Gujarati News

Gujarati News

News of Tuesday, 13th August 2019

વિરપુરની ચોરીમાં ત્રણ વર્ષથી વોન્ટેડ ભરત ચારોલિયા પકડાયો

ગોંડલમાંથી રાજકોટ રેન્જના નાસતા ફરતા સ્કવોડે દબોચી લીધો

રાજકોટ તા ૧૩ :  વિરપુરની ચોરીના ગુન્હામાં ત્રણ વર્ષથી વોન્ટેડ આારોપીને રાજકોટ રેન્જના નાસતા ફરતા સ્કોવોડે ઝડપી લીધો હતો.

રેન્જમાં અલગ અલગ ગુનાઓમાં નાસતા ફરતા આરોપીઓને પકડી પાડવા રાજકોટ રેન્જના ડી.આઇ.જી.પી. શ્રી સંદીપ સિંહ દ્વારા અપાયેલ સુચના અન્વયે રેન્જના નાસતા ફરતા સ્કવોડના ઇ.ચા. પો.સ.ઇ. પી.સી. સરવૈયા તથા સ્કવોડના રૂપકબહાદુર હસ્તબહાદુર નાઓને મળેલ હકીકત આધારે સ્ટાફના સિધ્ધરાજસિંહ વાઘેલા, શિવરાજભાઇ ખાચર તથા દિગુભા ઝાલાએ વિરપુર પો.સ્ટે. ફ.ગુ.ર. નં. ૪૨/૧૬ ઇપીકો કલમ ૩૭૯ મુજબના ચોરીના  ગુનામાં છેલ્લા ત્રણ વર્ષથી નાસતા ફરતા આરોપી ભરત વલકુભાઇ ચારોલીયા, રહે. વાસાવડ, તા. ગોંડલ વાળાને ગોંડલ ઘોઘાવદર રોડ પરથી ધોરણસર અટક કરી ગોંડલ સીટી પો.સ્ટે. સોંપવામાં આવેલ છે, અને આરોપી અટકની વિરપુર પો.સ્ટે. ને જાણ કરવા માટેની આગળની કાર્યવાહી  કરવામાં આવેલ છે.

(1:16 pm IST)
  • પશ્ચિમ બંગાળમાં દુર્ગા પૂજા સમિતિઓને આવકવેરા વિભાગે નોટિસો ફટકારી ;તૃણમૂલ કોંગ્રેસે ધરણા શરુ કર્યા ;દુર્ગા પૂજા સમિતિઓને નોટિસ મોકલવાના વિરોધમાં તૃણમૂલ કોંગ્રેસ દ્વારા મધ્ય કોલકાતામાં આઠ કલાકના ધરણા access_time 1:10 am IST

  • કૃષ્ણ -અર્જુન વાળા રજનીકાંતના નિવેદનથી તામિલનાડુ કોંગ્રેસને આંચકો ;કહ્યું ફરીથી વાંચે મહાભારત : તામિલનાડુ કોંગ્રેસ કમિટીના અધ્યક્ષ કે,એસ,અલ્લગીરીએ કહ્યું કે રજનીકાંતની આવી પ્રતિક્રિયાથી આશા નહોતી આ પ્રકારના નિવેદનથી હેરાન થયા છું ;સાઉથના સુપર સ્ટાર અને રાજનીતિમાં પ્રવેશેલા રજનીકાંતે કાશ્મીરમાં આર્ટિકલ 370 હટાવતા પીએમ મોદીને કૃષ્ણ અને ગૃહમંત્રી અમિતભાઇ શાહની તુલના અર્જુન સાથે કરી હતી access_time 12:56 am IST

  • વડોદરા જવાનો માર્ગ ખુલી ગયો : સૌરાષ્ટ્રના વડોદરા જતા પ્રવાસીઓ માટે બગોદરાથી વટામણ ચોકડી તારાપુર ચોકડી થઇને જતો રસ્તો આજે ખુલી ગયો છે. સાબરમતી પુલ પરથી તારાપુર તરફ જવાય છે. જો કે આ રસ્તો આગળ ખરાબ હોવાનું અને બગોદરાથી થોડે આગળ ખેડા તરફના રસ્તે વડોદરા જવુ વધુ સુગમતા ભર્યું હોવાનું જાણકારો કહે છે. access_time 3:40 pm IST