાઇટમાં કેન્દ્રીય મંત્રી શ્રી નિતિન ગડકરી સહિત તમામ મુસાફરોને સહી સલામત ઉતારી લેવામાં આવેલ access_time 11:23 am IST